2 Makabe 12
12
Yahuuda waati Yahuudu'en wonɓe haa Jaffa e Jamniya
1Ɓaawo nde alkawal haɓɓaama hakkunde Yahuudu'en e Lisiyas, Lisiyas lori haa laamiiɗo, Yahuudu'en boo lorti haa kuuɗe gese maɓɓe. 2Ammaa caka alkaali'en ngomna wi'eteeɓe Timote bee Apolloniyus ɓii Geneyus, Hiyeronim e Demofon bee Nikanor ardiiɗo sooje'en haya Kiprus, ɓe cali ɗalgo Yahuudu'en njooɗo nder jam e de'ere.
3Yimɓe Jaffa kuuwi kuugal kalluŋgal jamum. Ɓe mbaɗi Yahuudu'en wonɓe nder wuro maɓɓe naafikaare, ɓe ewni ɓe ɓe ngara kamɓe e rewɓe maɓɓe e ɓiɓɓe maɓɓe boo, ɓe nasta koommbooje ɗe ɓe taaskani ɓe, ɓe taaroya nder maayo. 4Nde ewnaandu man wardi gal yimɓe wuro man fuu, Yahuudu'en boo cekaay koo ɗume, ɓe nooti ewnaandu man ngam semmbiɗingo soobiraaku man. Ammaa nde ɓe njotti caka maayo, ɓe njolli ɓe, ɓe fuu ɓe kalki, waɗi baakin yimɓe teemeɗɗe ɗiɗo.
5Nde Yahuuda heɓi habaru deerɗiiko'en maayi maayde naawnde, o mooɓti yimɓe maako worɓe fuu. 6Ɓaawo o tori Allah kiitoowo adiliijo, o hippoyi mbarɓe deerɗiiko'en. O hippori ɓe jemma, o jamni yiite haa fomoonde maayo, o wuli koommbooje fuu e o mbari suuɗiiɓe haa babal man fuu. 7Ɓaawoɗon o huuci ngam dammuɗe wuro man ɗon maɓɓi, ammaa o ɗon bee anniya lortaago ngam o mbarda yimɓe Jaffa fuu.
8Yahuuda heɓi habaru yimɓe Jamniya boo ngiɗi senndirgo bee Yahuudu'en wonɓe nder wuro maɓɓe bana no yimɓe Jaffa cenndiri bee maɓɓe. 9O yehi o hippi Jamniya bee jemma, o wuli haa ɓe koommbooje njippoto e koommbooje man fuu. Ɓe ndaari jayŋgol yiite man haa Urusaliima, daayiiɗum bee maɓɓe waɗan kilomeetir 45.
Yahuuda nyaami Sasfo
10Ɓaawoɗon, Yahuuda e yimɓe mum, ummi diga Jamniya haa ɓe kippoyo Timote. Ɓe cenndiri bee wuro man baakin kilomeetir ɗiɗi nii, Arab'en ko waɗata ujine njowo kippi ɓe, bee walliinde wa'iiɓe pucci teemeɗɗe njowo. 11Haɓre saatunde ummi, ammaa sooje'en Yahuuda keɓi jaalorgal ngam Allah walli ɓe. Ɓaawo nde ɓe njaalaama, Arab'en nde ɓe waynaaɓe, ɓe tori Yahuuda ngam o tabitina jam bee maɓɓe. Kamɓe boo annini hokkugo Yahuudu'en dabbaaji e ɓe mballan ɓe haa kuuɗe maɓɓe goɗɗe. 12Yahuuda hiisi ɗum ɓe nafan ɓe jamum wakkatiiji goɗɗi. Kanjum waɗi o jaɓi waɗgo sulhu bee maɓɓe. Nde alkawal man tabiti, Arab'en go kuuci haa cuuɗi laymaaji muuɗum'en.
13Yahuuda hippi fahin wuro semmbiɗngo wi'eteeŋgo Sasfo. Wuro man ɗon taari bee lesdi towndi e ngo ɗon taari boo bee mahi towɗi. Yimɓe wuro man ɗon njillindiri bee asli goɗɗi. 14Yimɓe man tammino ɓe mbaawan hisgo ngam mahi wuro maɓɓe tekkuɗi e ngam ɓe mari ko ɓe nguurda. Ɓe laaki Yahuuda e yimɓe mum. Ɓe njanci Allah bee kalimaaji naawɗi. 15Ammaa Yahuuda e yimɓe mum tori Jawmiraawo tagɗo asama e lesdi, o walla ɓe. Zamanu Yosuwa, o yibbinno mahi Yeriko bilaa balmi malla dabbaaji. Nden ɓe kippi mahi taariiɗi wuro man bee semmbe. 16Nde Allah yerdi kuugal man, ɓe njaɓti wuro man. Ɓe mbari yimɓe ɗuuɗɓe, woodino coofol ton, njaajirka maagol meetir 400, ƴiiƴam rufi haa waɗi bana ngol heewi.
