Sirac 31
31
Mga Problema na Kwarta an Dahelan
1An paghadit dapit sa kwarta iyo an mapaniwang saimo asin mapurisaw sa pagkatorog mo. 2An paghadit dapit sa negosyo iyo an dai makakapatorog saimo, siring sa sarong grabeng helang.
3An mga tawong mayaman nagtatrabaho nin maigot tanganing orog na magdakul an saindang kwarta; dangan pwede na sindang magtukaw-tukaw asin mamuhay sa luho. 4An mga dukha nagtatrabaho man nin maigot alagad mayo nin nahihiling sa saindang pinagpagalan, asin kun magpahingalo sinda, orog sindang magkukulang.
5An siisay man na namomoot sa kwarta dai pwedeng pawaraan nin sala; an saiyang pagpapagal tanganing yumanan iyo an magdadara saiya sa kasalan.#31:5 Sa Hebreyo iyo an magdadara…kasalan; sa Griyego iyo an maraot saiya. 6Kadakul nang tawo an naraot huli sa kwarta, asin nag-atubang sa kapahamakan. 7An kwarta sarong siod para sa mga tawong namomoot kaiyan, sarong litag na nahuhulogan kan gabos na lolong.
8Paladan an tawong nagyaman alagad dai nagkasala huli sa paglamag sa kwarta. 9May midbid kamong tawo na arog kaiyan? Kun igwa, aapodon ta siyang paladan huli ta nakagibo siya nin ngangalasan na mayo pa nin ibang nakakagibo. 10Kun igwa nang nakapasar sa pagbalong ini, pwede na siyang mag-orgulyo. Siisay an nagkaigwa nin kapangyarihan na magkasala alagad dai nagkasala, asin kapangyarihan sa paggibo nin maraot alagad dai naggibo kaiyan? 11Kun igwa, magdadanay an saiyang kauswagan, asin oomawon siya kan gabos huli kan saiyang pagkamatinao.
Gawe-gawe sa Pagkakan
12Kun ika magtukaw sa sarong dakulang bangkete, dai mo pagbukahon an saimong ngimot, asin dai ka magsabing, “Hilinga an gabos na pagkakan na iyan!” 13Sala sa marahay na pag-uugale an pagkaigwa nin paslong mga mata; giromdoma iyan. Sa bilog na linalang, mayo na nin madaog sa mata sa kapasloan; iyan an dahelan kun tadaw ta kadikit-dikit naghihibi an mata.#31:13 Sa Hebreyo kadikit-dikit; sa Griyego sa lambang lalawogon. 14Dai mo pag-ukdawon an lambang kakanon na mahiling mo, asin dai ka manuklang sa pagkua kaiyan. 15Isipa an kamatean kan ibang tawo sa lamesa; kun ano an boot mong gibohon ninda saimo, iyan man an gibohon mo sainda. 16Kun makua mo na an saimong pagkakan, kakanon mo iyan siring sa sarong matanos na tawo, asin dai ka magparangutanguta na garo sarong paslo, ta tibaad maongisan ka. 17Marahay na gawe an maenot na mag-ontok sa pagkakan; an magpakabasog nin sobra nakakaraot kan boot nin ibang tawo. 18Kun kaiba ka sa kadakul na nakatukaw sa pagkakan, dai ka maghingowang ika an enot na matawan nin pagkakan. 19An dikit na kakanon dakul na para sa tawong igwa nin marahay na ugale. Laen pa kaiyan, dai ka madidipisilan sa paghangos sa saimong pagkatorog. 20An mga tawong sobra kun minakakan kinukulogan nin tulak asin dai nangangatorog. Kun tama sana an saimong kinakan, mangangatorog ka nin marahay asin magigin marahay an saimong pagmata pagkaaga. 21Alagad kun kuminulog an saimong tulak huli ta nasobrahan ka nin pagkakan, magbuhat ka dangan magsuka asin magigin marahay an saimong pagmate. 22Aki ko, kun hinanyogon mo an sinasabi ko asin gibohon mo iyan, maabot an panahon na pasasalamatan mo ako. Sa gabos mong gibo magin mahigos ka, asin mayong helang na maabot saimo.
