Salmo 125
125
Kasarigan kan Banwaan nin Dios
1An mga nananarig sa Kagurangnan nakakabaing sa Bukid nin Sion,
na dai nanggad matatanyog, kundi magdadanay sagkod lamang.
2Siring na an Jerusalem napapalibotan nin kabukidan,
pinapalibotan man nin Kagurangnan an saiyang banwaan
ngunyan asin sagkod pa man.
3Huli ta an mga tampalasan dai maghahade sa daga na ipinamana sa mga matanos,
ta tibaad sagkod an mga matanos maggibo nin karatan.
4 Kagurangnan, gibohi nin marahay an mga tawong marahay,
asin an mga tawong matanos an puso.
5Alagad kun padusahan mo na an mga tampalasan,
padusahan mo man an mga minasuhay sa saimong mga dalan.
An katoninongan mapasa-Israel!
Currently Selected:
Salmo 125: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
