Baruc 3
3
1“O Kagurangnan na Makakamhan, Dios nin Israel, nag-aapod kami saimo hale sa irarom kan nasasakitan, napapagal nyamong mga kalag. 2Hinanyoga kami, O Kagurangnan, asin kaheraki, huli ta nagkasala kami saimo. 3Naghahade ka sa saimong trono sagkod lamang alagad nagagadan kami asin nawawara sagkod lamang. 4O Kagurangnan na Makakamhan, Dios nin Israel, hinanyoga an samong pamibi. Garo na man sana kami mga gadan. An samong mga ginikanan nagkasala saimo, an Kagurangnan na saindang Dios. Dai sinda nagkuyog saimo, asin tinitios mi an bunga kan saindang kasalan. 5Dai mo paggiromdomon an karatan na ginibo kaidto kan samong mga ginikanan, alagad sa panahon na arog kaini, giromdoma sana an saimong kapangyarihan saka dangog. 6Huli ta ika an Kagurangnan na samong Dios, asin oomawon mi ika. 7Ibinugtak mo sa samong mga puso an takot saimo tanganing mag-apod kami sa saimong ngaran. Sa samong pagkakatapokan, oomawon mi ika, huli ta tinalikodan mi na an mga kasalan kan samong mga ginikanan. 8Uya kami ngunyan sa pagkakatapokan sa tahaw kan mga nasyon na pinagwarakan mo samo. Pinag-oolog-olog ninda kami saka pinagmamaldisyon. Pinapadusahan mo kami huli kan mga kasalan kan samong mga ginikanan kan nagrebelde sinda saimo, an Kagurangnan na samong Dios.”
Inomaw an Kadonongan
9O Israel, paghinanyog sa mga katogonan nin buhay; paghinanyog, asin magigin madonong ka. 10Tadaw, Israel, ta yaon ka sa daga kan saimong mga kaiwal? Tadaw ta naggurang ka sa sarong dayuhan na daga? Maati ka arog kan gadan; 11ibinilang ka na sa mga gadan. Alagad tadaw? 12Huli ta binayaan mo an ginigikanan nin Kadonongan! 13Kun naglakaw ka kutana sa dalan nin Dios, namumuhay ka kutana sa katoninongan sagkod lamang. 14Adalan mo kun saen makukua an kadonongan, kosog saka pakasabot. Dangan maaaraman mo kun saen makukua an halawig na buhay, an liwanag na maggigiya saimo asin an katoninongan.
15May nakaisi na daw kun saen nag-eerok an Kadonongan, o nakalaog sa saiyang sarayan nin yaman? 16Haen na ngunyan an mga pamayo kan mga nasyon? Haen na an mga nangayam nin lalaw na mga hayop 17saka mga gamgam? Haen na an mga nagtipon nin plata asin bulawan na sinasarigan kan tawo, asin daing kasagkoran na naghanap kaiyan? 18Haen na an mga naghadit asin nagplano tanganing magkaigwa nin kwarta, alagad mayo man lamang nin binayaan na gira kan saindang ginibohan? 19Mayo na sinda gabos; nagduman na sinda sa kinaban kan mga gadan, asin may nag-abot nang iba tanganing ribayan sinda. 20Namundag an sarong bagong henerasyon asin nag-erok sa daga, alagad dai man ninda nanodan an dalan pasiring sa pakaaram. Dai ninda nakua an dalan pasiring sa Kadonongan ni naabot ninda siya. 21Nalagalag man an saindang mga aki. 22An Kadonongan dai nakua kan mga Cananeo. Dai iyan nahiling kan mga Edomita 23maski hinahanap ninda an pakaaram. An dalan pasiring sa Kadonongan dai nakua kan mga negosyante nin Merran saka Tema, ni kan mga paragibo nin istorya o kan ibang naghahanap nin pakasabot.
