Mga Salmo 54
54
Salmo 54
Ang awit alang sa maestro sa mga mag-aawit. Gamita ang mga instrumento nga adunay mga kuwerdas. Ang “maskil” ni David human nga ang mga Zifonhon miadto kang Saulo ug misugilon nga si David nagtago sa ilang dapit.
1O Dios, luwasa ako,
ug pamatud-i nga wala akoy sala pinaagi sa imong gahom.
2Pamatia ang akong mga pag-ampo.
3Kay ang mga taga-laing dapit misulong
aron sa pagpatay kanako.
Mga bangis sila ug wala moila kanimo.
4Apan sigurado ako nga ikaw, O Dios,
mao ang akong magtatabang.
Ikaw Ginoo, ang akong tigpanalipod.
5Hinaut pa nga ang kadaotan nga gihimo sa akong mga kaaway mobalik kanila.
Sa imong pagkamatinumanon, O Dios, laglaga sila.
6 Ginoo, kinabubut-on ko nga maghalad kanimo.
Dayegon ka nako kay maayo ka.
7Kay giluwas mo ako sa tanan kong kalisod,
ug nakita ko ang pagkapildi sa akong mga kaaway.
Currently Selected:
Mga Salmo 54: APD
Highlight
Share
Compare
Copy
Want to have your highlights saved across all your devices? Sign up or sign in
Cebuano Contemporary Bible™, APD™ | © 2009, 2010, 2014, 2024 by Biblica, Inc. | Used with permission. All rights reserved worldwide.
