Sirac 26
26
1Paladan an agom na lalaki na igwa nin marahay na agom; madodoble an bilang kan mga taon nin saiyang buhay. 2An maimbod na agom na babae nakakapaogma sa saiyang agom, asin magkakaigwa nin kapanoan an mga aldaw kaini sa katoninongan. 3An marahay na agom na babae ibibilang sa mahalagang mga bendisyon na itinatao sa mga may pagkatakot sa Kagurangnan. 4Mayaman man o dukha, magigin maogma sinda asin magayagaya an lalawogon.
5Igwa nin tolong bagay akong natatakotan, asin saro pa na orog kong natatakotan: mga pakaraot na pinapalakop sa banwa, pagtiripon nin mga lalaking mayong marahay na katuyohan, salang sumbong—an mga ini orog pa ki sa kagadanan. 6Alagad an babaeng nagseselos sa kapwa niya babae iyo an dahelan nin kamondoan nin puso; an sobrang pagtaram niya iyo an nagpapahayag kaiyan sa gabos.
7An maraot na agom na babae nakakaagid sa sakal na dai nakakahusto. An pagpupugol sa saiya nakakaagid sa pagkapot sa sarong uyang. 8An sarong burat na babae sarong hilingon na nakakapaanggot; dai niya kayang tahoban an makasosopog niyang gawe. 9Mamimidbidan mo an sarong babae na bakong maimbod sa agom huli sa nagmamawot asin nandadagka niyang mga mata.
10Bantayan mo nin marahay an sarong aking babae na matagas an payo, ta tibaad kun makakua siya nin oportunidad, gamiton niya iyan sa ikakapahamak man sana niya. 11Kun sobra an tagas kan saiyang boot, magin maingat ka, asin dai ka na manibago kun magkasala siya saimo. 12Bubukahon niya an saiyang mga tabay saen man na lugar para sa kiisay man na lalaki, siring na an sarong napapahang parabyahe mainom kan anoman na tubig na manumpongan niya.
13An maboot na agom na babae iyo an kaogmahan nin saiyang agom; an saiyang mga kakayahan iyo an nagpapakosog kan saiyang agom.#26:13 an saiyang kakayahan…agom; o aram niya kun paano basogon an saiyang agom. 14An sarong bakong matinaram na agom na babae sarong regalo nin Kagurangnan. An siring na pagdisiplina nin kalag orog pang mahalaga ki sa anoman na yaman. 15An sarong simpleng agom na babae igwa nin mayong kataposan na kagayonan; iyan sarong kalidad na dai pwedeng sukolon. 16An gayon nin sarong marahay na agom na babae sa saiyang husay na harong nakakaagid sa aldaw na nagliliwanag kun odto sa kalangitan nin Kagurangnan. 17An magayon niyang lalawogon saka hawak nakakaagid sa nagliliwanag na ilaw sa banal na kandelero sa Templo, 18asin arog sa bulawan na lawas kaiyan na napapatugmad sa platang patungtongan an saiyang mga tabay saka makosog na mga bitis.#26:18 makosog na mga bitis; sa nagkapirang kasuratan igwang mayaman na mga daghan o pusog na puso. #26:18 Sa nagkapirang kasuratan idinagdag an bersikulo 19-27: Aki ko, padanaya an saimong marahay na hawak mantang aki ka pa, asin dai mo ipagtao sa mga dayuhan an saimong kosog. 20 Hanapa sa bilog na daga an sarong matubang na oma, asin tanoman mo iyan kan sadiri mong marahay asin sinasarigan na banhi. 21 Dangan mabubuhay an saimong kaakian asin matalubo na igwa nin pagsarig sa saindang marahay na pamilya. 22 An sarong maraot na babae nakakaagid sa lutab; an sarong may agom nang babae na nakikipagdorogan sa bako niyang agom nagdadara nin kagadanan sa saiyang mga kadorogan. 23 An sarong bakong diosnon na agom na babae iyo an itinatao sa sarong lalaking dai nagkukuyog sa katogonan, siring sa maninigo saiya, alagad an lalaking minagalang sa Kagurangnan magkakaigwa nin maimbod na agom. 24 An sarong mayong sopog na agom na babae naoogma sa paggigibo kan ikakawara kan saiyang onra, alagad an sarong masosopgon na agom na babae pino kun minahiro maski an agom sana niya an saiyang kaiba. 25 An agom na babae na sobra an tagas kan boot minimidbid bilang sarong ayam, alagad an agom na babae na igwa nin sopog matatakot sa Kagurangnan. 26 An agom na babae na minagalang sa saiyang agom makakaarog sa sarong madonong sa mata kan gabos, alagad kun dai niya galangan an saiyang agom sa saiyang kapalangkawan, mamimidbidan siya kan gabos bilang bakong diosnon. Paladan an agom na lalaki kan marahay na babae, huli ta madodoble an bilang kan mga taon nin saiyang buhay. 27 An sarong babaeng makosog asin daing ontok magtaram, nakakaagid sa sarong trompeta na nagtatao kan tanda sa pagsalakay, asin an siisay man na lalaki na igwa nin siring na agom mabubuhay na garo danay na nasa gera.
Makamomondong Obserbasyon
28Igwang duwang bagay na nakakapamondo sako, asin an ika-tolo nakakapaanggot sako:
sarong soldados na nagin dukha,
madodonong na mga tawo na dai ginalangan,
asin sarong matanos na tawo na nagin maraot.
Papadusahan nin Kagurangnan an siring na tawo nin kagadanan!
29Masakit nin marahay para sa sarong negosyante na makalikay sa paggibo nin karatan; an gabos na nagtitinda nagkasala.