Yahuuda heɓi jaalorgal haa Karnayim
17Ɓaawo wurtaago maɓɓe Sasfo, Yahuuda bee yimɓe muuɗum njehi baakin kilomeetir 140 haa ɓe njotti nokkuure semmbiɗnde nde lesdi Karak haa Yahuudu'en wi'eteeɓe Tubi'en. 18Ɓe tawaay Timote haa taƴre lesdi man fuu: O egguɗo ngam walaa ko o waɗi haa ton, ammaa o ɗali mooɓre sooje'en ɗuuɗnde haa babal maajum. 19Dosite e Sosipater, mawɓe ardiiɓe sooje'en Yahuuda Makabe, kippi nokkuure man e ɓe mbardi sooje'en wonɓe haa ton fuu: Haa babal man sooje'en ɗonno ko dillani ujine sappo. 20Ɓaawoɗon Yahuuda sennditi sooje'en maako geɓe ɗuuɗɗe, o halfini sooje'en ardotooɗo ɗe. Nden o taasni Timote, kanyum boo ardini sooje'en yahooɓe bee kosɗe baakin ujine teemerre e noogas e sooje'en wa'iiɓe ujine ɗiɗo e teemeɗɗe njowo.
21Nde Timote heɓi habaru Yahuuda ɗonno ɓadito mo, o yerɓiti rewɓe e ɓikkoy e doŋle fuu haa pellel bi'eteeŋgel Karnayim. Ɗum caɗɗum hippugo nokkuure nde'e e ɗum caɗɗum yahgo ton ngam laabi yahgo ton fuu paɗɗi. 22Ammaa nde yeɓre sooje'en Yahuuda waŋgi, kulol naŋngi konne'en, kultoreeŋgol ngo'ol ta'i ɓe ɓerɗe yaake Allah gi'oowo koo ɗume fuu, waŋgi haa yeeso maɓɓe. Ɓe ndoggi haa alkibilaaji fuu, ɓe kultori jamum. Nder doggudu maɓɓe man woɗɓe maɓɓe naawnaama bee kaafaaje yimɓe maɓɓe. 23Yahuuda taasni mbarooɓe ko'e ɓe'e bee semmbe ngam o nattina ɓe. O mbari ko dillani ujine cappanɗe tato. 24Sooje'en Dosite e Sosipater naŋngi Timote. O tori ɓe bee dabare, ɓe njoofta mo taa ɓe njaŋngita mo: O wi'i ɓe, o ɗon jogi haa laamu maako, saaro'en e deerɗiraaɓe ɗuuɗɓe caka maɓɓe, ɓe mbaran ɓe boo to ɓe njaŋngiti mo. 25Haa ragare maajum o wi'i ɓe o yoofan saaro'en maɓɓe bee jam salaaman. Yahuudu'en go njoofi mo ngam hisnugo yoŋkiiji yimɓe maɓɓe.
26Ɓaawoɗon Yahuuda nyaami Karnayim e nokkuure mum seniinde nde lawru maɓɓe rewru wi'eteendu Atargatis. O mbari ko dillani yimɓe ujine noogas e njowo.
Yahuuda jaali, warti Urusaliima
27Ɓaawo ɓe njaali konne'en maɓɓe, Yahuuda e mooɓe mum tiitoyi Efruuna. Ɗum wuro semmbiɗŋgo, yimɓe maago iwi diga lesɗe ɗuuɗɗe. Suka'en semmbiɗɓe ndari yeeso mahi wuro man towɗi, ɓe ɗonno kaɓa bee cuusal. Caka wuro man, woodino jamɗe ɗuuɗɗe ɗe konu e balmi piɗirɗi ɗuuɗɗi boo. 28Ammaa Yahuudu'en tori Jawmiraawo marɗo baawɗe, o nattina semmbe konne'en. Bana nii ɓe mardiri wuro man e ɓe mbari ko dillani yimɓe ujine noogas e njowo.
