Sirac 29
29
Pagpapautang asin Pagbabayad
1Magin maboot ka sa saimong kanatad asin pasublion mo siya kun kaipuhan niya an saimong tabang. Sa pagtabang mo saiya, nag-ootob ka kan pagboot nin Kagurangnan. 2Kun kaipuhan niya an anoman, ipasubli mo iyan saiya. Kun magkautang ka, bayadan mo tolos iyan kun igwa ka na. 3Kun nababayadan mo an saimong mga utang, danay kang makakasubli sa panahon nin pangangaipo. 4An utang ibinibilang nin dakul na tawo na garo sarong bagay na napurot sana asin pwedeng sarayon, kaya napapasopog an tawong nagtabang sainda. 5May mga tawong nagigin magalang, minaduko kan saindang payo, minahapros kan saimong likod sagkod na makua an inuutang, alagad kun panahon na kan pagbayad, pinapaagahan pa ninda iyan, minasabing dai sinda nalugaran, asin minagibo nin dakul na dahelan na gabos mayong halaga. 6Kun piriton kan nagpautang na bayadan siya kan nagkautang, maswerte siya kun matawan siya kan kabanga kaiyan. Kun dai niya piriton, hahabonan siya kan nagkautang asin nagkaigwa pa siya nin kaiwal. An makukua kan nagpautang iyo an mga muda, insulto, saka an dai saiya paggalang, alagad bako nanggad an pasasalamat.
7Dakul na tawo an habong magpasubli, bakong huli ta kuripot sinda, kundi huli#29:7 bakong huli…kundi huli; sa nagkapirang kasuratan kaya huli kaining karatan. ta habo nindang madaya kun malilikayan ninda.
An Pagkamatinao
8Minsan siring, saboton nindo an mga dukha. Dai nindo sinda pagparapahalaton bago kamo magtao. 9Pinagbotan kita nin Kagurangnan na tabangan an mga dukha; tabangan nindo sinda kun sinda nangangaipo. 10Mas marahay pa na mawara an saimong kwarta huli sa pagtabang nin sarong tugang o katood, ki sa mawara iyan huli sa pagtago kaiyan sa irarom nin sarong gapo. 11Gamita nindo an saindong kayamanan sosog sa pagboot kan Kahorohalangkawe; dakul na karahayan an mapapasaindo sa paaging ini ki sa pagsaray kan saindong kwarta para sa saindo sana. 12Kaibang ibilang nindo sa saindong yaman an katotoohan na nagtao kamo sa mga dukha. Iyan an maligtas saindo sa gabos na kasakitan 13asin magigin mas marahay na depensa laban sa saindong mga kaiwal ki sa pinakamakosog na kalasag o pinakamagabat na garod.
An Paggarantiya nin Utang
14An sarong marahay na tawo magarantiya kan utang nin saiyang kanatad; an tawo sanang mayo nin sopog an masayumang gumibo kaiyan. 15Kun igwang tawo na naggagarantiya para sa saimo, dai mo siya paglingawan; ibinugtak niya sa pag-alaman an saiyang marahay na ngaran para sa saimo. 16Igwang mga parakasala na mayo nin utang na boot, na minalingaw kan mga tawong naggarantiya para sa sainda asin sinda an nagigin dahelan kan pagkawara kan rogaring kan naggarantiya sainda. 17An paggagarantiya nin utang iyo an nagin dahelan kan pagbagsak nin dakul na mayaman na tawo asin nagdara sainda nin dakul na kasakitan. 18Huli man kaiyan, nagkawararaan nin harong an mga ginagalangan na tawo asin napiritan na maglagalag sa ibang nasyon. 19An parakasala na naglalaom na makakakua nin ganansya huli sa paggagarantiya nin utang madadamay sa mga kaso. 20Kaya tabangan nindo an saindong kanatad sagkod kaya pa nindo, alagad mag-ingat kamo sa mga pag-alaman na dara kaiyan.
An Harong asin an Pagpapasakat
21An mga kaipuhan tanganing mabuhay an sarong tawo iyo an tubig, pagkakan, gubing, asin sarong harong na nakakalipod saiya sa mata kan ibang tawo. 22Mas marahay an buhay nin sarong dukha na nag-eerok sa sadiri niyang harong ki sa mag-ogma sa mga bangkete sa harong nin ibang tawo. 23Ipag-ogma nindo an dikit na yaon saindo, asin dai nindo pagpahalagahan an mga insulto nin siisay man dapit sa saindong harong saka pamilya.#29:23 dai nindo…pamilya; o dai nindo pagpahalagahan an mga insulto kan sadiri nindong pamilya; an nagkapirang kasuratan mayo kan mga tataramon na ini; sa sarong daan na traduksyon dai kamo magkaigwa kan dangog na nabubuhay kamo huli sa ibang tawo. 24Makaheherak an tawong mayo nin sadiring harong. Kadaklan na panahon dai siya nakakapagtaram huli ta nakikisakat sana siya. 25Kamo an maatubang sa mga bisita saka matao nin inomon, alagad mayo nin mapasalamat saindo. Laen pa kaiyan, makakadangog pa kamo nin mga tataramon na arog kaini: 26“Dayuhan, madya asin andama na an lamesa! Anoman an pagkakan mo diyan daraha na sako! 27Maghale ka na, dayuhan! Igwa akong mahalagang bisita! Madalaw an sakong tugang, kaya kaipuhan ko an kwartong ginagamit mo!”
28Dipisil na matios nin sarong sensitibong tawo an paglibak nin sarong kagharong o an pagmuda nin sarong pinagkautangan.
