Mga Salmo 53
53
Salmo 53
Ang awit alang sa maestro sa mga mag-aawit. Gamita ang instrumento nga “mahalat.” Ang “Maskil” ni David.
1Nag-ingon ang mga buang-buang
sa ilang kaugalingon, “Walay Dios!”
Daotan silang tanan ug ngil-ad ang ilang ginahimo.
Walay bisan usa kanila nga naghimo ug maayo.
2Didto sa langit nagtan-aw ang Dios sa mga tawo
aron pagsusi kon aduna bay nakasabot sa kamatuoran ug nagdangop kaniya.
3Ang tanan mibiya sa Dios ug nahimong daotan.
Wala gayoy naghimo ug maayo bisan usa.
4Wala ba makahibalo kining daotang mga tawo sa ilang ginahimo? Siyempre nakahibalo!
Nanginabuhi sila pinaagi sa pagpangilkil sa akong mga katawhan,
ug wala sila nag-ampo sa Dios.
5Apan mangalisang sila.
Bation nila ang kahadlok nga wala pa gayod nila sukad masinati,
tungod kay katagon sa Dios ang ilang kabukogan.
Pakaulawan ninyo sila,
tungod kay gisalikway sila sa Ginoo.
6Hinaut nga moabot na gikan sa Zion
ang moluwas sa Israel.
Unsa kaha kamalipayon ang mga Israelinhon,
ang katawhan sa Dios,
kon pauswagon sila sa Dios pag-usab!
Currently Selected:
Mga Salmo 53: APD
Highlight
Share
Compare
Copy
Want to have your highlights saved across all your devices? Sign up or sign in
Cebuano Contemporary Bible™, APD™ | © 2009, 2010, 2014, 2024 by Biblica, Inc. | Used with permission. All rights reserved worldwide.