29Nden ɓe acci nokkuure maajum, ɓe njehi hongo Sitopolis, wuro wonŋgo ko dillani kilomeetir teemerre e sappo bee Urusaliima. 30Ammaa Yahuudu'en wonɓe ton mbi'i Yahuuda: Yimɓe wuro man mboonani ɓe e enɗi ɓe wakkati ɓilla. 31Yahuuda e yimɓe mum ngetti yimɓe wuro man, o umri ɓe ɓe tokko waɗango jama'aare Yahuudu'en mbooɗeeŋga bana ni'i. Nden ɓe lorti Urusaliima ngam juulde Pantekosta ɓadake.
Jaalorgal Yahuuda dow sooje'en Gorgiyas
32Ɓaawo juulde Pantekosta, Yahuuda e yimɓe mum tiiti Gorgiyas ngomna lesdi Idume. 33O fotti bee maɓɓe bee sooje'en yahooɓe bee kosɗe baakin ujine tato e sooje'en wa'iiɓe pucci boo, teemeɗɗe nayo. 34Ɓe puɗɗi haɓre, Yahuudu'en ɗuuɗɓe mbara. 35Woodino bi'eteeɗo Dosite, camnoowo puccu marɗo cuusal nder yeɓre Bakenor, o naŋngi Gorgiyas haa alkibbaare mum, o dasi mo bee semmbe. O marno anniya naŋngugo mo bee yoŋki. Ammaa woodi camnoowo puccu mo lesdi Tarsiya, diwi dow Dosite, o ta'i ɗum juŋngo. Bana nii, Gorgiyas teeti, doggi, suuɗoyi haa wuro Maresa.
36Nden boo Azariya e yimɓe mum haɓnooɓe diga naane, comi. Nden Yahuuda tori Jawmiraawo o holla o ɗon wondi bee Yahuudu'en, o ɗon ardi ɓe haa konu. 37Ɓaawoɗon, o ɓaŋgti gimol konu bee wolde kaakiraaɓe maako non boo gimi goɗɗi, o hippoyi mooɓre Gorgiyas e o farti ɓe boo.
Kirseteeŋga ngam maayɓe
38Ɓaawo haɓre nde'e, Yahuuda mooɓti sooje'en mum, o dilli wuro Adullam. Nde nyalaade siwtorde fuɗɗi, ɓe ceni fodde Tawreeta e nden ɓe camɗini siwtorde.
39Jaŋngo maajum, ɗum yaawni Yahuuda e yimɓe mum, ɓe kooca ɓalli Yahuudu'en maayɓe nder konu, ngam ɓe koora ɗi haa saaro'en maɓɓe nder genaale maɓɓe. 40Ammaa ɓe tawi les limce maayɓe go, kuuje ceniiɗe iwɗe les labbi ɗi ɓe ndewata haa Jamniya, kuuje ɗe Tawreeta haɗi. Kanjum waŋgini daliila ka yimɓe ɓe'e maayri. 41Ɓe fuu maɓɓe ɓe maŋgti Allah, adiliijo nder kiita, baŋginanɗo nder laaɓɗum ko suuɗi. 42Ɓe tori mo boo o yaafo aybe maajum. Ɓaawoɗon, Yahuuda gorko marɗo cuusal go barri yimɓe mum, ɓe ndaayo irin hakke maajum, koo moy boo laarani gite mum batte man dow yimɓe ɓe'e.
43Yahuuda mooɓti ceede caka sooje'en mum, ɓe keɓi ceede cardi ko waɗata suleyje ujine ɗiɗi. O neldi ɗe haa Urusaliima ngam ɓe lii'a kirseteeŋga haa Allah yaafo aybe maajum. O waɗi kuugal booɗŋgal, gerdaaŋgal ngam hollugo o nuɗɗini ummitineeki maayɓe. 44Nii non boo to o tammaaki sooje'en mbaraaɓe ummitinte nyalde feere, o waɗataano bana nii. 45Yahuuda tabitini mbarjaari ɗon ngam maayɓe ɗowtaniiɓe Allah – e ɗum nuɗɗinki laaɓki, kaandananɗum kooliiɗo Allah. Ngam maajum o hirsani maayɓe ngam ɓe keɓa yaafuye e ɓe ndimɗine diga aybe maɓɓe.
