2 Makabe 11
11
Jaalorgal Yahuuda dow Lisiyas
1Lisiyas o na'ibiijo laamiiɗo, o “saaro laamiiɗo”, kaŋko boo mawnini laamiiɗo, o jogori bee gooŋga ko saali. Wakkati seɗɗa ɓaawoɗon, 2o mooɓti sooje'en ko dillani ujine cappanɗe njoweetato e wa'ooɓe pucci maako fuu, nden o dillidi bee maɓɓe hongo Yahuudu'en. O annini wartirgo Urusaliima, joonde Yunaniŋke'en. 3O yiɗno haykaliiru yoɓa garaama bana cuuɗi dewe ummaatooje goɗɗe, o yiɗno boo soorrugo kuugal mawɗo limanjo hitaande fuu. 4Walaa ko yaali mo bee baawɗe Allah sam, ammaa o hoolɗini hoore maako dow sooje'en maako ujineeje e wa'ooɓe pucci maako e nyiibi maako cappanɗe joweetati. 5O nasti nder Yahudiya haa o yotti Ɓayti-Sur, nokkuure semmbiɗnde wonnde baakin kilomeetir noogas e joweetati haa fombina Urusaliima, o hippi ngo.
6Nde Yahuuda Makabe e yimɓe mum keɓi habaru o taarino cuuɗi maɓɓe cemmbiɗɗi, ɓe mooɓti jama'aaje, bee hunnduko wooto ɓe tori Jawmiraawo bee bojji e gonɗi o nelda ɓe malaa'ikaajo booɗɗo ngam hisnugo lesdi Isra'iila. 7Ɓaawoɗon, Yahuuda aarti hooci balmi, o fuufi luttuɓe boo daraago yeeso joote bana maako ngam ɓe kisna deerɗiraaɓe maɓɓe. Ɓe ndillidi fuu bee tiiɗal.
8Nde ɓe ndaayaaki bee Urusaliima, ɓe ngi'i ba'iiɗo puccu ɓorniiɗo limce daneeje waŋgi, o losi balmi ɗi kaŋŋeeri, o ardi yeeso honooɓe. 9Nden ɓe fuu maɓɓe ɓe ngetti Allah ngam mbooɗeeŋga mum. O hokki ɓe cuusal sampititgo naa yimɓe tan, ammaa koo dabbaaji kulniiɗi e koo mahi ɗi jamɗe fuu. 10Ɓe ardi, ɓe taaski caffuuji maɓɓe ngam haɓre, ɓe ɗon yeeso goɗɗo mo Allah nder mbooɗeeŋga mum neldi ɓe ngam o honoda bee maɓɓe. 11Nden bana barooɗe, ɓe kippi konne'en, ɓe carri sooje'en yahooɓe bee kosɗe baakin ujine sappo e ngo'o e wa'iiɓe pucci ujineere e teemeɗɗe njoweego, ɓe parti luttuɓe boo. 12Ɓurna dogguɓe fuu naawni e cakkini balmi muuɗum'en boo. Lisiyas bee hoore mum hisni yoŋki mum daker, o hisni ki bee doggugo, cemtuɗum meere.
Lisiyas narritini Yahuudu'en e Antiyokus
13Nde Lisiyas ɗon bee hakkiilo, o numi dow jaaleeki ki ɓe njaali mo. O faami Yahuudu'en ɓe njaalataake ngam Allah baawɗo ɗonno hona ngam maɓɓe. O neli dow maɓɓe nelaaɓe 14ngam ɓe ngaɗa sulhu laaɓŋgu bee sarɗiiji adiliiji. O iini boo o doolan laamiiɗo laataago soobaajo maɓɓe. 15Yahuuda kanyum boo, nde o yiɗno ko nafata yimɓe mum, o jaɓi sarɗiiji Lisiyas fuu. Laamiiɗo gal wakeere mum boo jaɓi ƴamɗe Yahuudu'en ɗe Yahuuda ƴami nder bataakewol ngol o winndani Lisiyas.
