Mga Salmo 93
93
Salmo 93
1Hari ka, Ginoo! Ang imong harianong bisti
mao ang imong pagkagamhanan ug pagkahalangdon.
Gipahimutang mo nga lig-on ang kalibotan
ug dili kini matarog.
2Hari ka na sukad pa sa sinugdan,
kay anaa ka na sukad pa kaniadto.
3Nagdaguok ang suba, Ginoo,
ug nagdahunog ang bul-og niini.
4Apan mas gamhanan ka, Ginoo nga anaa sa langit,
kaysa dinahunog sa dagat;
mas gamhanan ka kaysa mga balod niini.
5 Ginoo, ang imong mga sugo kasaligan gayod.
Ug ang imong Templo balaan sa walay kataposan.
Currently Selected:
Mga Salmo 93: APD
Highlight
Share
Compare
Copy
Want to have your highlights saved across all your devices? Sign up or sign in
Cebuano Contemporary Bible™, APD™ | © 2009, 2010, 2014, 2024 by Biblica, Inc. | Used with permission. All rights reserved worldwide.
