Salmo 149
149
Awit nin Pag-omaw
1Omawon an Kagurangnan!
Mag-awit nin bagong awit sa Kagurangnan;
omawon siya sa katiriponan nin mga maimbod!
2Mag-ogma ka, O Israel, huli kan saimong Kaglalang;
mag-ogma kamo, mga aki nin Sion, huli kan saindong hade!
3Magsayaw sa kaomawan nin saiyang ngaran;
mag-awit saiya sa tanog kan tamborin asin lira.
4Ikinakaogma nin Kagurangnan an saiyang banwaan;
an mapakumbaba tinatawan niya nin kapangganahan.
5Ipag-ogma kan banwaan nin Dios an saindang kapangganahan;
magdamlag na mag-awit sinda sa kaogmahan.
6Sa saindang ngoso an mga kurahaw nin kaogmahan sa Dios,
asin mga espada na doble an tarom sa saindang mga kamot,
7tanganing daogon an mga nasyon
asin padusahan an mga banwaan;
8tanganing kadenahan an saindang mga hade;
asin kadenahan nin lansang an saindang mga lider;
9tanganing hukoman an mga nasyon, sosog sa pagboot nin Dios.
Ini an kamurawayan para sa gabos na maimbod sa Dios.
Omawon an Kagurangnan!
Currently Selected:
Salmo 149: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
