Baruc 2
2
1“Kaya ginibo nin Kagurangnan an ipinapatakot niya samo, sa samong mga hukom, sa samong mga hade, sa samong mga pamayo, sagkod sa mga taga Israel asin Juda. 2Sa irarom nin langit mayo pa nin siring na nangyari arog kan nangyari sa Jerusalem kan gibohon nin Kagurangnan an saiyang ipinapatakot na nasusurat sa katogonan ni Moises. 3Huli sa grabing gutom, samong kinakan maski an laman kan sadiri ming mga aking lalaki saka babae. 4Iwinarak kami nin Kagurangnan asin ipinairarom sa kapangyarihan kan mga nasyon na nakapalibot samo tanganing kami magin ngingisihan saka katatakotan. 5Nagkasala kami sa Kagurangnan na samong Dios asin nagsayuma kaming kuyogon siya. Kaya embes na manggana, nadaog an samong nasyon.
6“An Kagurangnan na samong Dios danay na matanos, alagad nagagabatan pa kami saka an samong mga ginikanan kan samong kasalan. 7Nag-abot samo an gabos na kasakitan na ipinatakot samo nin Kagurangnan. 8Alagad dai man giraray kami nagdolok saiya; dai kami namibi na babayaan na nyamo an mga maraot ming iniisip. 9-10Dai kami nagkuyog saiya ni namuhay sosog sa matanos niyang mga pagboot, kaya dinara samo nin Kagurangnan an gabos na padusang inandam niya para samo.
An Pamibi para Iligtas
11“Ika, O Kagurangnan, iyo an Dios nin Israel na nagluwas kan saimong banwaan hale sa Egipto sa paagi kan dakulang kapangyarihan saka mga tanda, mga milagro, asin mga ngangalasan. Ipinahiling mo an mapangyari mong kosog asin nagkamit ka nin mamuraway na dangog, na midbid sagkod ngunyan. 12O Kagurangnan na samong Dios, nagkasala kami; dai kami nagin maimbod saimo; linapas mi an gabos mong pagboot. 13Alagad dai ka na maanggot samo huli ta kadikit na sana kaming natatada digdi sa mga nasyon na pinagwarakan mo samo. 14Hinanyoga an samong pamibi nin pakimaherak, Kagurangnan, asin iligtas mo kami huli na lamang kan sadiri mong onra. Itugot mong mawilihan kami kan mga tawong nagbihag samo. 15Dangan maaaraman kan bilog na kinaban na ika an Kagurangnan na samong Dios asin na pinili mo an nasyon nin Israel tanganing magin sadiri mong banwaan.
16“O Kagurangnan, dumungaw ka hale sa langit saka hilinga an samong kasakitan. Hinanyoga an samong pamibi. 17Ibuklat mo an saimong mga mata asin hilinga kami. An mga yaon sa kinaban kan mga gadan na mayo na nin hinangos na natada sa saindang mga hawak dai makakadolot nin mga pag-omaw saimo ni makakapahayag na matanos ka. 18An mga buhay sana, O Kagurangnan, an pwedeng magdolot saimo nin pag-omaw asin makakamidbid kan saimong hustisya maski nasasakitan na sinda nin marahay, buktot na saka maluya, nagugutom asin nahaharap.
19“O Kagurangnan na samong Dios, namimibi kami para sa saimong pagkaherak, alagad bakong huli sa ano man na karahayan na ginibo kan samong mga ginikanan saka mga hade. 20Ipinadara mo samo an saimong kaanggotan asin kabangisan siring kan ipinahayag mo sa paagi kan saimong mga propeta na saimong mga sorogoon. An sabi ninda, 21‘Magduko kamo saka maglingkod sa hade nin Babilonia asin papagdanayon ko kamo sa daga na itinao ko sa saindong mga ginikanan. 22Alagad kun dai kamo magsunod sa pagboot ko na maglingkod kamo saiya, 23paoontokon ko an lambang tingog nin kaogmahan saka selebrasyon sa mga banwa nin Juda asin sa Jerusalem. Dai na madadangog maski an maogmang tingog sa mga bangkete kan mga bagong kasal. An bilog na daga magigin mapungaw saka dai na pag-eerokan.’
24“Alagad dai kami nagkuyog kan saimong pagboot na maglingkod sa hade nin Babilonia, kaya tinotoo mo an ipinatakot mong gigibohon kan magtaram ka sa paagi kan mga propeta na saimong mga sorogoon, na an mga tolang kan samong mga hade asin mga ginikanan kukuahon sa saindang mga lulubngan saka iwawarak. 25Kaya ngunyan an mga tolang ninda nahahayag sa init kan aldaw saka sa lipot kan banggi. Nagkagaradan sinda sa kasakitan na dara kan gutom, gera, asin helang. 26Huli sa kasalan kan mga taga Israel saka Juda, pinabayaan mong maraot an sadiri mong Templo, asin nagdanay ining raot sagkod ngunyan.