Currently Selected:
Sirac 26: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Sirac 26
26
1Paladan an agom na lalaki na igwa nin marahay na agom; madodoble an bilang kan mga taon nin saiyang buhay. 2An maimbod na agom na babae nakakapaogma sa saiyang agom, asin magkakaigwa nin kapanoan an mga aldaw kaini sa katoninongan. 3An marahay na agom na babae ibibilang sa mahalagang mga bendisyon na itinatao sa mga may pagkatakot sa Kagurangnan. 4Mayaman man o dukha, magigin maogma sinda asin magayagaya an lalawogon.
5Igwa nin tolong bagay akong natatakotan, asin saro pa na orog kong natatakotan: mga pakaraot na pinapalakop sa banwa, pagtiripon nin mga lalaking mayong marahay na katuyohan, salang sumbong—an mga ini orog pa ki sa kagadanan. 6Alagad an babaeng nagseselos sa kapwa niya babae iyo an dahelan nin kamondoan nin puso; an sobrang pagtaram niya iyo an nagpapahayag kaiyan sa gabos.
7An maraot na agom na babae nakakaagid sa sakal na dai nakakahusto. An pagpupugol sa saiya nakakaagid sa pagkapot sa sarong uyang. 8An sarong burat na babae sarong hilingon na nakakapaanggot; dai niya kayang tahoban an makasosopog niyang gawe. 9Mamimidbidan mo an sarong babae na bakong maimbod sa agom huli sa nagmamawot asin nandadagka niyang mga mata.
10Bantayan mo nin marahay an sarong aking babae na matagas an payo, ta tibaad kun makakua siya nin oportunidad, gamiton niya iyan sa ikakapahamak man sana niya. 11Kun sobra an tagas kan saiyang boot, magin maingat ka, asin dai ka na manibago kun magkasala siya saimo. 12Bubukahon niya an saiyang mga tabay saen man na lugar para sa kiisay man na lalaki, siring na an sarong napapahang parabyahe mainom kan anoman na tubig na manumpongan niya.
13An maboot na agom na babae iyo an kaogmahan nin saiyang agom; an saiyang mga kakayahan iyo an nagpapakosog kan saiyang agom.#26:13 an saiyang kakayahan…agom; o aram niya kun paano basogon an saiyang agom. 14An sarong bakong matinaram na agom na babae sarong regalo nin Kagurangnan. An siring na pagdisiplina nin kalag orog pang mahalaga ki sa anoman na yaman. 15An sarong simpleng agom na babae igwa nin mayong kataposan na kagayonan; iyan sarong kalidad na dai pwedeng sukolon. 16An gayon nin sarong marahay na agom na babae sa saiyang husay na harong nakakaagid sa aldaw na nagliliwanag kun odto sa kalangitan nin Kagurangnan. 17An magayon niyang lalawogon saka hawak nakakaagid sa nagliliwanag na ilaw sa banal na kandelero sa Templo, 18asin arog sa bulawan na lawas kaiyan na napapatugmad sa platang patungtongan an saiyang mga tabay saka makosog na mga bitis.#26:18 makosog na mga bitis; sa nagkapirang kasuratan igwang mayaman na mga daghan o pusog na puso. #26:18 Sa nagkapirang kasuratan idinagdag an bersikulo 19-27: Aki ko, padanaya an saimong marahay na hawak mantang aki ka pa, asin dai mo ipagtao sa mga dayuhan an saimong kosog. 20 Hanapa sa bilog na daga an sarong matubang na oma, asin tanoman mo iyan kan sadiri mong marahay asin sinasarigan na banhi. 21 Dangan mabubuhay an saimong kaakian asin matalubo na igwa nin pagsarig sa saindang marahay na pamilya. 22 An sarong maraot na babae nakakaagid sa lutab; an sarong may agom nang babae na nakikipagdorogan sa bako niyang agom nagdadara nin kagadanan sa saiyang mga kadorogan. 23 An sarong bakong diosnon na agom na babae iyo an itinatao sa sarong lalaking dai nagkukuyog sa katogonan, siring sa maninigo saiya, alagad an lalaking minagalang sa Kagurangnan magkakaigwa nin maimbod na agom. 24 An sarong mayong sopog na agom na babae naoogma sa paggigibo kan ikakawara kan saiyang onra, alagad an sarong masosopgon na agom na babae pino kun minahiro maski an agom sana niya an saiyang kaiba. 25 An agom na babae na sobra an tagas kan boot minimidbid bilang sarong ayam, alagad an agom na babae na igwa nin sopog matatakot sa Kagurangnan. 26 An agom na babae na minagalang sa saiyang agom makakaarog sa sarong madonong sa mata kan gabos, alagad kun dai niya galangan an saiyang agom sa saiyang kapalangkawan, mamimidbidan siya kan gabos bilang bakong diosnon. Paladan an agom na lalaki kan marahay na babae, huli ta madodoble an bilang kan mga taon nin saiyang buhay. 27 An sarong babaeng makosog asin daing ontok magtaram, nakakaagid sa sarong trompeta na nagtatao kan tanda sa pagsalakay, asin an siisay man na lalaki na igwa nin siring na agom mabubuhay na garo danay na nasa gera.
Makamomondong Obserbasyon
28Igwang duwang bagay na nakakapamondo sako, asin an ika-tolo nakakapaanggot sako:
sarong soldados na nagin dukha,
madodonong na mga tawo na dai ginalangan,
asin sarong matanos na tawo na nagin maraot.
Papadusahan nin Kagurangnan an siring na tawo nin kagadanan!
29Masakit nin marahay para sa sarong negosyante na makalikay sa paggibo nin karatan; an gabos na nagtitinda nagkasala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.