Currently Selected:
2 Makabe 12: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
2 Makabe 12
12
Yahuuda waati Yahuudu'en wonɓe haa Jaffa e Jamniya
1Ɓaawo nde alkawal haɓɓaama hakkunde Yahuudu'en e Lisiyas, Lisiyas lori haa laamiiɗo, Yahuudu'en boo lorti haa kuuɗe gese maɓɓe. 2Ammaa caka alkaali'en ngomna wi'eteeɓe Timote bee Apolloniyus ɓii Geneyus, Hiyeronim e Demofon bee Nikanor ardiiɗo sooje'en haya Kiprus, ɓe cali ɗalgo Yahuudu'en njooɗo nder jam e de'ere.
3Yimɓe Jaffa kuuwi kuugal kalluŋgal jamum. Ɓe mbaɗi Yahuudu'en wonɓe nder wuro maɓɓe naafikaare, ɓe ewni ɓe ɓe ngara kamɓe e rewɓe maɓɓe e ɓiɓɓe maɓɓe boo, ɓe nasta koommbooje ɗe ɓe taaskani ɓe, ɓe taaroya nder maayo. 4Nde ewnaandu man wardi gal yimɓe wuro man fuu, Yahuudu'en boo cekaay koo ɗume, ɓe nooti ewnaandu man ngam semmbiɗingo soobiraaku man. Ammaa nde ɓe njotti caka maayo, ɓe njolli ɓe, ɓe fuu ɓe kalki, waɗi baakin yimɓe teemeɗɗe ɗiɗo.
5Nde Yahuuda heɓi habaru deerɗiiko'en maayi maayde naawnde, o mooɓti yimɓe maako worɓe fuu. 6Ɓaawo o tori Allah kiitoowo adiliijo, o hippoyi mbarɓe deerɗiiko'en. O hippori ɓe jemma, o jamni yiite haa fomoonde maayo, o wuli koommbooje fuu e o mbari suuɗiiɓe haa babal man fuu. 7Ɓaawoɗon o huuci ngam dammuɗe wuro man ɗon maɓɓi, ammaa o ɗon bee anniya lortaago ngam o mbarda yimɓe Jaffa fuu.
8Yahuuda heɓi habaru yimɓe Jamniya boo ngiɗi senndirgo bee Yahuudu'en wonɓe nder wuro maɓɓe bana no yimɓe Jaffa cenndiri bee maɓɓe. 9O yehi o hippi Jamniya bee jemma, o wuli haa ɓe koommbooje njippoto e koommbooje man fuu. Ɓe ndaari jayŋgol yiite man haa Urusaliima, daayiiɗum bee maɓɓe waɗan kilomeetir 45.
Yahuuda nyaami Sasfo
10Ɓaawoɗon, Yahuuda e yimɓe mum, ummi diga Jamniya haa ɓe kippoyo Timote. Ɓe cenndiri bee wuro man baakin kilomeetir ɗiɗi nii, Arab'en ko waɗata ujine njowo kippi ɓe, bee walliinde wa'iiɓe pucci teemeɗɗe njowo. 11Haɓre saatunde ummi, ammaa sooje'en Yahuuda keɓi jaalorgal ngam Allah walli ɓe. Ɓaawo nde ɓe njaalaama, Arab'en nde ɓe waynaaɓe, ɓe tori Yahuuda ngam o tabitina jam bee maɓɓe. Kamɓe boo annini hokkugo Yahuudu'en dabbaaji e ɓe mballan ɓe haa kuuɗe maɓɓe goɗɗe. 12Yahuuda hiisi ɗum ɓe nafan ɓe jamum wakkatiiji goɗɗi. Kanjum waɗi o jaɓi waɗgo sulhu bee maɓɓe. Nde alkawal man tabiti, Arab'en go kuuci haa cuuɗi laymaaji muuɗum'en.
13Yahuuda hippi fahin wuro semmbiɗngo wi'eteeŋgo Sasfo. Wuro man ɗon taari bee lesdi towndi e ngo ɗon taari boo bee mahi towɗi. Yimɓe wuro man ɗon njillindiri bee asli goɗɗi. 14Yimɓe man tammino ɓe mbaawan hisgo ngam mahi wuro maɓɓe tekkuɗi e ngam ɓe mari ko ɓe nguurda. Ɓe laaki Yahuuda e yimɓe mum. Ɓe njanci Allah bee kalimaaji naawɗi. 15Ammaa Yahuuda e yimɓe mum tori Jawmiraawo tagɗo asama e lesdi, o walla ɓe. Zamanu Yosuwa, o yibbinno mahi Yeriko bilaa balmi malla dabbaaji. Nden ɓe kippi mahi taariiɗi wuro man bee semmbe. 16Nde Allah yerdi kuugal man, ɓe njaɓti wuro man. Ɓe mbari yimɓe ɗuuɗɓe, woodino coofol ton, njaajirka maagol meetir 400, ƴiiƴam rufi haa waɗi bana ngol heewi.
