Exodo 26
26
An Tabernakulo#TABERNAKULO: Hilingon sa Glosaryo. nin Kagurangnan
(Exo. 36:8-38)
1“Gibohon nindo an Tabernakulo. An gagamiton nindo sampolong kurtina nin mga hinabol na pinong lino asin telang lana na kolor asul, purpura saka pula. Burdahan nindo iyan nin mga kerubin. 2Pareho an sukol kan lambang kurtina: dose metros an laba asin duwang metros an lakbang. 3Tarakipon nindo an limang kurtina tanganing magin saro na sanang pedaso, asin iyo man an gibohon nindo sa matatadang lima. 4An sarong gilid kan sarong tinarakip na kurtina bugtakan nindo nin mga tarotalingang asul na tela; iyo man an gibohon nindo sa saro pa. 5Singkwentang tarotalinga an itahi nindo sa enot na tinarakip na limang kurtina asin singkwenta man na tarotalinga an itahi nindo sa ikaduwang tinarakip na limang kurtina. 6Gumibo kamo nin singkwentang kawit na bulawan na gagamiton sa pagsugpon kan duwang pedasong tinarakip na kurtina.
7“Gumibo man kamo nin tolda na pantahob sa Tabernakulo; an gagamiton nindo onseng kurtina na gibo sa balukag nin kanding. 8Gibohon nindo na an lambang kurtina igwa nin parehong sukol na trese metros an laba asin duwang metros an lakbang. 9Tarakipon nindo an limang kurtina asin iyo man an gibohon nindo sa anom na matatada. An ikaanom na kurtina tiklopon nindo sa atubangan kan tolda. 10Tahian nindo nin singkwentang tarotalinga an sarong gilid kan enot na pedaso; iyo man an gibohon nindo sa ikaduwa. 11Dangan gumibo kamo nin singkwentang kawit na bronse, asin ikawit sa mga tarotalinga tanganing an duwang pedaso magin saro na sana. 12An parte kan kurtina na minasobra, papalaylayon nindo sa likod kan Tabernakulo. 13An singkwenta sentimetros na sobra sa mag-ibong na gilid kan kahalabaan kan mga kurtina, papalaylayon man tanganing matahoban an duwang gilid kan Tabernakulo.
14“Gumibo kamo nin duwang pantahob sa tolda: an saro gibo sa anit nin mga lalaking karnero na tinugma nin pula, asin an saro gibo sa anit nin mga kanding.
15“Gumibo kamo nin mga taranos na tablang akasya para sa Tabernakulo. 16An lambang tabla may sukol na kwatro metros an laba, sesenta y seis sentimetros an lakbang 17na igwa nin duwang mitsa na pansugpon. An gabos na tabla kaipuhan igwa kan duwang mitsang ini. 18Iyo ini an gigibohon nindong tabla para sa Tabernakulo: beynteng tabla para sa parteng habagat 19asin para sa mga tablang ini gumibo kamo nin kwarentang patungtongan na plata; duwang patungtongan para sa lambang tabla na kakanaan kan duwang mitsa kaini. 20Para sa parteng amihan kan Tabernakulo, beynteng tabla 21asin kwarentang patungtongan na plata, duwang patungtongan para sa lambang tabla. 22Para sa likod kan Tabernakulo, sa parteng solnopan gumibo kamo nin anom na tabla 23asin nin duwang tabla para sa mga kanto sa likod na parte kan Tabernakulo. 24An duwang tablang ini suhay sa ibaba alagad nagdudukotan sa itaas, sa enot na siningsing. Arog kaini an pagkamugtak kan duwang tabla; an mga ini an magigin duwang kanto sa likod na parte kan Tabernakulo. 25Kaya walo gabos an mga tabla sa likod asin dyes y seis an patungtongan na plata, duwa para sa lambang tabla.
