Exodo 25
25
Mga Dolot Para sa Tabernakulo
(Exo. 35:4-9)
1Nagtaram an Kagurangnan ki Moises, 2“Sabihan mo an mga Israelita na magtao nin dolot sako. Akoon mo an anoman na boot nindang idolot. 3Ini an mga dolot na aakoon mo: bulawan, plata, bronse; 4pinong lino, telang lana na kolor asul, purpura saka pula; telang gibo sa balukag nin kanding; 5anit nin lalaking karnero na tinugma nin pula; anit nin kanding; tablang akasya; 6lana para sa mga ilawan; pahamot para sa panlahid na lana asin para sa insenso; 7mga batong oniks asin iba pang batong pantampok sa efod#25:7 EFOD: An tataramon na ini kadaklan na beses ipinapanongod sa sarong klase nin gubing na nakakaagid sa tsaleko. Gibo ini sa mahalaga saka makolor na tela asin ikinakabit digdi an sarong klase nin supot na binubugtakan kan Urim asin Tummim, an duwang bagay na ginagamit sa pagsabot kan kabotan nin Dios. asin sa pantahob sa daghan kan Halangkaw na Padi. 8Pagibohon mo an mga tawo nin sarong Tabernakulo para sako, tanganing mag-erok ako sa kaibahan ninda. 9An Tabernakulo asin an gabos na kasangkapan kaiyan gibohon nindo siring sa plano na ipapahiling ko saimo.
An Kaban nin Tipan
(Exo. 37:1-9)
10“Gumibo kamo nin sarong Kaban na akasya, syento dyes sentimetros an laba, sesenta y seis sentimetros an lakbang asin sesenta y seis sentimetros an langkaw. 11Patoson nindo nin purong bulawan an laog asin an luwas kaiyan dangan bugtakan nindo nin moldurang bulawan sa palibot. 12Gibohan nindo iyan nin apat na siningsing na bulawan asin itakod nindo sa apat na bitis; duwang siningsing sa mag-ibong na gilid kan kaban. 13Gumibo man kamo nin mga pasanan na akasya, saka patoson nindo nin bulawan 14asin isurok sa mga siningsing na nasa duwang gilid kan Kaban. 15Dai nanggad iyan paghaleon sa namumugtakan na mga siningsing. 16Dangan ilaog mo sa Kaban an duwang tablang gapo na nasusuratan kan mga togon na itatao ko saimo.
17“Gumibo kamo nin takop na purong bulawan, syento dyes sentimetros an laba asin sesenta y seis sentimetros an lakbang. 18Gumibo man kamo nin duwang kerubin#25:18 KERUBIN: Hilingon sa Glosaryo. sa pinulpog na bulawan, 19saro para sa mag-ibong na poro kan takop. Gibohon nindo na magin saro sanang pedaso nin bulawan an mga kerubin sagkod an takop. 20Maghahampangan an duwang kerubin sa ibabaw kan takop, na matatahoban kan nakaunat nindang mga pakpak. 21Ilaog mo sa Kaban an duwang tablang gapo dangan takopan mo. 22Diyan taka tatagboon sa ibabaw kan takop, sa tahaw kan duwang kerubin; diyan ko itataram saimo an sakong mga togon para sa banwaan nin Israel.
An Lamesa para sa Tinapay na Dolot sa Dios
(Exo. 37:10-16)
23“Gumibo kamo nin sarong lamesa na akasya, otsenta y otso sentimetros an laba, kwarenta y kwatro sentimetros an lakbang asin sesenta y seis sentimetros an langkaw. 24Patoson nindo iyan nin purong bulawan asin palibotan nin moldurang bulawan. 25An palibot kaiyan bugtakan nindo nin sanipa na pito may kabangang sentimetros an lakbang asin palibotan nindo nin moldurang bulawan. 26Apat na siningsing na bulawan an gibohon nindo para sa lamesa, dangan itakod nindo sa apat na kanto na namumugtakan kan apat na bitis. 27Itakod nindo harani sa sanipa an mga siningsing na surokan kan mga pasanan na gagamiton sa pagdara kan lamesa. 28Akasya an gamiton nindo sa paggibo kan mga pasanan asin patoson nindo iyan nin bulawan. 29Gumibo kamo nin mga plato para sa insenso. Gumibo man kamo nin kalis, dulay saka mangko para sa dolot na arak. Iyan gabos gibohon nindo sa purong bulawan. 30Ibugtak nindo an lamesa sa atubangan kan Kaban nin Tipan, asin sa ibabaw kan lamesa, danay nindong bugtakan nin dolot na tinapay.