Yahuuda heɓi jaalorgal haa Karnayim
17Ɓaawo wurtaago maɓɓe Sasfo, Yahuuda bee yimɓe muuɗum njehi baakin kilomeetir 140 haa ɓe njotti nokkuure semmbiɗnde nde lesdi Karak haa Yahuudu'en wi'eteeɓe Tubi'en. 18Ɓe tawaay Timote haa taƴre lesdi man fuu: O egguɗo ngam walaa ko o waɗi haa ton, ammaa o ɗali mooɓre sooje'en ɗuuɗnde haa babal maajum. 19Dosite e Sosipater, mawɓe ardiiɓe sooje'en Yahuuda Makabe, kippi nokkuure man e ɓe mbardi sooje'en wonɓe haa ton fuu: Haa babal man sooje'en ɗonno ko dillani ujine sappo. 20Ɓaawoɗon Yahuuda sennditi sooje'en maako geɓe ɗuuɗɗe, o halfini sooje'en ardotooɗo ɗe. Nden o taasni Timote, kanyum boo ardini sooje'en yahooɓe bee kosɗe baakin ujine teemerre e noogas e sooje'en wa'iiɓe ujine ɗiɗo e teemeɗɗe njowo.
21Nde Timote heɓi habaru Yahuuda ɗonno ɓadito mo, o yerɓiti rewɓe e ɓikkoy e doŋle fuu haa pellel bi'eteeŋgel Karnayim. Ɗum caɗɗum hippugo nokkuure nde'e e ɗum caɗɗum yahgo ton ngam laabi yahgo ton fuu paɗɗi. 22Ammaa nde yeɓre sooje'en Yahuuda waŋgi, kulol naŋngi konne'en, kultoreeŋgol ngo'ol ta'i ɓe ɓerɗe yaake Allah gi'oowo koo ɗume fuu, waŋgi haa yeeso maɓɓe. Ɓe ndoggi haa alkibilaaji fuu, ɓe kultori jamum. Nder doggudu maɓɓe man woɗɓe maɓɓe naawnaama bee kaafaaje yimɓe maɓɓe. 23Yahuuda taasni mbarooɓe ko'e ɓe'e bee semmbe ngam o nattina ɓe. O mbari ko dillani ujine cappanɗe tato. 24Sooje'en Dosite e Sosipater naŋngi Timote. O tori ɓe bee dabare, ɓe njoofta mo taa ɓe njaŋngita mo: O wi'i ɓe, o ɗon jogi haa laamu maako, saaro'en e deerɗiraaɓe ɗuuɗɓe caka maɓɓe, ɓe mbaran ɓe boo to ɓe njaŋngiti mo. 25Haa ragare maajum o wi'i ɓe o yoofan saaro'en maɓɓe bee jam salaaman. Yahuudu'en go njoofi mo ngam hisnugo yoŋkiiji yimɓe maɓɓe.
26Ɓaawoɗon Yahuuda nyaami Karnayim e nokkuure mum seniinde nde lawru maɓɓe rewru wi'eteendu Atargatis. O mbari ko dillani yimɓe ujine noogas e njowo.
Yahuuda jaali, warti Urusaliima
27Ɓaawo ɓe njaali konne'en maɓɓe, Yahuuda e mooɓe mum tiitoyi Efruuna. Ɗum wuro semmbiɗŋgo, yimɓe maago iwi diga lesɗe ɗuuɗɗe. Suka'en semmbiɗɓe ndari yeeso mahi wuro man towɗi, ɓe ɗonno kaɓa bee cuusal. Caka wuro man, woodino jamɗe ɗuuɗɗe ɗe konu e balmi piɗirɗi ɗuuɗɗi boo. 28Ammaa Yahuudu'en tori Jawmiraawo marɗo baawɗe, o nattina semmbe konne'en. Bana nii ɓe mardiri wuro man e ɓe mbari ko dillani yimɓe ujine noogas e njowo.