24O Israel, dakulang gayo an kinaban na pinag-eerokan nin Dios! Dakulang marahay an saiyang nasasadirihan. 25Mayo iyan nin kasagkoran; mayo nin paagi tanganing masukol an lakbang saka langkaw kaiyan. 26Kan enot na panahon namundag digdi an mga bantog na mga higante, an sarong mapangyaring rasa na eksperto sa gera. 27Alagad dai sinda pinili nin Dios nganing magin saiyang banwaan ni ipinahiling sainda an dalan nin pakaaram. 28Nagadan sinda gabos huli ta mayo sinda nin Kadonongan. Naubos sinda huli kan saindang kalolongan.
29Mayo pa lamang nin nagsakat sa langit tanganing kuahon an Kadonongan saka ibaba iyan hale sa mga panganoron. 30Mayo nin nag-ibong sa kadagatan tanganing hanapon an Kadonongan ni nakabakal saiya huli sa mahalagang bulawan. 31Mayo nin nakakaaram kan dalan pasiring saiya o nagmamakulog dapit kan dalan pasiring saiya.
32An nakakaaram sana kan Kadonongan iyo an Dios, asin naaaraman niya an gabos na bagay. Huli kan saiyang pakasabot nakua niya an Kadonongan. Minukna niya an daga para sa gabos na panahon dangan pinano niya kan gabos na klase nin mga hayop. 33Nagtakig an liwanag dangan nagkuyog kan siya mag-apod. Isinubol niya an liwanag asin nagluwas iyan. 34Inapod niya an mga bitoon, asin nagsimbag tolos sinda; nagduman sinda sa saindang mga lugar saka maogmang nagliwanag tanganing tawan nin kaogmahan an kaggibo sainda. 35Siya an satong Dios; mayo na nin arog saiya. 36Nakua niya an agihan pasiring sa pakasabot saka itinao niya an Kadonongan sa Israel na saiyang sorogoon, na saiyang namomotan. 37Magpoon kaidto, nagtunga sa daga an Kadonongan, dangan nagdanay sa kaibahan nyato.
Currently Selected:
Baruc 3: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Baruc 3
3
1“O Kagurangnan na Makakamhan, Dios nin Israel, nag-aapod kami saimo hale sa irarom kan nasasakitan, napapagal nyamong mga kalag. 2Hinanyoga kami, O Kagurangnan, asin kaheraki, huli ta nagkasala kami saimo. 3Naghahade ka sa saimong trono sagkod lamang alagad nagagadan kami asin nawawara sagkod lamang. 4O Kagurangnan na Makakamhan, Dios nin Israel, hinanyoga an samong pamibi. Garo na man sana kami mga gadan. An samong mga ginikanan nagkasala saimo, an Kagurangnan na saindang Dios. Dai sinda nagkuyog saimo, asin tinitios mi an bunga kan saindang kasalan. 5Dai mo paggiromdomon an karatan na ginibo kaidto kan samong mga ginikanan, alagad sa panahon na arog kaini, giromdoma sana an saimong kapangyarihan saka dangog. 6Huli ta ika an Kagurangnan na samong Dios, asin oomawon mi ika. 7Ibinugtak mo sa samong mga puso an takot saimo tanganing mag-apod kami sa saimong ngaran. Sa samong pagkakatapokan, oomawon mi ika, huli ta tinalikodan mi na an mga kasalan kan samong mga ginikanan. 8Uya kami ngunyan sa pagkakatapokan sa tahaw kan mga nasyon na pinagwarakan mo samo. Pinag-oolog-olog ninda kami saka pinagmamaldisyon. Pinapadusahan mo kami huli kan mga kasalan kan samong mga ginikanan kan nagrebelde sinda saimo, an Kagurangnan na samong Dios.”