23Oomawon nin mga tawo an kagharong na matinao, asin maninigong omawon siya. 24Alagad gabos na namamanwaan magrereklamo dapit sa sarong kagharong na maimot sa pagkakan, asin tama sanang magreklamo sinda.
25Dai ka maghingowang patotoohan an saimong pagkanilalaki huli sa kadakul na ininom mo, huli ta dakul nang tawo an naraot huli sa arak. 26An ugale nin sarong mapalangkaw nahahayag sa panahon na burat siya asin nakikidiskutiran, siring na linulukasan an lansang pakatapos na bagahon iyan dangan ibinubuntog sa tubig. 27An arak pwedeng makatao saimo nin buhay kun dikit sana kaiyan an saimong inomon. Ano an kamugtakan kan buhay kun mayo nin arak? Linalang an arak tanganing maogma kita. 28Kun dikit sana kaiyan an saimong inomon asin sa tamang panahon, magigin marahay an saimong pagmate saka magigin magayagaya ka. 29Alagad an sobrang pag-inom kaiyan nagdadara nin kapaitan, pagkaongis nin ibang tawo, asin pagsayasay. 30An pagkaburat nagpapadakula sa kaanggotan nin sarong lolong sa ikakaraot niya. Pinapaluya siya kaiyan asin pinapadakul an saiyang mga lugad. 31Dai mo nanggad pagtuyawon an sarong tawo kun tapos pa sana kamong mag-inom. Dai mo pagkulogan an saiyang boot mantang nag-oogma siya. Bako iyan an tamang panahon tanganing tuyawon mo siya, o tanganing magbayad siya kan pagkakautang sa saimo.
Currently Selected:
Sirac 31: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Sirac 31
31
Mga Problema na Kwarta an Dahelan
1An paghadit dapit sa kwarta iyo an mapaniwang saimo asin mapurisaw sa pagkatorog mo. 2An paghadit dapit sa negosyo iyo an dai makakapatorog saimo, siring sa sarong grabeng helang.
3An mga tawong mayaman nagtatrabaho nin maigot tanganing orog na magdakul an saindang kwarta; dangan pwede na sindang magtukaw-tukaw asin mamuhay sa luho. 4An mga dukha nagtatrabaho man nin maigot alagad mayo nin nahihiling sa saindang pinagpagalan, asin kun magpahingalo sinda, orog sindang magkukulang.
5An siisay man na namomoot sa kwarta dai pwedeng pawaraan nin sala; an saiyang pagpapagal tanganing yumanan iyo an magdadara saiya sa kasalan.#31:5 Sa Hebreyo iyo an magdadara…kasalan; sa Griyego iyo an maraot saiya. 6Kadakul nang tawo an naraot huli sa kwarta, asin nag-atubang sa kapahamakan. 7An kwarta sarong siod para sa mga tawong namomoot kaiyan, sarong litag na nahuhulogan kan gabos na lolong.
8Paladan an tawong nagyaman alagad dai nagkasala huli sa paglamag sa kwarta. 9May midbid kamong tawo na arog kaiyan? Kun igwa, aapodon ta siyang paladan huli ta nakagibo siya nin ngangalasan na mayo pa nin ibang nakakagibo. 10Kun igwa nang nakapasar sa pagbalong ini, pwede na siyang mag-orgulyo. Siisay an nagkaigwa nin kapangyarihan na magkasala alagad dai nagkasala, asin kapangyarihan sa paggibo nin maraot alagad dai naggibo kaiyan? 11Kun igwa, magdadanay an saiyang kauswagan, asin oomawon siya kan gabos huli kan saiyang pagkamatinao.
