Sirac 30
30
An Pagpadakula nin Kaakian
1Hinahampak nin sarong ama an saiyang namomotan na aking lalaki tanganing saiyang ikapag-orgulyo ngapit. 2Kun an sarong aking lalaki disiplinado, igwa siya nin pakinabang, asin pwede siyang ipag-orgulyo kan saiyang ama sa mga katood kaini. 3An ama na nagtutukdo nin karahayan sa saiyang aking lalaki bako sanang mag-oorgulyo sa saiyang mga katood huli saiya kundi pwede pang maara an saiyang mga kaiwal huli sa aki niya. 4-5Mantang buhay pa an ama, an presensya kan saiyang aking lalaki an nagpapaogma saiya, asin kun gadan na siya, mayo siya nin dahelan tanganing magbasol. Bako man talaga siyang gadan, huli ta pareho sa saiya an aki niya. 6Igwa siya nin iwinalat na aking lalaki na mabalos sa saiyang mga kaiwal asin mabayad kan saiyang utang na boot sa mga katood niya.
7Alagad an ama na sobrang nagpadangat kan saiyang aking lalaki, magkakaigwa nin mga lugad na bubugkoson asin maghahadit siya sa lambang oras na makadangog siya nin kinurahaw. 8An kabayong dai minanso dipisil na pagbotan, asin an aking lalaki na mayo nin disiplina magigin siring man. 9Kun sobra an pagpadangat mo sa saimong aki asin makikawat ka sa saiya, siya an magigin dahelan kan saimong kamondoan asin gigikanan kan saimong pagluha. 10Makipagngisihan ka sa saiya ngunyan, asin maghihibi ka sa maabot na panahon, na nagraragot an saimong mga ngipon sa pagbasol. 11Dai mo siya pagtawan nin katalingkasan mantang hoben pa siya, asin dai mo pagpalampason an saiyang mga salang gibo. 12Hampakon mo siya mantang hoben pa siya, asin gibohang galangan ka niya. Kun dai mo iyan gibohon, magigin matagas an saiyang payo asin dai siya magsusunod saimo dangan magigin dahelan iyan kan saimong kamondoan. 13Kaya disiplinahon mo an saimong aking lalaki asin tukdoe siya na magtrabaho, ta tibaad siya an magin dahelan kan pagkapasopog mo.
Marahay na Hawak
14Mas marahay pa an magin dukha, alagad makosog saka marahay an hawak, ki sa magin mayaman, alagad mahehelangon. 15An marahay na hawak saka isip mas marahay pa ki sa gabos na bulawan, asin an sarong makosog na lawas ki sa dai mabilang na kayamanan. 16Mayo na nin makakapayaman o makakatao saimo nin orog na kaogmahan pwera sa duwang bagay na ini. 17Mas marahay pa an magadan, torog sagkod lamang, ki sa danay kang naghehelang. 18Mayo nin halaga an pinakamanagom na pagkakan kun mayo ka nin gana huli ta ika may helang; garo man sana iyan mga dolot na pagkakan na ibinugtak sa ibabaw kan lulubngan. 19Ano an halaga kan pagkakan na dolot sa sarong dios-dios na dai man nakakakan o nakakaparong? Siring kaiyan an sarong tawo na pinapahelang nin Kagurangnan. 20Hinihiling niya an pagkakan dangan minahangos siya nin hararom, arog sa sarong kapon na lalaki na nagkukugos nin sarong daraga.
An Kagayagayahan asin Kamondoan
21Dai mo pagtuyohon na pasakitan an saimong sadiri huli sa pagmondo. 22An kaogmahan iyo an nagpapahalawig nin buhay asin an dahelan kun tadaw ta may kahulogan an buhay. 23Paogmahon mo an saimong kalag asin rangahon mo an saimong puso; dai ka maghadit sa gabos na panahon. An paghadit mayo nin dinadarang karahayan sa kiisay man, asin dakul nang tawo an rinaot kaiyan. 24Iyan an mapagurang sa saimo. An pag-imon saka an kaanggotan iyo an mapahalipot kan saimong buhay. 25An tawong magayagaya asin igwang marahay na puso gaganahan sa pagkakan saka mananamitan niya an saiyang kinakakan.
