Sirac 28
28
1An Kagurangnan nakakaaram kan saimong mga kasalan, asin kun magbalos ka sa kiisay man, babaloson ka man nin Kagurangnan. 2Alagad kun patawadon mo an nagkasala saimo, papatawadon man an saimong mga kasalan sa oras na mamibi ka. 3Dai ka pwedeng maglaom na papatawadon ka nin Kagurangnan mantang igwa ka nin naaanggotan. 4Ika mismo sarong parakasala, asin kun dai mo mapapatawad an saimong kapwa, mayo kang deretso na mamibi sa Kagurangnan nganing patawadon. 5Kun dai mo mahahale an saimong kaanggotan, mayo ka nin paglaom na patawadon—tawo ka sana. 6Isipa an bagay na iyan! Maabot an aldaw na magagadan ka, asin malalapa an saimong hawak. Kaya lingawan mo na an kaanggotan dangan mamuhay kang sosog sa mga pagboot nin Kagurangnan, 7an mga pagboot sa Katogonan kan Kahorohalangkawe. Embes na maanggot ka sa sala kan saimong kapwa, dai mo iyan pagtawan nin halaga.
Mga Pasuruhay
8Kun malikayan mo an mga pasuruhay, dai ka magkakasala nin dakul, huli ta an pasuruhay minapoon sa init nin payo. 9Kasalan an pagsuhayon an magkatood na marahay an pag-ibahan sa paagi nin pagpaiwal sainda. 10Kun dakul an iginatong, dakula man an kalayo. Kun orog an katagasan nin payo, orog man an pasuruhay. Kun makosog o mayaman an sarong tawo, orog na magigin anggot siya. 11An nag-iinit na pasuruhay pwedeng magbunga tolos nin kadahasan. 12Pwede mong huyopon an sarong baga tanganing maglaad, asin pwede man na lutaban mo iyan tanganing mapalsok. An arin man sa duwang paaging ini, ginigibo mo sa paagi kan saimong ngoso.
Maraot na Tataramon
13Maninigong maldisyonon an mga paratsismis saka mga putikon, huli ta sinda an dahelan kan pagbagsak nin mga tawong nagtotoninong. 14Dakul nang tawo an buminagsak asin pinalayas sa sadiring mga harong huli sa mga tawo na nakiaram sa saindang buhay. An siring na pakiaram nagbunga nin pagkagaba kan makokosog na mga syudad asin kan mga harong kan mga ginagalangan na tawo. 15An mga tawong nakikiaram kan dai ninda dapat pakiaraman iyo an dahelan kun tadaw ta sinusuhayan an sarong maimbod na agom na babae, kaya nawawaraan ini kan saiyang pinagpagalan. 16An siisay man na nagdadangog sa pakaraot dai nanggad magkakaigwa nin katoninongan. 17An sarong pamakol nakakalabod, alagad an maraot na dila nakakabari nin mga tolang. 18Mas dakul na tawo an nagadan sa pakaraot ki sa mga nagadan sa espada. 19-20Paladan an tawong dai pa nagin biktima nin pakaraot—kun dai pa siya nabugtakan kan lansang na sakal na iyan o kan magagabat na kadenang iyan sa saiyang mga bitis. 21An pakaraot minabunga nin sarong makangirhat na kagadanan; mas mapapakarahay an saimong kamugtakan kun ika gadan na.
22Alagad an mga diosnon na tawo dai madadaog kan mga pakaraot; dai sinda masusulo kan kalayo kaini. 23An mga nagigin biktima kan pakaraot iyo an mga tawong nagtalikod sa Kagurangnan; sa oras na mapagkotan na an kalayo nin pakaraot sa tahaw ninda, dai na iyan masisigbo. An pakaraot arog sa sarong leon na malukso sainda, arog sa sarong leopardo na maronot sainda.
24Bakong kinukudal mo an saimong daga? Bakong kinakandadohan mo an saimong kwarta? 25Siring man, magin maingat ka sa saimong sinasabi. Timbangon mo ngona an lambang tataramon asin andamon mo man an sarong kandado para sa saimong ngoso, 26ta tibaad may naghahalat na madalinas ka, asin kun bako kang maingat, an saimo man sanang mga tataramon an magigin dahelan kan saimong pagkapadungkal dangan sa atubang pa niya iyan mangyari.