Bataakewol Lisiyas haa Yahuudu'en
16Lisiyas winndani Yahuudu'en bataakewol ngo'ol: “Lisiyas hoofni jama'aare Yahuudu'en. 17Nelaaɓe mon Yuhanna e Absalom ndokki yam bataakewol man, ɓe tori yam mi hooca anniya dow nufayeeje binndaaɗe nder maagol. 18Mi yottini haa laamiiɗo ƴamɗe mooɗon fuu, o duŋi ko haani fuu. 19To on ɗon bee anniyaaji booɗɗi heedi ngomna, nder garanɗum mi haɓdan waɗgo ko nafata jama'aare mon fuu. 20Ko laarani toɓɓe pamare nder ƴamɗe mooɗon boo, nelaaɓe mon e ɓe am fuu carwootiran bee mooɗon.
21Mi ɗon yelana on hayru e jam. Winndaama nyalaade noogas e nayaɓre nder lewru Zes-Korinti'en nder hitaande 148.”
Laamiiɗo winndi bataakewol haa Lisiyas e Yahuudu'en
22Ndaa ko laamiiɗo winndani Lisiyas: “Laamiiɗo Antiyokus hoofni deerɗum Lisiyas.
23Diga baaba am maayi, hawtoyi bee labbi amin, mi ɗon yelo jama'aare wonnde les am fuu suklano kuuɗe mum bilaa ɓilla. 24Ammaa mi ɗon bee habaru no Yahuudu'en njaɓataa huuwtinirgo al'aadaaji Yunaniŋke'en ɗi baaba am yiɗi nastingo haa lesdi ndi'i. Ɓe ɓuri yiɗgo al'aadaaji maɓɓe e ɓe tori ɓe ɗala ɓe ɓe ɗowtano umrooje maɓɓe. 25Nde mi yiɗi ummaatoore nde'e jooɗo nder jam bilaa ɓilla, mi umri ɓe ndokkita ɓe haykaliiru maɓɓe e ɓe acca ɓe ɓe ngeeɗa bana no al'aadaaji kaakiraaɓe maɓɓe. 26Maatin ɓe anniya am, hoolɗin ɓe dow anniyaaji am laaɓɗi, ɓe cuklano kuuɗe maɓɓe nder de'ere.”
27Ndaa boo bataakewol ngol laamiiɗo winndani jama'aare Yahuudu'en: “Laamiiɗo Antiyokus hoofni dawrooɓe ndotti'en e Yahuudu'en luttuɓe fuu.
28Mi ɗon yelana on njamu. Min boo mi jamo. 29Menelas maatini yam on ngiɗi huucugo e suklanaago kuuɗe mon. 30Min boo, mi ɓillaataako kuucuɗo haa saare mum hiddeko lewru zantik cika nyalde cappanɗe tati. 31On duŋanaaɓe ɗowtanaago umrooje mon ko laarani nyaamdu e kiitaaji feere bana ɓooyma. Gaɗɗo aybe caka mon bilaa anndaaŋgal ɓillataake. 32Mi neli on Menelas ngam tabitingo ko mbi'mi.
33Mi yelani on hayru e jam. Winndaama nyalaade sappo e jowaɓre lewru zantik nder hitaande 148.”
Bataakewol ngol Roma'en mbinndani Yahuudu'en
34Gal wakeere maɓɓe, ndaa ko Roma'en mbinndani Yahuudu'en: “Kintus Memmiyus e Titus Manyus wakiili'en Roma'en koofni jama'aare Yahuudu'en.
35Min ngerdi ko Lisiyas, “saaro laamiiɗo” duŋani on fuu. 36Dow ko o sarwootiri bee laamiiɗo, linye ɗum bee hakkiilo e ndokke min jaawaabu mon bee ko yaawi ngam min keɓa min mbi'a ɗum laamiiɗo bee boliiɗe marɗe nafuuda ngam mooɗon. Nii non boo, min njahan Antakiya, 37kanjum waɗi, onon boo sey njaawɗon nelgo min wakiili'en mon, ngam min paama, minin boo numo mooɗon.
38Njaɓe yelooji amin marɗi barka. Winndaama nder lewru zantik nyalaade mum sappo e jowaaɓre nder hitaande 148.”
Currently Selected:
2 Makabe 11: FBDC
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.