Currently Selected:
Sirac 29: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Sirac 29
29
Pagpapautang asin Pagbabayad
1Magin maboot ka sa saimong kanatad asin pasublion mo siya kun kaipuhan niya an saimong tabang. Sa pagtabang mo saiya, nag-ootob ka kan pagboot nin Kagurangnan. 2Kun kaipuhan niya an anoman, ipasubli mo iyan saiya. Kun magkautang ka, bayadan mo tolos iyan kun igwa ka na. 3Kun nababayadan mo an saimong mga utang, danay kang makakasubli sa panahon nin pangangaipo. 4An utang ibinibilang nin dakul na tawo na garo sarong bagay na napurot sana asin pwedeng sarayon, kaya napapasopog an tawong nagtabang sainda. 5May mga tawong nagigin magalang, minaduko kan saindang payo, minahapros kan saimong likod sagkod na makua an inuutang, alagad kun panahon na kan pagbayad, pinapaagahan pa ninda iyan, minasabing dai sinda nalugaran, asin minagibo nin dakul na dahelan na gabos mayong halaga. 6Kun piriton kan nagpautang na bayadan siya kan nagkautang, maswerte siya kun matawan siya kan kabanga kaiyan. Kun dai niya piriton, hahabonan siya kan nagkautang asin nagkaigwa pa siya nin kaiwal. An makukua kan nagpautang iyo an mga muda, insulto, saka an dai saiya paggalang, alagad bako nanggad an pasasalamat.
7Dakul na tawo an habong magpasubli, bakong huli ta kuripot sinda, kundi huli#29:7 bakong huli…kundi huli; sa nagkapirang kasuratan kaya huli kaining karatan. ta habo nindang madaya kun malilikayan ninda.
An Pagkamatinao
8Minsan siring, saboton nindo an mga dukha. Dai nindo sinda pagparapahalaton bago kamo magtao. 9Pinagbotan kita nin Kagurangnan na tabangan an mga dukha; tabangan nindo sinda kun sinda nangangaipo. 10Mas marahay pa na mawara an saimong kwarta huli sa pagtabang nin sarong tugang o katood, ki sa mawara iyan huli sa pagtago kaiyan sa irarom nin sarong gapo. 11Gamita nindo an saindong kayamanan sosog sa pagboot kan Kahorohalangkawe; dakul na karahayan an mapapasaindo sa paaging ini ki sa pagsaray kan saindong kwarta para sa saindo sana. 12Kaibang ibilang nindo sa saindong yaman an katotoohan na nagtao kamo sa mga dukha. Iyan an maligtas saindo sa gabos na kasakitan 13asin magigin mas marahay na depensa laban sa saindong mga kaiwal ki sa pinakamakosog na kalasag o pinakamagabat na garod.
An Paggarantiya nin Utang
14An sarong marahay na tawo magarantiya kan utang nin saiyang kanatad; an tawo sanang mayo nin sopog an masayumang gumibo kaiyan. 15Kun igwang tawo na naggagarantiya para sa saimo, dai mo siya paglingawan; ibinugtak niya sa pag-alaman an saiyang marahay na ngaran para sa saimo. 16Igwang mga parakasala na mayo nin utang na boot, na minalingaw kan mga tawong naggarantiya para sa sainda asin sinda an nagigin dahelan kan pagkawara kan rogaring kan naggarantiya sainda. 17An paggagarantiya nin utang iyo an nagin dahelan kan pagbagsak nin dakul na mayaman na tawo asin nagdara sainda nin dakul na kasakitan. 18Huli man kaiyan, nagkawararaan nin harong an mga ginagalangan na tawo asin napiritan na maglagalag sa ibang nasyon. 19An parakasala na naglalaom na makakakua nin ganansya huli sa paggagarantiya nin utang madadamay sa mga kaso. 20Kaya tabangan nindo an saindong kanatad sagkod kaya pa nindo, alagad mag-ingat kamo sa mga pag-alaman na dara kaiyan.
An Harong asin an Pagpapasakat
21An mga kaipuhan tanganing mabuhay an sarong tawo iyo an tubig, pagkakan, gubing, asin sarong harong na nakakalipod saiya sa mata kan ibang tawo. 22Mas marahay an buhay nin sarong dukha na nag-eerok sa sadiri niyang harong ki sa mag-ogma sa mga bangkete sa harong nin ibang tawo. 23Ipag-ogma nindo an dikit na yaon saindo, asin dai nindo pagpahalagahan an mga insulto nin siisay man dapit sa saindong harong saka pamilya.#29:23 dai nindo…pamilya; o dai nindo pagpahalagahan an mga insulto kan sadiri nindong pamilya; an nagkapirang kasuratan mayo kan mga tataramon na ini; sa sarong daan na traduksyon dai kamo magkaigwa kan dangog na nabubuhay kamo huli sa ibang tawo. 24Makaheherak an tawong mayo nin sadiring harong. Kadaklan na panahon dai siya nakakapagtaram huli ta nakikisakat sana siya. 25Kamo an maatubang sa mga bisita saka matao nin inomon, alagad mayo nin mapasalamat saindo. Laen pa kaiyan, makakadangog pa kamo nin mga tataramon na arog kaini: 26“Dayuhan, madya asin andama na an lamesa! Anoman an pagkakan mo diyan daraha na sako! 27Maghale ka na, dayuhan! Igwa akong mahalagang bisita! Madalaw an sakong tugang, kaya kaipuhan ko an kwartong ginagamit mo!”
28Dipisil na matios nin sarong sensitibong tawo an paglibak nin sarong kagharong o an pagmuda nin sarong pinagkautangan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.