An Kandelero
(Exo. 37:17-24)
31“Gumibo kamo nin sarong kandelerong purong bulawan; an bitis asin an kahawakan kaiyan gibohon nindo sa pinulpog na bulawan. Gibohon nindong saro sanang pedaso an kandelero sagkod an mga dekorasyon na burak, kaiba an mga bukol saka an mga petalo. 32Bugtakan nindo nin anom na sanga, an mag-ibong na gilid kan kandelero, tolong sanga lambang gilid. 33An lambang sanga samnohan nindo nin tolong burak na arog sa mga bukad na burak nin almendras na may kaibang mga bukol asin mga petalo. 34An kahawakan kan kandelero samnohan man nindo nin apat na burak na arog sa mga bukad na burak nin almendras na may kaibang mga bukol saka mga petalo. 35Bugtakan nindo nin sarong bukol sa irarom kan lambang pades kan anom na sanga. 36An mga bukol, an mga sanga pati an kandelero gibohon nindo sa saro sanang pedaso nin pinulpog na bulawan. 37Gumibo man kamo nin pitong ilawan para sa kandelero dangan ibugtak nindo sa ibabaw tanganing magliwanag iyan pasiring sa atubangan. 38Gibohon nindo sa purong bulawan an pansipit sa mitsa asin an mga bandehado. 39Treynta y singko kilos nin purong bulawan an gamiton nindo sa paggibo kan kandelero sagkod kan gabos na kagamitan kaiyan. 40Kaipuhan sunodon nanggad nindo an plano na ipinahiling ko saimo sa bukid.
Currently Selected:
Exodo 25: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Exodo 25
25
Mga Dolot Para sa Tabernakulo
(Exo. 35:4-9)
1Nagtaram an Kagurangnan ki Moises, 2“Sabihan mo an mga Israelita na magtao nin dolot sako. Akoon mo an anoman na boot nindang idolot. 3Ini an mga dolot na aakoon mo: bulawan, plata, bronse; 4pinong lino, telang lana na kolor asul, purpura saka pula; telang gibo sa balukag nin kanding; 5anit nin lalaking karnero na tinugma nin pula; anit nin kanding; tablang akasya; 6lana para sa mga ilawan; pahamot para sa panlahid na lana asin para sa insenso; 7mga batong oniks asin iba pang batong pantampok sa efod#25:7 EFOD: An tataramon na ini kadaklan na beses ipinapanongod sa sarong klase nin gubing na nakakaagid sa tsaleko. Gibo ini sa mahalaga saka makolor na tela asin ikinakabit digdi an sarong klase nin supot na binubugtakan kan Urim asin Tummim, an duwang bagay na ginagamit sa pagsabot kan kabotan nin Dios. asin sa pantahob sa daghan kan Halangkaw na Padi. 8Pagibohon mo an mga tawo nin sarong Tabernakulo para sako, tanganing mag-erok ako sa kaibahan ninda. 9An Tabernakulo asin an gabos na kasangkapan kaiyan gibohon nindo siring sa plano na ipapahiling ko saimo.
An Kaban nin Tipan
(Exo. 37:1-9)
10“Gumibo kamo nin sarong Kaban na akasya, syento dyes sentimetros an laba, sesenta y seis sentimetros an lakbang asin sesenta y seis sentimetros an langkaw. 11Patoson nindo nin purong bulawan an laog asin an luwas kaiyan dangan bugtakan nindo nin moldurang bulawan sa palibot. 12Gibohan nindo iyan nin apat na siningsing na bulawan asin itakod nindo sa apat na bitis; duwang siningsing sa mag-ibong na gilid kan kaban. 13Gumibo man kamo nin mga pasanan na akasya, saka patoson nindo nin bulawan 14asin isurok sa mga siningsing na nasa duwang gilid kan Kaban. 15Dai nanggad iyan paghaleon sa namumugtakan na mga siningsing. 16Dangan ilaog mo sa Kaban an duwang tablang gapo na nasusuratan kan mga togon na itatao ko saimo.