Currently Selected:
Sirac 28: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Sirac 28
28
1An Kagurangnan nakakaaram kan saimong mga kasalan, asin kun magbalos ka sa kiisay man, babaloson ka man nin Kagurangnan. 2Alagad kun patawadon mo an nagkasala saimo, papatawadon man an saimong mga kasalan sa oras na mamibi ka. 3Dai ka pwedeng maglaom na papatawadon ka nin Kagurangnan mantang igwa ka nin naaanggotan. 4Ika mismo sarong parakasala, asin kun dai mo mapapatawad an saimong kapwa, mayo kang deretso na mamibi sa Kagurangnan nganing patawadon. 5Kun dai mo mahahale an saimong kaanggotan, mayo ka nin paglaom na patawadon—tawo ka sana. 6Isipa an bagay na iyan! Maabot an aldaw na magagadan ka, asin malalapa an saimong hawak. Kaya lingawan mo na an kaanggotan dangan mamuhay kang sosog sa mga pagboot nin Kagurangnan, 7an mga pagboot sa Katogonan kan Kahorohalangkawe. Embes na maanggot ka sa sala kan saimong kapwa, dai mo iyan pagtawan nin halaga.
Mga Pasuruhay
8Kun malikayan mo an mga pasuruhay, dai ka magkakasala nin dakul, huli ta an pasuruhay minapoon sa init nin payo. 9Kasalan an pagsuhayon an magkatood na marahay an pag-ibahan sa paagi nin pagpaiwal sainda. 10Kun dakul an iginatong, dakula man an kalayo. Kun orog an katagasan nin payo, orog man an pasuruhay. Kun makosog o mayaman an sarong tawo, orog na magigin anggot siya. 11An nag-iinit na pasuruhay pwedeng magbunga tolos nin kadahasan. 12Pwede mong huyopon an sarong baga tanganing maglaad, asin pwede man na lutaban mo iyan tanganing mapalsok. An arin man sa duwang paaging ini, ginigibo mo sa paagi kan saimong ngoso.
Maraot na Tataramon
13Maninigong maldisyonon an mga paratsismis saka mga putikon, huli ta sinda an dahelan kan pagbagsak nin mga tawong nagtotoninong. 14Dakul nang tawo an buminagsak asin pinalayas sa sadiring mga harong huli sa mga tawo na nakiaram sa saindang buhay. An siring na pakiaram nagbunga nin pagkagaba kan makokosog na mga syudad asin kan mga harong kan mga ginagalangan na tawo. 15An mga tawong nakikiaram kan dai ninda dapat pakiaraman iyo an dahelan kun tadaw ta sinusuhayan an sarong maimbod na agom na babae, kaya nawawaraan ini kan saiyang pinagpagalan. 16An siisay man na nagdadangog sa pakaraot dai nanggad magkakaigwa nin katoninongan. 17An sarong pamakol nakakalabod, alagad an maraot na dila nakakabari nin mga tolang. 18Mas dakul na tawo an nagadan sa pakaraot ki sa mga nagadan sa espada. 19-20Paladan an tawong dai pa nagin biktima nin pakaraot—kun dai pa siya nabugtakan kan lansang na sakal na iyan o kan magagabat na kadenang iyan sa saiyang mga bitis. 21An pakaraot minabunga nin sarong makangirhat na kagadanan; mas mapapakarahay an saimong kamugtakan kun ika gadan na.
22Alagad an mga diosnon na tawo dai madadaog kan mga pakaraot; dai sinda masusulo kan kalayo kaini. 23An mga nagigin biktima kan pakaraot iyo an mga tawong nagtalikod sa Kagurangnan; sa oras na mapagkotan na an kalayo nin pakaraot sa tahaw ninda, dai na iyan masisigbo. An pakaraot arog sa sarong leon na malukso sainda, arog sa sarong leopardo na maronot sainda.
24Bakong kinukudal mo an saimong daga? Bakong kinakandadohan mo an saimong kwarta? 25Siring man, magin maingat ka sa saimong sinasabi. Timbangon mo ngona an lambang tataramon asin andamon mo man an sarong kandado para sa saimong ngoso, 26ta tibaad may naghahalat na madalinas ka, asin kun bako kang maingat, an saimo man sanang mga tataramon an magigin dahelan kan saimong pagkapadungkal dangan sa atubang pa niya iyan mangyari.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.