2 Makabe 11
11
Jaalorgal Yahuuda dow Lisiyas
1Lisiyas o na'ibiijo laamiiɗo, o “saaro laamiiɗo”, kaŋko boo mawnini laamiiɗo, o jogori bee gooŋga ko saali. Wakkati seɗɗa ɓaawoɗon, 2o mooɓti sooje'en ko dillani ujine cappanɗe njoweetato e wa'ooɓe pucci maako fuu, nden o dillidi bee maɓɓe hongo Yahuudu'en. O annini wartirgo Urusaliima, joonde Yunaniŋke'en. 3O yiɗno haykaliiru yoɓa garaama bana cuuɗi dewe ummaatooje goɗɗe, o yiɗno boo soorrugo kuugal mawɗo limanjo hitaande fuu. 4Walaa ko yaali mo bee baawɗe Allah sam, ammaa o hoolɗini hoore maako dow sooje'en maako ujineeje e wa'ooɓe pucci maako e nyiibi maako cappanɗe joweetati. 5O nasti nder Yahudiya haa o yotti Ɓayti-Sur, nokkuure semmbiɗnde wonnde baakin kilomeetir noogas e joweetati haa fombina Urusaliima, o hippi ngo.
6Nde Yahuuda Makabe e yimɓe mum keɓi habaru o taarino cuuɗi maɓɓe cemmbiɗɗi, ɓe mooɓti jama'aaje, bee hunnduko wooto ɓe tori Jawmiraawo bee bojji e gonɗi o nelda ɓe malaa'ikaajo booɗɗo ngam hisnugo lesdi Isra'iila. 7Ɓaawoɗon, Yahuuda aarti hooci balmi, o fuufi luttuɓe boo daraago yeeso joote bana maako ngam ɓe kisna deerɗiraaɓe maɓɓe. Ɓe ndillidi fuu bee tiiɗal.
8Nde ɓe ndaayaaki bee Urusaliima, ɓe ngi'i ba'iiɗo puccu ɓorniiɗo limce daneeje waŋgi, o losi balmi ɗi kaŋŋeeri, o ardi yeeso honooɓe. 9Nden ɓe fuu maɓɓe ɓe ngetti Allah ngam mbooɗeeŋga mum. O hokki ɓe cuusal sampititgo naa yimɓe tan, ammaa koo dabbaaji kulniiɗi e koo mahi ɗi jamɗe fuu. 10Ɓe ardi, ɓe taaski caffuuji maɓɓe ngam haɓre, ɓe ɗon yeeso goɗɗo mo Allah nder mbooɗeeŋga mum neldi ɓe ngam o honoda bee maɓɓe. 11Nden bana barooɗe, ɓe kippi konne'en, ɓe carri sooje'en yahooɓe bee kosɗe baakin ujine sappo e ngo'o e wa'iiɓe pucci ujineere e teemeɗɗe njoweego, ɓe parti luttuɓe boo. 12Ɓurna dogguɓe fuu naawni e cakkini balmi muuɗum'en boo. Lisiyas bee hoore mum hisni yoŋki mum daker, o hisni ki bee doggugo, cemtuɗum meere.
Lisiyas narritini Yahuudu'en e Antiyokus
13Nde Lisiyas ɗon bee hakkiilo, o numi dow jaaleeki ki ɓe njaali mo. O faami Yahuudu'en ɓe njaalataake ngam Allah baawɗo ɗonno hona ngam maɓɓe. O neli dow maɓɓe nelaaɓe 14ngam ɓe ngaɗa sulhu laaɓŋgu bee sarɗiiji adiliiji. O iini boo o doolan laamiiɗo laataago soobaajo maɓɓe. 15Yahuuda kanyum boo, nde o yiɗno ko nafata yimɓe mum, o jaɓi sarɗiiji Lisiyas fuu. Laamiiɗo gal wakeere mum boo jaɓi ƴamɗe Yahuudu'en ɗe Yahuuda ƴami nder bataakewol ngol o winndani Lisiyas.