26“Gumibo man kamo nin kinseng trabisanyo na akasya, an lima para sa mga tabla na nasa sarong gilid kan Tabernakulo, 27an lima para sa mga tabla na nasa ibong na gilid, asin an lima para sa mga tabla na nasa likod, sa parteng solnopan. 28An laba kan mga trabisanyo na ikakana sa kabangaan kan mga tabla, mapoon sa sarong poro asin makakaabot sa ibong na poro kan Tabernakulo. 29Patoson nindo nin bulawan an mga tabla dangan kabitan nin mga siningsing na bulawan na susurokan kan mga trabisanyo na pinatos man nin bulawan. 30Patindogon nindo an Tabernakulo siring sa plano na ipinahiling ko saimo sa bukid.
31“Gumibo kamo nin kurtina sa hinabol na pinong lino asin mga telang lana na kolor asul, purpura saka pula. Burdahan nindo iyan nin mga kerubin. 32Tindihon nindo an kurtina sa apat na hariging akasya na pinatos nin bulawan saka may mga kawit na bulawan asin napapatindog sa apat na patungtongan na plata. 33Isabit nindo an kurtina sa nakarayang mga kawit na yaon sa atop kan Tabernakulo, dangan ibugtak nindo sa likod kan kurtina an Kaban nin Tipan na nasasarayan kan duwang tablang gapo. An kurtina iyo an malaen kan Banal na Lugar sa Kabanal-banaleng Lugar. 34Takopan nindo an Kaban nin Tipan. 35Ibugtak nindo an lamesa sa luwas kan Kabanal-banaleng Lugar, sa parteng amihan kan Tabernakulo, asin an kandelero sa parteng habagat.
36“An pintoan kan tolda gibohan nindo nin panlipod na kurtinang hinabol na pinong lino asin mga telang lana na kolor asul, purpura saka pula na binurdahan. 37Para sa panlipod na ini, gumibo kamo nin limang hariging akasya na pinatos sa bulawan asin may mga kawit na bulawan, dangan gumibo kamo nin limang patungtongan na bronse para sa mga hariging ini.
Currently Selected:
Exodo 26: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Exodo 26
26
An Tabernakulo#TABERNAKULO: Hilingon sa Glosaryo. nin Kagurangnan
(Exo. 36:8-38)
1“Gibohon nindo an Tabernakulo. An gagamiton nindo sampolong kurtina nin mga hinabol na pinong lino asin telang lana na kolor asul, purpura saka pula. Burdahan nindo iyan nin mga kerubin. 2Pareho an sukol kan lambang kurtina: dose metros an laba asin duwang metros an lakbang. 3Tarakipon nindo an limang kurtina tanganing magin saro na sanang pedaso, asin iyo man an gibohon nindo sa matatadang lima. 4An sarong gilid kan sarong tinarakip na kurtina bugtakan nindo nin mga tarotalingang asul na tela; iyo man an gibohon nindo sa saro pa. 5Singkwentang tarotalinga an itahi nindo sa enot na tinarakip na limang kurtina asin singkwenta man na tarotalinga an itahi nindo sa ikaduwang tinarakip na limang kurtina. 6Gumibo kamo nin singkwentang kawit na bulawan na gagamiton sa pagsugpon kan duwang pedasong tinarakip na kurtina.
7“Gumibo man kamo nin tolda na pantahob sa Tabernakulo; an gagamiton nindo onseng kurtina na gibo sa balukag nin kanding. 8Gibohon nindo na an lambang kurtina igwa nin parehong sukol na trese metros an laba asin duwang metros an lakbang. 9Tarakipon nindo an limang kurtina asin iyo man an gibohon nindo sa anom na matatada. An ikaanom na kurtina tiklopon nindo sa atubangan kan tolda. 10Tahian nindo nin singkwentang tarotalinga an sarong gilid kan enot na pedaso; iyo man an gibohon nindo sa ikaduwa. 11Dangan gumibo kamo nin singkwentang kawit na bronse, asin ikawit sa mga tarotalinga tanganing an duwang pedaso magin saro na sana. 12An parte kan kurtina na minasobra, papalaylayon nindo sa likod kan Tabernakulo. 13An singkwenta sentimetros na sobra sa mag-ibong na gilid kan kahalabaan kan mga kurtina, papalaylayon man tanganing matahoban an duwang gilid kan Tabernakulo.