Currently Selected:
Sirac 30: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Sirac 30
30
An Pagpadakula nin Kaakian
1Hinahampak nin sarong ama an saiyang namomotan na aking lalaki tanganing saiyang ikapag-orgulyo ngapit. 2Kun an sarong aking lalaki disiplinado, igwa siya nin pakinabang, asin pwede siyang ipag-orgulyo kan saiyang ama sa mga katood kaini. 3An ama na nagtutukdo nin karahayan sa saiyang aking lalaki bako sanang mag-oorgulyo sa saiyang mga katood huli saiya kundi pwede pang maara an saiyang mga kaiwal huli sa aki niya. 4-5Mantang buhay pa an ama, an presensya kan saiyang aking lalaki an nagpapaogma saiya, asin kun gadan na siya, mayo siya nin dahelan tanganing magbasol. Bako man talaga siyang gadan, huli ta pareho sa saiya an aki niya. 6Igwa siya nin iwinalat na aking lalaki na mabalos sa saiyang mga kaiwal asin mabayad kan saiyang utang na boot sa mga katood niya.
7Alagad an ama na sobrang nagpadangat kan saiyang aking lalaki, magkakaigwa nin mga lugad na bubugkoson asin maghahadit siya sa lambang oras na makadangog siya nin kinurahaw. 8An kabayong dai minanso dipisil na pagbotan, asin an aking lalaki na mayo nin disiplina magigin siring man. 9Kun sobra an pagpadangat mo sa saimong aki asin makikawat ka sa saiya, siya an magigin dahelan kan saimong kamondoan asin gigikanan kan saimong pagluha. 10Makipagngisihan ka sa saiya ngunyan, asin maghihibi ka sa maabot na panahon, na nagraragot an saimong mga ngipon sa pagbasol. 11Dai mo siya pagtawan nin katalingkasan mantang hoben pa siya, asin dai mo pagpalampason an saiyang mga salang gibo. 12Hampakon mo siya mantang hoben pa siya, asin gibohang galangan ka niya. Kun dai mo iyan gibohon, magigin matagas an saiyang payo asin dai siya magsusunod saimo dangan magigin dahelan iyan kan saimong kamondoan. 13Kaya disiplinahon mo an saimong aking lalaki asin tukdoe siya na magtrabaho, ta tibaad siya an magin dahelan kan pagkapasopog mo.
Marahay na Hawak
14Mas marahay pa an magin dukha, alagad makosog saka marahay an hawak, ki sa magin mayaman, alagad mahehelangon. 15An marahay na hawak saka isip mas marahay pa ki sa gabos na bulawan, asin an sarong makosog na lawas ki sa dai mabilang na kayamanan. 16Mayo na nin makakapayaman o makakatao saimo nin orog na kaogmahan pwera sa duwang bagay na ini. 17Mas marahay pa an magadan, torog sagkod lamang, ki sa danay kang naghehelang. 18Mayo nin halaga an pinakamanagom na pagkakan kun mayo ka nin gana huli ta ika may helang; garo man sana iyan mga dolot na pagkakan na ibinugtak sa ibabaw kan lulubngan. 19Ano an halaga kan pagkakan na dolot sa sarong dios-dios na dai man nakakakan o nakakaparong? Siring kaiyan an sarong tawo na pinapahelang nin Kagurangnan. 20Hinihiling niya an pagkakan dangan minahangos siya nin hararom, arog sa sarong kapon na lalaki na nagkukugos nin sarong daraga.
An Kagayagayahan asin Kamondoan
21Dai mo pagtuyohon na pasakitan an saimong sadiri huli sa pagmondo. 22An kaogmahan iyo an nagpapahalawig nin buhay asin an dahelan kun tadaw ta may kahulogan an buhay. 23Paogmahon mo an saimong kalag asin rangahon mo an saimong puso; dai ka maghadit sa gabos na panahon. An paghadit mayo nin dinadarang karahayan sa kiisay man, asin dakul nang tawo an rinaot kaiyan. 24Iyan an mapagurang sa saimo. An pag-imon saka an kaanggotan iyo an mapahalipot kan saimong buhay. 25An tawong magayagaya asin igwang marahay na puso gaganahan sa pagkakan saka mananamitan niya an saiyang kinakakan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.