Salmo 133
133
Pag-omaw sa Pagkamoot nin Magturugang#AN TITULO KAINI SA HEBREYO: Ni David.
1Hilinga, marahay nanggad asin maogma
kun an magturugang nag-eerok na nagkakasararo!
2Kabaing iyan sa mahalagang lana na panlahid,
na nagbubulos hale sa payo asin barabas ni Aaron,
pasiring sa kwelyo kan saiyang gubing.
3Kabaing iyan sa ambon sa ibabaw kan bukid nin Hermon,
na minahugpa sa kabukidan nin Sion.
Duman nanuga an Kagurangnan kan saiyang bendisyon—
buhay na daing kataposan.
Currently Selected:
Salmo 133: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