14“Gumibo kamo nin duwang pantahob sa tolda: an saro gibo sa anit nin mga lalaking karnero na tinugma nin pula, asin an saro gibo sa anit nin mga kanding.
15“Gumibo kamo nin mga taranos na tablang akasya para sa Tabernakulo. 16An lambang tabla may sukol na kwatro metros an laba, sesenta y seis sentimetros an lakbang 17na igwa nin duwang mitsa na pansugpon. An gabos na tabla kaipuhan igwa kan duwang mitsang ini. 18Iyo ini an gigibohon nindong tabla para sa Tabernakulo: beynteng tabla para sa parteng habagat 19asin para sa mga tablang ini gumibo kamo nin kwarentang patungtongan na plata; duwang patungtongan para sa lambang tabla na kakanaan kan duwang mitsa kaini. 20Para sa parteng amihan kan Tabernakulo, beynteng tabla 21asin kwarentang patungtongan na plata, duwang patungtongan para sa lambang tabla. 22Para sa likod kan Tabernakulo, sa parteng solnopan gumibo kamo nin anom na tabla 23asin nin duwang tabla para sa mga kanto sa likod na parte kan Tabernakulo. 24An duwang tablang ini suhay sa ibaba alagad nagdudukotan sa itaas, sa enot na siningsing. Arog kaini an pagkamugtak kan duwang tabla; an mga ini an magigin duwang kanto sa likod na parte kan Tabernakulo. 25Kaya walo gabos an mga tabla sa likod asin dyes y seis an patungtongan na plata, duwa para sa lambang tabla.
26“Gumibo man kamo nin kinseng trabisanyo na akasya, an lima para sa mga tabla na nasa sarong gilid kan Tabernakulo, 27an lima para sa mga tabla na nasa ibong na gilid, asin an lima para sa mga tabla na nasa likod, sa parteng solnopan. 28An laba kan mga trabisanyo na ikakana sa kabangaan kan mga tabla, mapoon sa sarong poro asin makakaabot sa ibong na poro kan Tabernakulo. 29Patoson nindo nin bulawan an mga tabla dangan kabitan nin mga siningsing na bulawan na susurokan kan mga trabisanyo na pinatos man nin bulawan. 30Patindogon nindo an Tabernakulo siring sa plano na ipinahiling ko saimo sa bukid.
31“Gumibo kamo nin kurtina sa hinabol na pinong lino asin mga telang lana na kolor asul, purpura saka pula. Burdahan nindo iyan nin mga kerubin. 32Tindihon nindo an kurtina sa apat na hariging akasya na pinatos nin bulawan saka may mga kawit na bulawan asin napapatindog sa apat na patungtongan na plata. 33Isabit nindo an kurtina sa nakarayang mga kawit na yaon sa atop kan Tabernakulo, dangan ibugtak nindo sa likod kan kurtina an Kaban nin Tipan na nasasarayan kan duwang tablang gapo. An kurtina iyo an malaen kan Banal na Lugar sa Kabanal-banaleng Lugar. 34Takopan nindo an Kaban nin Tipan. 35Ibugtak nindo an lamesa sa luwas kan Kabanal-banaleng Lugar, sa parteng amihan kan Tabernakulo, asin an kandelero sa parteng habagat.
36“An pintoan kan tolda gibohan nindo nin panlipod na kurtinang hinabol na pinong lino asin mga telang lana na kolor asul, purpura saka pula na binurdahan. 37Para sa panlipod na ini, gumibo kamo nin limang hariging akasya na pinatos sa bulawan asin may mga kawit na bulawan, dangan gumibo kamo nin limang patungtongan na bronse para sa mga hariging ini.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.