Inomaw an Kadonongan
9O Israel, paghinanyog sa mga katogonan nin buhay; paghinanyog, asin magigin madonong ka. 10Tadaw, Israel, ta yaon ka sa daga kan saimong mga kaiwal? Tadaw ta naggurang ka sa sarong dayuhan na daga? Maati ka arog kan gadan; 11ibinilang ka na sa mga gadan. Alagad tadaw? 12Huli ta binayaan mo an ginigikanan nin Kadonongan! 13Kun naglakaw ka kutana sa dalan nin Dios, namumuhay ka kutana sa katoninongan sagkod lamang. 14Adalan mo kun saen makukua an kadonongan, kosog saka pakasabot. Dangan maaaraman mo kun saen makukua an halawig na buhay, an liwanag na maggigiya saimo asin an katoninongan.
15May nakaisi na daw kun saen nag-eerok an Kadonongan, o nakalaog sa saiyang sarayan nin yaman? 16Haen na ngunyan an mga pamayo kan mga nasyon? Haen na an mga nangayam nin lalaw na mga hayop 17saka mga gamgam? Haen na an mga nagtipon nin plata asin bulawan na sinasarigan kan tawo, asin daing kasagkoran na naghanap kaiyan? 18Haen na an mga naghadit asin nagplano tanganing magkaigwa nin kwarta, alagad mayo man lamang nin binayaan na gira kan saindang ginibohan? 19Mayo na sinda gabos; nagduman na sinda sa kinaban kan mga gadan, asin may nag-abot nang iba tanganing ribayan sinda. 20Namundag an sarong bagong henerasyon asin nag-erok sa daga, alagad dai man ninda nanodan an dalan pasiring sa pakaaram. Dai ninda nakua an dalan pasiring sa Kadonongan ni naabot ninda siya. 21Nalagalag man an saindang mga aki. 22An Kadonongan dai nakua kan mga Cananeo. Dai iyan nahiling kan mga Edomita 23maski hinahanap ninda an pakaaram. An dalan pasiring sa Kadonongan dai nakua kan mga negosyante nin Merran saka Tema, ni kan mga paragibo nin istorya o kan ibang naghahanap nin pakasabot.
24O Israel, dakulang gayo an kinaban na pinag-eerokan nin Dios! Dakulang marahay an saiyang nasasadirihan. 25Mayo iyan nin kasagkoran; mayo nin paagi tanganing masukol an lakbang saka langkaw kaiyan. 26Kan enot na panahon namundag digdi an mga bantog na mga higante, an sarong mapangyaring rasa na eksperto sa gera. 27Alagad dai sinda pinili nin Dios nganing magin saiyang banwaan ni ipinahiling sainda an dalan nin pakaaram. 28Nagadan sinda gabos huli ta mayo sinda nin Kadonongan. Naubos sinda huli kan saindang kalolongan.
29Mayo pa lamang nin nagsakat sa langit tanganing kuahon an Kadonongan saka ibaba iyan hale sa mga panganoron. 30Mayo nin nag-ibong sa kadagatan tanganing hanapon an Kadonongan ni nakabakal saiya huli sa mahalagang bulawan. 31Mayo nin nakakaaram kan dalan pasiring saiya o nagmamakulog dapit kan dalan pasiring saiya.
32An nakakaaram sana kan Kadonongan iyo an Dios, asin naaaraman niya an gabos na bagay. Huli kan saiyang pakasabot nakua niya an Kadonongan. Minukna niya an daga para sa gabos na panahon dangan pinano niya kan gabos na klase nin mga hayop. 33Nagtakig an liwanag dangan nagkuyog kan siya mag-apod. Isinubol niya an liwanag asin nagluwas iyan. 34Inapod niya an mga bitoon, asin nagsimbag tolos sinda; nagduman sinda sa saindang mga lugar saka maogmang nagliwanag tanganing tawan nin kaogmahan an kaggibo sainda. 35Siya an satong Dios; mayo na nin arog saiya. 36Nakua niya an agihan pasiring sa pakasabot saka itinao niya an Kadonongan sa Israel na saiyang sorogoon, na saiyang namomotan. 37Magpoon kaidto, nagtunga sa daga an Kadonongan, dangan nagdanay sa kaibahan nyato.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.