Mga Salmo 92
92
Salmo 92
Ang awit sa Adlaw nga Igpapahulay.
1 Ginoo nga Labing Halangdong Dios,
maayo gayod ang paghatag ug mga pagpasalamat
ug ang pag-awit ug mga pagdayeg kanimo.
2Maayo gayod ang pagsugilon sa imong gugma
ug pagkamatinumanon adlaw ug gabii,
3nga dinuyogan sa mga instrumento
nga adunay mga kuwerdas.
4Kay gilipay mo ako, Ginoo, pinaagi sa imong katingalahang mga buhat.
Tungod sa imong gipanghimo nag-awit ako sa kalipay.
5Pagkakatingalahan sa imong gipangbuhat, Ginoo!
Dili gayod matugkad ang imong panghuna-huna.
6Dili masabtan sa mga buang-buang
o sa mga hungog,
7nga bisan miuswag ang mga daotan sama sa labong
nga mga sagbot nga nagtubo,
laglagon sila sa walay kataposan.
8Apan ikaw, Ginoo,
labaw sa tanan sa walay kataposan.
9Sigurado gayod nga ang tanan mong mga daotang mga kaaway
magkatibulaag ug mangamatay.
10Gihatagan mo akog kusog nga sama sa kusog sa torong baka,
ug gihatagan mo akog kalipay.#92:10 gihatagan…kalipay: sa literal, gihaplasan ako sa maayong klasi sa lana.
11Nadungog ug nakita ko mismo
ang kapildihan sa akong daotang mga kaaway.
12Ang mga matarong magmabungahon sama sa mga palma,
ug molig-on sila sama sa mga kahoyng sedro sa Lebanon.
13Daw mga kahoy sila nga gitanom diha
sa Templo sa Ginoo nga atong Dios, nga molambo
14ug mamunga gihapon bisan ug tigulang na,
ug magpabilin sa gihapon
ang iyang kalunhaw ug kalig-on.
15Nagpakita lang kini nga matarong ang Ginoo
nga akong salipdanan nga bato;
wala gayoy ikasaway diha kaniya.
Currently Selected:
Mga Salmo 92: APD
Highlight
Share
Compare
Copy
Want to have your highlights saved across all your devices? Sign up or sign in
Cebuano Contemporary Bible™, APD™ | © 2009, 2010, 2014, 2024 by Biblica, Inc. | Used with permission. All rights reserved worldwide.
