Sirac 27
27
1Nagkasala an dakul na tawo sa paghanap nin ganansya; kun boot mong yumaman, ipirong mo an saimong mga mata. 2Masakit an paghale sa sarong taldok na nakatusok sa pagultanan nin duwang gapo, siring na masakit man an paghale kan kadayaan sa pagbakal saka pagpabakal. 3Kun ika bakong dayupot asin pusog sa pagkatakot sa Kagurangnan, marurumpagan ka kan sadiri mong harong.
Sa Pagtaram nahahayag an Totoong Kamatean
4An itinataram nin sarong tawo nagpapahayag kan saiyang mga sala; nakakaarog iyan sa sarong saraan na minasara kan ati. 5An pag-isip nin sarong tawo nagpapahiling kan saiyang ugale siring na an horno nagpapahiling kan anoman na barana sa koron na ilinalaog diyan. 6Mamimidbid mo kun paano inataman an sarong kahoy huli sa mga bunga kaiyan, asin maaaraman mo an namamatean nin sarong tawo huli sa saiyang itinataram. 7Dai mo pag-omawon an siisay man bago mo siya madangog na magtaram; iyan an tunay na pagbalo.
An Pagigin Onesto
8Kun maghingowa kang magin onesto, magigin onesto ka, asin mapapakarahay kaiyan an saimong ugale siring na napapagayon kan gubing an saimong tindog. 9An mga gamgam nakikitipon sa pareho nindang klase, asin an gawe nin pagigin onesto nakakamtan kan mga tawong naghihingowang magin onesto. 10An kasalan naghahalat sa mga tawong naggigibo nin karatan, siring na an leon naghahalat sa magigin biktima kaini.
Kalolongan na Tataramon
11An tataramon nin sarong diosnon na tawo danay na igwang kadonongan, alagad an sarong lolong nagliliwat arog sa bulan. 12Kun makua mo an saimong sadiri sa kaibahan nin mga mangmang, maghanap ka nin dahelan tanganing makahale, alagad kun sa mga tawong madonong, mag-ontok ka sa kaibahan ninda.
13An tataramon kan mga lolong nakakakulog, asin an pinakamaraot na kasalan sainda pang pinagngingisihan. 14An mga tataramon nin mga tawong tood sa pagmuda makakapatindog kan saimong barahibo, asin kun sinda magdiskutiran, mayo kang magiginibo kundi takopan an saimong mga talinga. 15Makulog pagdangogon an pagmumudahan ninda, asin an siring na mga pag-iiwal nagdadara nin kadahasan.
An Pagpahayag kan Sekreto nin Ibang Tawo
16An tawong nag-oosip kan sekreto nin iba nagraraot kan pagsarig saiya kan mga ini, asin dai siya nanggad makakakua nin tunay na katood. 17Kamotan mo an saimong katood asin magsarig ka sa saiya; alagad kun ipangosip mo an saiyang sekreto, mas marahay pang lingawan mong may katood ka. 18Huli ta ginadan mo an saindong pagigin magkatood, na garo baga paggadan sa sarong kaiwal. 19Mayo na an saimong katood. Dai mo na siya mapapabalik siring na dai mo na man mapapabalik an sarong gamgam na saimong binutasan. 20Dai mo na siya paghanapon. Harayo na siya nin marahay sa pagdulag saimo, arog siya sa sarong usa na nakaligtas sa litag. 21An lugad pwedeng bolongon asin an insulto pwedeng patawadon, alagad an pagbuyagyag kan mga sekreto nin ibang tawo mayo nin bolong.
An Pagsagin-sagin
22An tawong pakorokimlat kan saiyang mata igwa nin planong maraot, asin mayo nin siisay man na makakapaontok saiya sa paggibo kan pinaplano niya. 23Mahamis na tataramon an itinataram niya sa atubang mo asin oomawon ka niya sa lambang sabihon mo. Alagad kun talikod ka, an saimong itinaram gagamiton niya laban saimo. 24Dakul an sakong naoongisan, alagad mayo nin makakaorog sa pagkaongis ko sa siring na tawo—asin naoongisan man siya nin Kagurangnan.
25Magpatoron ka nin gapo asin mahugpa iyan sa saimong payo; manigbas ka asin sagkod ika malulugadan. 26Maggibo ka nin kalot asin ika an mahuhulog; magbugtak ka nin siod, asin ika an madadakop. 27An maraot na gibo minabalik sa sarong tawo, asin dai kaini naaaraman kun saen iyan naghale.
28An pag-olog-olog saka an pang-abuso minagikan sa mapalangkaw na tawo, alagad an parabalos naghihipa saiya arog sa sarong leon. 29An mga tawong naoogma sa pagbagsak kan tawong diosnon madadakop sa sarong litag asin mapapano nin kasakitan bago magadan.
Pagkaanggot
30An kaanggotan saka an init nin payo mga makatakot na bagay, asin an mga parakasala igwa kan duwang iyan.