29Nden ɓe acci nokkuure maajum, ɓe njehi hongo Sitopolis, wuro wonŋgo ko dillani kilomeetir teemerre e sappo bee Urusaliima. 30Ammaa Yahuudu'en wonɓe ton mbi'i Yahuuda: Yimɓe wuro man mboonani ɓe e enɗi ɓe wakkati ɓilla. 31Yahuuda e yimɓe mum ngetti yimɓe wuro man, o umri ɓe ɓe tokko waɗango jama'aare Yahuudu'en mbooɗeeŋga bana ni'i. Nden ɓe lorti Urusaliima ngam juulde Pantekosta ɓadake.
Jaalorgal Yahuuda dow sooje'en Gorgiyas
32Ɓaawo juulde Pantekosta, Yahuuda e yimɓe mum tiiti Gorgiyas ngomna lesdi Idume. 33O fotti bee maɓɓe bee sooje'en yahooɓe bee kosɗe baakin ujine tato e sooje'en wa'iiɓe pucci boo, teemeɗɗe nayo. 34Ɓe puɗɗi haɓre, Yahuudu'en ɗuuɗɓe mbara. 35Woodino bi'eteeɗo Dosite, camnoowo puccu marɗo cuusal nder yeɓre Bakenor, o naŋngi Gorgiyas haa alkibbaare mum, o dasi mo bee semmbe. O marno anniya naŋngugo mo bee yoŋki. Ammaa woodi camnoowo puccu mo lesdi Tarsiya, diwi dow Dosite, o ta'i ɗum juŋngo. Bana nii, Gorgiyas teeti, doggi, suuɗoyi haa wuro Maresa.
36Nden boo Azariya e yimɓe mum haɓnooɓe diga naane, comi. Nden Yahuuda tori Jawmiraawo o holla o ɗon wondi bee Yahuudu'en, o ɗon ardi ɓe haa konu. 37Ɓaawoɗon, o ɓaŋgti gimol konu bee wolde kaakiraaɓe maako non boo gimi goɗɗi, o hippoyi mooɓre Gorgiyas e o farti ɓe boo.
Kirseteeŋga ngam maayɓe
38Ɓaawo haɓre nde'e, Yahuuda mooɓti sooje'en mum, o dilli wuro Adullam. Nde nyalaade siwtorde fuɗɗi, ɓe ceni fodde Tawreeta e nden ɓe camɗini siwtorde.
39Jaŋngo maajum, ɗum yaawni Yahuuda e yimɓe mum, ɓe kooca ɓalli Yahuudu'en maayɓe nder konu, ngam ɓe koora ɗi haa saaro'en maɓɓe nder genaale maɓɓe. 40Ammaa ɓe tawi les limce maayɓe go, kuuje ceniiɗe iwɗe les labbi ɗi ɓe ndewata haa Jamniya, kuuje ɗe Tawreeta haɗi. Kanjum waŋgini daliila ka yimɓe ɓe'e maayri. 41Ɓe fuu maɓɓe ɓe maŋgti Allah, adiliijo nder kiita, baŋginanɗo nder laaɓɗum ko suuɗi. 42Ɓe tori mo boo o yaafo aybe maajum. Ɓaawoɗon, Yahuuda gorko marɗo cuusal go barri yimɓe mum, ɓe ndaayo irin hakke maajum, koo moy boo laarani gite mum batte man dow yimɓe ɓe'e.
43Yahuuda mooɓti ceede caka sooje'en mum, ɓe keɓi ceede cardi ko waɗata suleyje ujine ɗiɗi. O neldi ɗe haa Urusaliima ngam ɓe lii'a kirseteeŋga haa Allah yaafo aybe maajum. O waɗi kuugal booɗŋgal, gerdaaŋgal ngam hollugo o nuɗɗini ummitineeki maayɓe. 44Nii non boo to o tammaaki sooje'en mbaraaɓe ummitinte nyalde feere, o waɗataano bana nii. 45Yahuuda tabitini mbarjaari ɗon ngam maayɓe ɗowtaniiɓe Allah – e ɗum nuɗɗinki laaɓki, kaandananɗum kooliiɗo Allah. Ngam maajum o hirsani maayɓe ngam ɓe keɓa yaafuye e ɓe ndimɗine diga aybe maɓɓe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.