Exodo 27
27
An Altar
(Exo. 38:1-7)
1“Gumibo kamo nin sarong altar na akasya. Kwadrado ini, na dos metros beynte sentimetros an laba asin an lakbang; an langkaw sarong metro may treynta sentimetros. 2An ibabaw kan apat na kanto kan altar, pormahan nindo na garo mga sungay. Ini gibohon na magin sarong pedaso sana sagkod an altar dangan patoson nindo nin bronse an bilog na altar. 3Gumibo kamo nin mga kawa na bubugtakan kan abo; gumibo man kamo nin mga pala, mangko, pansipit saka mga bugtakan nin baga. Gibohon nindo iyan gabos sa bronse. 4Gumibo man kamo nin parilyang bronse dangan bugtakan nindo ini nin apat na siningsing na bronse sa lambang kanto. 5Dangan sa irarom kan sanipa, ibugtak nindo iyan magpoon sa kabangaan na parte kan altar paibaba. 6Gumibo kamo nin mga pasanan na akasya, asin patoson nindo nin bronse 7dangan isurok sa mga siningsing tanganing an mga pasanan yaon sa duwang gilid kan altar kun dinadara ini. 8Tabla an gamiton nindo sa altar, asin gibohon na mayong laog an tahaw kaini siring sa plano na ipinahiling ko saimo sa bukid.
An Patyo kan Tabernakulo
(Exo. 38:9-20)
9“An patyo kan Tabernakulo gibohon nindo sa mga kurtina nin hinabol na pinong lino. Sa parteng habagat, kwarenta y kwatro metros an laba kan kurtina 10na titindihon sa beynteng bronseng harigi na papatindogan sa beynteng bronseng patungtongan. An mga kawit saka mga barat kan harigi gibohon nindo sa plata. 11Siring man an gibohon nindo sa parteng amihan kan patyo. 12Para sa parteng solnopan, gumamit kamo nin mga kurtinang beynte y dos metros an laba, sampolong harigi saka sampolong patungtongan. 13Para sa parteng sirangan na namumugtakan kan pintoan, beynte y dos metros an lakbang kan patyo. 14Sa sarong ibong kan pintoan, an mga kurtina igwa nin laba na seis metros sesenta sentimetros, asin igwa nin tolong harigi saka tolong patungtongan. 15Arog man kaiyan an sa ibong na parte: mga kurtinang seis metros sesenta sentimetros an laba, tolong harigi saka tolong patungtongan. 16An mismong pintoan bugtakan nindo nin binurdahan na kurtinang panlipod na siyam na metros an laba, gibo sa pinong lino asin telang lana na kolor asul, purpura saka pula. Isabit nindo ini sa apat na hariging napapatindog sa apat na patungtongan. 17An gabos na harigi sa patyo baratan nindo nin mga pambarat na plata. An mga kawit kan mga harigi gibohon sa plata asin an mga patungtongan gibohon sa bronse. 18Kwarenta y kwatro metros an laba kan patyo, beynte y dos metros an lakbang asin dos metros beynte sentimetros an langkaw. An mga kurtina gibohon sa hinabol na pinong lino asin an mga patungtongan gibohon sa bronse. 19An gabos na kagamitan sa laog kan Tabernakulo asin an gabos na palo kaini asin kan patyo gibohon nindo sa bronse.
Pag-ataman sa Ilawan
(Lev. 24:1-4)
20“Pagbotan mo an mga Israelita na darahan ka kan pinakamarahay na lana nin oliba para sa ilawan tanganing padagos iyan na maglaad. 21Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.
Currently Selected:
Exodo 27: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Exodo 27
27
An Altar
(Exo. 38:1-7)
1“Gumibo kamo nin sarong altar na akasya. Kwadrado ini, na dos metros beynte sentimetros an laba asin an lakbang; an langkaw sarong metro may treynta sentimetros. 2An ibabaw kan apat na kanto kan altar, pormahan nindo na garo mga sungay. Ini gibohon na magin sarong pedaso sana sagkod an altar dangan patoson nindo nin bronse an bilog na altar. 3Gumibo kamo nin mga kawa na bubugtakan kan abo; gumibo man kamo nin mga pala, mangko, pansipit saka mga bugtakan nin baga. Gibohon nindo iyan gabos sa bronse. 4Gumibo man kamo nin parilyang bronse dangan bugtakan nindo ini nin apat na siningsing na bronse sa lambang kanto. 5Dangan sa irarom kan sanipa, ibugtak nindo iyan magpoon sa kabangaan na parte kan altar paibaba. 6Gumibo kamo nin mga pasanan na akasya, asin patoson nindo nin bronse 7dangan isurok sa mga siningsing tanganing an mga pasanan yaon sa duwang gilid kan altar kun dinadara ini. 8Tabla an gamiton nindo sa altar, asin gibohon na mayong laog an tahaw kaini siring sa plano na ipinahiling ko saimo sa bukid.
An Patyo kan Tabernakulo
(Exo. 38:9-20)
9“An patyo kan Tabernakulo gibohon nindo sa mga kurtina nin hinabol na pinong lino. Sa parteng habagat, kwarenta y kwatro metros an laba kan kurtina 10na titindihon sa beynteng bronseng harigi na papatindogan sa beynteng bronseng patungtongan. An mga kawit saka mga barat kan harigi gibohon nindo sa plata. 11Siring man an gibohon nindo sa parteng amihan kan patyo. 12Para sa parteng solnopan, gumamit kamo nin mga kurtinang beynte y dos metros an laba, sampolong harigi saka sampolong patungtongan. 13Para sa parteng sirangan na namumugtakan kan pintoan, beynte y dos metros an lakbang kan patyo. 14Sa sarong ibong kan pintoan, an mga kurtina igwa nin laba na seis metros sesenta sentimetros, asin igwa nin tolong harigi saka tolong patungtongan. 15Arog man kaiyan an sa ibong na parte: mga kurtinang seis metros sesenta sentimetros an laba, tolong harigi saka tolong patungtongan. 16An mismong pintoan bugtakan nindo nin binurdahan na kurtinang panlipod na siyam na metros an laba, gibo sa pinong lino asin telang lana na kolor asul, purpura saka pula. Isabit nindo ini sa apat na hariging napapatindog sa apat na patungtongan. 17An gabos na harigi sa patyo baratan nindo nin mga pambarat na plata. An mga kawit kan mga harigi gibohon sa plata asin an mga patungtongan gibohon sa bronse. 18Kwarenta y kwatro metros an laba kan patyo, beynte y dos metros an lakbang asin dos metros beynte sentimetros an langkaw. An mga kurtina gibohon sa hinabol na pinong lino asin an mga patungtongan gibohon sa bronse. 19An gabos na kagamitan sa laog kan Tabernakulo asin an gabos na palo kaini asin kan patyo gibohon nindo sa bronse.
Pag-ataman sa Ilawan
(Lev. 24:1-4)
20“Pagbotan mo an mga Israelita na darahan ka kan pinakamarahay na lana nin oliba para sa ilawan tanganing padagos iyan na maglaad. 21Aldaw-bangging aatamanon ni Aaron asin kan saiyang mga aki an ilawan na ibubugtak sa laog kan Tabernakulo, sa luwas kan kurtina saka sa atubangan kan Kaban nin Tipan. An pagboot na ini ootobon kan mga Israelita asin kan saindang mga kapagarakian sagkod pa man.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.