Gawe-gawe sa Pagkakan
12Kun ika magtukaw sa sarong dakulang bangkete, dai mo pagbukahon an saimong ngimot, asin dai ka magsabing, “Hilinga an gabos na pagkakan na iyan!” 13Sala sa marahay na pag-uugale an pagkaigwa nin paslong mga mata; giromdoma iyan. Sa bilog na linalang, mayo na nin madaog sa mata sa kapasloan; iyan an dahelan kun tadaw ta kadikit-dikit naghihibi an mata.#31:13 Sa Hebreyo kadikit-dikit; sa Griyego sa lambang lalawogon. 14Dai mo pag-ukdawon an lambang kakanon na mahiling mo, asin dai ka manuklang sa pagkua kaiyan. 15Isipa an kamatean kan ibang tawo sa lamesa; kun ano an boot mong gibohon ninda saimo, iyan man an gibohon mo sainda. 16Kun makua mo na an saimong pagkakan, kakanon mo iyan siring sa sarong matanos na tawo, asin dai ka magparangutanguta na garo sarong paslo, ta tibaad maongisan ka. 17Marahay na gawe an maenot na mag-ontok sa pagkakan; an magpakabasog nin sobra nakakaraot kan boot nin ibang tawo. 18Kun kaiba ka sa kadakul na nakatukaw sa pagkakan, dai ka maghingowang ika an enot na matawan nin pagkakan. 19An dikit na kakanon dakul na para sa tawong igwa nin marahay na ugale. Laen pa kaiyan, dai ka madidipisilan sa paghangos sa saimong pagkatorog. 20An mga tawong sobra kun minakakan kinukulogan nin tulak asin dai nangangatorog. Kun tama sana an saimong kinakan, mangangatorog ka nin marahay asin magigin marahay an saimong pagmata pagkaaga. 21Alagad kun kuminulog an saimong tulak huli ta nasobrahan ka nin pagkakan, magbuhat ka dangan magsuka asin magigin marahay an saimong pagmate. 22Aki ko, kun hinanyogon mo an sinasabi ko asin gibohon mo iyan, maabot an panahon na pasasalamatan mo ako. Sa gabos mong gibo magin mahigos ka, asin mayong helang na maabot saimo.
23Oomawon nin mga tawo an kagharong na matinao, asin maninigong omawon siya. 24Alagad gabos na namamanwaan magrereklamo dapit sa sarong kagharong na maimot sa pagkakan, asin tama sanang magreklamo sinda.
25Dai ka maghingowang patotoohan an saimong pagkanilalaki huli sa kadakul na ininom mo, huli ta dakul nang tawo an naraot huli sa arak. 26An ugale nin sarong mapalangkaw nahahayag sa panahon na burat siya asin nakikidiskutiran, siring na linulukasan an lansang pakatapos na bagahon iyan dangan ibinubuntog sa tubig. 27An arak pwedeng makatao saimo nin buhay kun dikit sana kaiyan an saimong inomon. Ano an kamugtakan kan buhay kun mayo nin arak? Linalang an arak tanganing maogma kita. 28Kun dikit sana kaiyan an saimong inomon asin sa tamang panahon, magigin marahay an saimong pagmate saka magigin magayagaya ka. 29Alagad an sobrang pag-inom kaiyan nagdadara nin kapaitan, pagkaongis nin ibang tawo, asin pagsayasay. 30An pagkaburat nagpapadakula sa kaanggotan nin sarong lolong sa ikakaraot niya. Pinapaluya siya kaiyan asin pinapadakul an saiyang mga lugad. 31Dai mo nanggad pagtuyawon an sarong tawo kun tapos pa sana kamong mag-inom. Dai mo pagkulogan an saiyang boot mantang nag-oogma siya. Bako iyan an tamang panahon tanganing tuyawon mo siya, o tanganing magbayad siya kan pagkakautang sa saimo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.