Josue 19
19
An Dagang Itinao Ki Simeon
1An ikaduwang kahirasan iyo an para sa mga pamilya kan tribu ni Simeon. An teritoryo ninda sagkod sa daga na itinao sa tribu ni Juda. 2Sakop kaini an Beer-sheba, Sheba, Molada, 3Hazar-sual, Bala, Ezem, 4Eltolad, Betul, Horma, 5Ziklag, Bet-marcabot, Hazar-susa, 6Bet-lebaot, asin Saruhen: treseng syudad gabos, kaiba an mga banwa sa palibot kan mga iyan.
7Napasainda man an Ain, Rimmon, Eter, saka Asan: apat na syudad gabos, kaiba an mga banwa sa palibot kan mga iyan. 8Napasainda man an gabos na banwa sa palibot kan mga syudad na idto sagkod sa Baalat-beer (o Rama), sa habagat. Ini an dagang inako bilang kahirasan kan mga pamilya kan tribu ni Simeon. 9Huli ta an dagang inako ni Juda sobra sa saiyang kaipuhan, an ibang parte kan saindang daga itinao sa tribu ni Simeon.
An Dagang Itinao Ki Zabulon
10An ikatolong kahirasan iyo an para sa mga pamilya kan tribu ni Zabulon. An dagang inako ninda nakaabot sa Sarid. 11Hale duman, an pagdolonan minapasiring sa solnopan, sa Mareal, minaduta sa Dabbeset asin sa sapa sa sirangan kan Jokneam. 12Sa ibong kan Sarid, minapasiring iyan sa sirangan, sa pagdolonan nin Kislot-tabor, dangan sa Daberat asin minatukad pasiring sa Jafia. 13Minadagos iyan sa sirangan, sa Gat-hefer asin sa Etkazin saka minaliko sa direksyon kan Nea pasiring sa Rimmon. 14Sa amihan, an pagdolonan minaliko pasiring sa Hannaton, asin minatapos sa Kapantayan nin Iftahel. 15Sakop kaiyan an Kattat, Nahalal, Simron, Idala, asin an Betlehem: doseng syudad gabos, kaiba an mga banwa sa palibot kan mga iyan. 16An mga syudad asin mga banwang ini nasa laog kan dagang itinao bilang pamana sa mga pamilya kan tribu ni Zabulon.
An Dagang Itinao Ki Issakar
17An ikaapat na kahirasan iyo an para sa mga pamilya kan tribu ni Issakar. 18Sakop kan saindang daga an Jezreel, Kesullot, Sunem, 19Hafaraim, Sion, Anaharat, 20Rabbit, Kision, Ebez, 21Remet, En-gannim, En-hadda, asin Bet-pazzez. 22An pagdolonan minaduta man sa Tabor, Sahazuma, saka Bet-semes, asin sagkod sa Jordan. Sakop kaiyan an dyes y seis na syudad, kaiba an mga banwa sa palibot kan mga iyan. 23An mga syudad asin an mga banwang sakop kan mga ini nasa dagang itinao bilang pamana sa mga pamilya kan tribu ni Issakar.
An Dagang Itinao Ki Asher
24An ikalimang kahirasan iyo an para sa mga pamilya kan tribu ni Asher. 25Sakop kan saindang daga an Helkat, Hale, Beten, Acsaf, 26Allam-melec, Amad, saka an Misal. Sa solnopan, an pagdolonan kan daga minaduta sa Carmelo asin sa Sihor-libnat. 27Pagliko pasiring sa sirangan, an pagdolonan minapasiring sa Bet-dagon, minaduta sa Zabulon asin sa Kapantayan nin Iftahel mantang pasiring sa Bet-emek saka sa Neiel. Minadagos iyan sa amihan pasiring sa Cabul, 28Ebron, Rehob, Hammon, asin Kana, sagkod sa Sidon. 29Dangan minaliko an pagdolonan pasiring sa Rama, sagkod sa pinapusog na syudad nin Tiro; dangan minaliko pasiring sa Hosa asin minatapos sa Dagat nin Mediteraneo. Sakop pa kan saindang daga an Mahalab, Aczib, 30Umma, Afek, asin Rehob: beynte y dos na syudad gabos, kaiba an mga banwa sa palibot kan mga iyan. 31An mga syudad na ini asin an saindang mga banwa nasa dagang itinao bilang pamana sa mga pamilya kan tribu ni Asher.
An Dagang Itinao Ki Neftali
32An ikaanom na kahirasan iyo an para sa mga pamilya kan tribu ni Neftali. 33An pagdolonan kan daga minapoon sa Helef pasiring sa kahoy na hamurawon na nasa Zaanannim, minadagos sa Adaminekeb saka sa Jamnia, sa Lakkum, asin sagkod sa Salog nin Jordan. 34Dangan minaliko an pagdolonan pasiring sa solnopan, sa Aznot-tabor; hale duman minapasiring sa Hukkok, minaduta sa Zabulon sa habagat, sa Asher sa solnopan, asin sa Jordan#19:34 Sa sarong daan na traduksyon sa Jordan; sa Hebreyo sa Juda sa may Jordan. sa sirangan. 35An mga pinapusog na syudad iyo an Ziddim, Zer, Hammat, Rakkat, Kinneret, 36Adama, Rama, Hazor, 37Kedes, Edrei, En-hazor, 38Yiron, Migdalel, Horem, Bet-anat, asin an Bet-semes: dyes y nuebeng syudad gabos, kaiba an mga banwa sa palibot kan mga iyan. 39An mga syudad na ini asin an saindang mga banwa nasa dagang itinao bilang pamana sa mga pamilya kan tribu ni Neftali.
An Dagang Itinao Ki Dan
40An ikapitong kahirasan iyo an para sa mga pamilya kan tribu ni Dan. 41Sakop kan saindang daga an Zora, Estaol, Ir-semes, 42Saalabim, Aijalon, Itla, 43Elon, Timna, Ekron, 44Elteke, Gibbeton, Baalat, 45Jehud, Beneberak, Gat-rimmon, 46Mejarkon, asin Rakkon, siring man an daga sa palibot kan Jope. 47Kan mawaraan nin daga an mga taga Dan nagduman sinda sa Lais asin sinalakay idto. Nasakop ninda idto, ginaradan an mga tawo, dangan sinadiri an daga. Nag-erok sinda duman asin rinibayan ninda an ngaran kan syudad nin Lais. Inapod nindang Dan, sunod sa ngaran ni Dan na saindang ginikanan. 48An mga syudad na ini asin an saindang mga banwa nasa daga na itinao bilang pamana sa mga pamilya kan tribu ni Dan.
An Dagang Itinao Ki Josue
49Kan matapos na ninda an paghiras kan daga, hinirasan ninda nin daga si Josue na aki ni Nun. 50Siring sa ipinagboot nin Kagurangnan, itinao ninda saiya an syudad na saiyang hinagad: an Timnat-sera, na nasa mabulod na daga kan Efraim. Pinatindog giraray ni Josue an syudad asin nag-erok siya duman.
51An paghiras kan daga ginibo ni Eleazar na padi, ni Josue na aki ni Nun, asin kan mga lider kan mga pamilya kan mga tribu nin Israel sa paagi nin pagripa. Ginibo ninda ini sa Shilo, sa atubang nin Kagurangnan, sa may pintoan kan Tabernakulo. Sa paaging ini natapos ninda an paghiras kan daga.
Currently Selected:
Josue 19: MBBBIK92
Highlight
Copy
Compare
Share
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