Currently Selected:
Sirac 27: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Sirac 27
27
1Nagkasala an dakul na tawo sa paghanap nin ganansya; kun boot mong yumaman, ipirong mo an saimong mga mata. 2Masakit an paghale sa sarong taldok na nakatusok sa pagultanan nin duwang gapo, siring na masakit man an paghale kan kadayaan sa pagbakal saka pagpabakal. 3Kun ika bakong dayupot asin pusog sa pagkatakot sa Kagurangnan, marurumpagan ka kan sadiri mong harong.
Sa Pagtaram nahahayag an Totoong Kamatean
4An itinataram nin sarong tawo nagpapahayag kan saiyang mga sala; nakakaarog iyan sa sarong saraan na minasara kan ati. 5An pag-isip nin sarong tawo nagpapahiling kan saiyang ugale siring na an horno nagpapahiling kan anoman na barana sa koron na ilinalaog diyan. 6Mamimidbid mo kun paano inataman an sarong kahoy huli sa mga bunga kaiyan, asin maaaraman mo an namamatean nin sarong tawo huli sa saiyang itinataram. 7Dai mo pag-omawon an siisay man bago mo siya madangog na magtaram; iyan an tunay na pagbalo.
An Pagigin Onesto
8Kun maghingowa kang magin onesto, magigin onesto ka, asin mapapakarahay kaiyan an saimong ugale siring na napapagayon kan gubing an saimong tindog. 9An mga gamgam nakikitipon sa pareho nindang klase, asin an gawe nin pagigin onesto nakakamtan kan mga tawong naghihingowang magin onesto. 10An kasalan naghahalat sa mga tawong naggigibo nin karatan, siring na an leon naghahalat sa magigin biktima kaini.
Kalolongan na Tataramon
11An tataramon nin sarong diosnon na tawo danay na igwang kadonongan, alagad an sarong lolong nagliliwat arog sa bulan. 12Kun makua mo an saimong sadiri sa kaibahan nin mga mangmang, maghanap ka nin dahelan tanganing makahale, alagad kun sa mga tawong madonong, mag-ontok ka sa kaibahan ninda.
13An tataramon kan mga lolong nakakakulog, asin an pinakamaraot na kasalan sainda pang pinagngingisihan. 14An mga tataramon nin mga tawong tood sa pagmuda makakapatindog kan saimong barahibo, asin kun sinda magdiskutiran, mayo kang magiginibo kundi takopan an saimong mga talinga. 15Makulog pagdangogon an pagmumudahan ninda, asin an siring na mga pag-iiwal nagdadara nin kadahasan.
An Pagpahayag kan Sekreto nin Ibang Tawo
16An tawong nag-oosip kan sekreto nin iba nagraraot kan pagsarig saiya kan mga ini, asin dai siya nanggad makakakua nin tunay na katood. 17Kamotan mo an saimong katood asin magsarig ka sa saiya; alagad kun ipangosip mo an saiyang sekreto, mas marahay pang lingawan mong may katood ka. 18Huli ta ginadan mo an saindong pagigin magkatood, na garo baga paggadan sa sarong kaiwal. 19Mayo na an saimong katood. Dai mo na siya mapapabalik siring na dai mo na man mapapabalik an sarong gamgam na saimong binutasan. 20Dai mo na siya paghanapon. Harayo na siya nin marahay sa pagdulag saimo, arog siya sa sarong usa na nakaligtas sa litag. 21An lugad pwedeng bolongon asin an insulto pwedeng patawadon, alagad an pagbuyagyag kan mga sekreto nin ibang tawo mayo nin bolong.
An Pagsagin-sagin
22An tawong pakorokimlat kan saiyang mata igwa nin planong maraot, asin mayo nin siisay man na makakapaontok saiya sa paggibo kan pinaplano niya. 23Mahamis na tataramon an itinataram niya sa atubang mo asin oomawon ka niya sa lambang sabihon mo. Alagad kun talikod ka, an saimong itinaram gagamiton niya laban saimo. 24Dakul an sakong naoongisan, alagad mayo nin makakaorog sa pagkaongis ko sa siring na tawo—asin naoongisan man siya nin Kagurangnan.
25Magpatoron ka nin gapo asin mahugpa iyan sa saimong payo; manigbas ka asin sagkod ika malulugadan. 26Maggibo ka nin kalot asin ika an mahuhulog; magbugtak ka nin siod, asin ika an madadakop. 27An maraot na gibo minabalik sa sarong tawo, asin dai kaini naaaraman kun saen iyan naghale.
28An pag-olog-olog saka an pang-abuso minagikan sa mapalangkaw na tawo, alagad an parabalos naghihipa saiya arog sa sarong leon. 29An mga tawong naoogma sa pagbagsak kan tawong diosnon madadakop sa sarong litag asin mapapano nin kasakitan bago magadan.
Pagkaanggot
30An kaanggotan saka an init nin payo mga makatakot na bagay, asin an mga parakasala igwa kan duwang iyan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.