17“Gumibo kamo nin takop na purong bulawan, syento dyes sentimetros an laba asin sesenta y seis sentimetros an lakbang. 18Gumibo man kamo nin duwang kerubin#25:18 KERUBIN: Hilingon sa Glosaryo. sa pinulpog na bulawan, 19saro para sa mag-ibong na poro kan takop. Gibohon nindo na magin saro sanang pedaso nin bulawan an mga kerubin sagkod an takop. 20Maghahampangan an duwang kerubin sa ibabaw kan takop, na matatahoban kan nakaunat nindang mga pakpak. 21Ilaog mo sa Kaban an duwang tablang gapo dangan takopan mo. 22Diyan taka tatagboon sa ibabaw kan takop, sa tahaw kan duwang kerubin; diyan ko itataram saimo an sakong mga togon para sa banwaan nin Israel.
An Lamesa para sa Tinapay na Dolot sa Dios
(Exo. 37:10-16)
23“Gumibo kamo nin sarong lamesa na akasya, otsenta y otso sentimetros an laba, kwarenta y kwatro sentimetros an lakbang asin sesenta y seis sentimetros an langkaw. 24Patoson nindo iyan nin purong bulawan asin palibotan nin moldurang bulawan. 25An palibot kaiyan bugtakan nindo nin sanipa na pito may kabangang sentimetros an lakbang asin palibotan nindo nin moldurang bulawan. 26Apat na siningsing na bulawan an gibohon nindo para sa lamesa, dangan itakod nindo sa apat na kanto na namumugtakan kan apat na bitis. 27Itakod nindo harani sa sanipa an mga siningsing na surokan kan mga pasanan na gagamiton sa pagdara kan lamesa. 28Akasya an gamiton nindo sa paggibo kan mga pasanan asin patoson nindo iyan nin bulawan. 29Gumibo kamo nin mga plato para sa insenso. Gumibo man kamo nin kalis, dulay saka mangko para sa dolot na arak. Iyan gabos gibohon nindo sa purong bulawan. 30Ibugtak nindo an lamesa sa atubangan kan Kaban nin Tipan, asin sa ibabaw kan lamesa, danay nindong bugtakan nin dolot na tinapay.
An Kandelero
(Exo. 37:17-24)
31“Gumibo kamo nin sarong kandelerong purong bulawan; an bitis asin an kahawakan kaiyan gibohon nindo sa pinulpog na bulawan. Gibohon nindong saro sanang pedaso an kandelero sagkod an mga dekorasyon na burak, kaiba an mga bukol saka an mga petalo. 32Bugtakan nindo nin anom na sanga, an mag-ibong na gilid kan kandelero, tolong sanga lambang gilid. 33An lambang sanga samnohan nindo nin tolong burak na arog sa mga bukad na burak nin almendras na may kaibang mga bukol asin mga petalo. 34An kahawakan kan kandelero samnohan man nindo nin apat na burak na arog sa mga bukad na burak nin almendras na may kaibang mga bukol saka mga petalo. 35Bugtakan nindo nin sarong bukol sa irarom kan lambang pades kan anom na sanga. 36An mga bukol, an mga sanga pati an kandelero gibohon nindo sa saro sanang pedaso nin pinulpog na bulawan. 37Gumibo man kamo nin pitong ilawan para sa kandelero dangan ibugtak nindo sa ibabaw tanganing magliwanag iyan pasiring sa atubangan. 38Gibohon nindo sa purong bulawan an pansipit sa mitsa asin an mga bandehado. 39Treynta y singko kilos nin purong bulawan an gamiton nindo sa paggibo kan kandelero sagkod kan gabos na kagamitan kaiyan. 40Kaipuhan sunodon nanggad nindo an plano na ipinahiling ko saimo sa bukid.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.