Salmo 124
124
An Dios an Paraataman kan Saiyang Banwaan#AN TITULO KAINI SA HEBREYO: Ni David.
1Ano daw kun bako tang kakampi an Kagurangnan?
Simbag, O Israel!
2“Kun dai ta nagin kakampi an Kagurangnan
kan salakayon kita kan satong mga kaiwal,
3buhay pa kutana kitang hinalon ninda,
kan maglaad an saindang kaanggotan tumang sato;
4inanod kutana kita kan baha,
nalantopan kutana kita kan tubig;
5nalamos kutana kita sa makosog na bulos kan katubigan.”
6Pasalamatan ta an Kagurangnan,
na dai kita ipinagadan sa satong mga kaiwal.
7Nakadulag kita siring sa sarong gamgam sa litag nin mga paraayam;
naraot an siod, asin nakaligtas kita!
8An satong tabang yaon sa ngaran nin Kagurangnan,
na naggibo kan langit asin daga.
Currently Selected:
Salmo 124: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