Bataakewol Lisiyas haa Yahuudu'en
16Lisiyas winndani Yahuudu'en bataakewol ngo'ol: “Lisiyas hoofni jama'aare Yahuudu'en. 17Nelaaɓe mon Yuhanna e Absalom ndokki yam bataakewol man, ɓe tori yam mi hooca anniya dow nufayeeje binndaaɗe nder maagol. 18Mi yottini haa laamiiɗo ƴamɗe mooɗon fuu, o duŋi ko haani fuu. 19To on ɗon bee anniyaaji booɗɗi heedi ngomna, nder garanɗum mi haɓdan waɗgo ko nafata jama'aare mon fuu. 20Ko laarani toɓɓe pamare nder ƴamɗe mooɗon boo, nelaaɓe mon e ɓe am fuu carwootiran bee mooɗon.
21Mi ɗon yelana on hayru e jam. Winndaama nyalaade noogas e nayaɓre nder lewru Zes-Korinti'en nder hitaande 148.”
Laamiiɗo winndi bataakewol haa Lisiyas e Yahuudu'en
22Ndaa ko laamiiɗo winndani Lisiyas: “Laamiiɗo Antiyokus hoofni deerɗum Lisiyas.
23Diga baaba am maayi, hawtoyi bee labbi amin, mi ɗon yelo jama'aare wonnde les am fuu suklano kuuɗe mum bilaa ɓilla. 24Ammaa mi ɗon bee habaru no Yahuudu'en njaɓataa huuwtinirgo al'aadaaji Yunaniŋke'en ɗi baaba am yiɗi nastingo haa lesdi ndi'i. Ɓe ɓuri yiɗgo al'aadaaji maɓɓe e ɓe tori ɓe ɗala ɓe ɓe ɗowtano umrooje maɓɓe. 25Nde mi yiɗi ummaatoore nde'e jooɗo nder jam bilaa ɓilla, mi umri ɓe ndokkita ɓe haykaliiru maɓɓe e ɓe acca ɓe ɓe ngeeɗa bana no al'aadaaji kaakiraaɓe maɓɓe. 26Maatin ɓe anniya am, hoolɗin ɓe dow anniyaaji am laaɓɗi, ɓe cuklano kuuɗe maɓɓe nder de'ere.”
27Ndaa boo bataakewol ngol laamiiɗo winndani jama'aare Yahuudu'en: “Laamiiɗo Antiyokus hoofni dawrooɓe ndotti'en e Yahuudu'en luttuɓe fuu.
28Mi ɗon yelana on njamu. Min boo mi jamo. 29Menelas maatini yam on ngiɗi huucugo e suklanaago kuuɗe mon. 30Min boo, mi ɓillaataako kuucuɗo haa saare mum hiddeko lewru zantik cika nyalde cappanɗe tati. 31On duŋanaaɓe ɗowtanaago umrooje mon ko laarani nyaamdu e kiitaaji feere bana ɓooyma. Gaɗɗo aybe caka mon bilaa anndaaŋgal ɓillataake. 32Mi neli on Menelas ngam tabitingo ko mbi'mi.
33Mi yelani on hayru e jam. Winndaama nyalaade sappo e jowaɓre lewru zantik nder hitaande 148.”
Bataakewol ngol Roma'en mbinndani Yahuudu'en
34Gal wakeere maɓɓe, ndaa ko Roma'en mbinndani Yahuudu'en: “Kintus Memmiyus e Titus Manyus wakiili'en Roma'en koofni jama'aare Yahuudu'en.
35Min ngerdi ko Lisiyas, “saaro laamiiɗo” duŋani on fuu. 36Dow ko o sarwootiri bee laamiiɗo, linye ɗum bee hakkiilo e ndokke min jaawaabu mon bee ko yaawi ngam min keɓa min mbi'a ɗum laamiiɗo bee boliiɗe marɗe nafuuda ngam mooɗon. Nii non boo, min njahan Antakiya, 37kanjum waɗi, onon boo sey njaawɗon nelgo min wakiili'en mon, ngam min paama, minin boo numo mooɗon.
38Njaɓe yelooji amin marɗi barka. Winndaama nder lewru zantik nyalaade mum sappo e jowaaɓre nder hitaande 148.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
DEFTERE ALLAH © Alliance Biblique du Cameroun, 1994.