27“Alagad, Kagurangnan na samong Dios, tinios mo kami asin naherakan, 28siring kan ipinanuga mo ki Moises na saimong sorogoon kan aldaw na pinagbotan mo siya na isurat niya an saimong Katogonan sa atubangan kan mga Israelita. 29‘Kun dai nindo ako kukuyogon,’ an sabi mo, ‘magigin dikit kamo sa tahaw kan mga nasyon na pagwawarakan ko saindo. 30Aram ko na dai nindo ako kukuyogon, huli ta banwaan kamong matagas an payo. Alagad sa daga na pagdadarahan saindo bilang mga itinapok, makakapaghorophorop kamo. 31Dangan mamimidbidan nindo na ako an Kagurangnan na saindong Dios. Tatawan ko kamo nin pagmawot na makaaram saka isip tanganing makasabot kamo. 32Duman sa daga na pagtatapokan saindo, oomawon nindo ako saka gigiromdomon an sakong ngaran. 33Oontokon na nindo an pagigin matagas an payo asin an paggibo nin maraot, huli ta magigiromdoman nindo an nangyari sa saindong mga ginikanan kan nagkasala sinda. 34Dangan ibabalik ko kamo sa daga na ipinanuga ko sa saindong mga ginikanan, ki Abraham, ki Isaac, saka ki Jacob. Mapapasaindo giraray an dagang idto. Papadakulon ko kamo asin dai na nanggad kamo magigin dikit sa bilang. 35Magibo ako nin mayong tapos na tipan saindo; ako an magigin Dios nindo asin kamo an sakong magigin banwaan. Dai ko na nanggad kamo hahaleon sa daga na itinao ko saindo.’
Currently Selected:
Baruc 2: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Baruc 2
2
1“Kaya ginibo nin Kagurangnan an ipinapatakot niya samo, sa samong mga hukom, sa samong mga hade, sa samong mga pamayo, sagkod sa mga taga Israel asin Juda. 2Sa irarom nin langit mayo pa nin siring na nangyari arog kan nangyari sa Jerusalem kan gibohon nin Kagurangnan an saiyang ipinapatakot na nasusurat sa katogonan ni Moises. 3Huli sa grabing gutom, samong kinakan maski an laman kan sadiri ming mga aking lalaki saka babae. 4Iwinarak kami nin Kagurangnan asin ipinairarom sa kapangyarihan kan mga nasyon na nakapalibot samo tanganing kami magin ngingisihan saka katatakotan. 5Nagkasala kami sa Kagurangnan na samong Dios asin nagsayuma kaming kuyogon siya. Kaya embes na manggana, nadaog an samong nasyon.
6“An Kagurangnan na samong Dios danay na matanos, alagad nagagabatan pa kami saka an samong mga ginikanan kan samong kasalan. 7Nag-abot samo an gabos na kasakitan na ipinatakot samo nin Kagurangnan. 8Alagad dai man giraray kami nagdolok saiya; dai kami namibi na babayaan na nyamo an mga maraot ming iniisip. 9-10Dai kami nagkuyog saiya ni namuhay sosog sa matanos niyang mga pagboot, kaya dinara samo nin Kagurangnan an gabos na padusang inandam niya para samo.
An Pamibi para Iligtas
11“Ika, O Kagurangnan, iyo an Dios nin Israel na nagluwas kan saimong banwaan hale sa Egipto sa paagi kan dakulang kapangyarihan saka mga tanda, mga milagro, asin mga ngangalasan. Ipinahiling mo an mapangyari mong kosog asin nagkamit ka nin mamuraway na dangog, na midbid sagkod ngunyan. 12O Kagurangnan na samong Dios, nagkasala kami; dai kami nagin maimbod saimo; linapas mi an gabos mong pagboot. 13Alagad dai ka na maanggot samo huli ta kadikit na sana kaming natatada digdi sa mga nasyon na pinagwarakan mo samo. 14Hinanyoga an samong pamibi nin pakimaherak, Kagurangnan, asin iligtas mo kami huli na lamang kan sadiri mong onra. Itugot mong mawilihan kami kan mga tawong nagbihag samo. 15Dangan maaaraman kan bilog na kinaban na ika an Kagurangnan na samong Dios asin na pinili mo an nasyon nin Israel tanganing magin sadiri mong banwaan.
16“O Kagurangnan, dumungaw ka hale sa langit saka hilinga an samong kasakitan. Hinanyoga an samong pamibi. 17Ibuklat mo an saimong mga mata asin hilinga kami. An mga yaon sa kinaban kan mga gadan na mayo na nin hinangos na natada sa saindang mga hawak dai makakadolot nin mga pag-omaw saimo ni makakapahayag na matanos ka. 18An mga buhay sana, O Kagurangnan, an pwedeng magdolot saimo nin pag-omaw asin makakamidbid kan saimong hustisya maski nasasakitan na sinda nin marahay, buktot na saka maluya, nagugutom asin nahaharap.
19“O Kagurangnan na samong Dios, namimibi kami para sa saimong pagkaherak, alagad bakong huli sa ano man na karahayan na ginibo kan samong mga ginikanan saka mga hade. 20Ipinadara mo samo an saimong kaanggotan asin kabangisan siring kan ipinahayag mo sa paagi kan saimong mga propeta na saimong mga sorogoon. An sabi ninda, 21‘Magduko kamo saka maglingkod sa hade nin Babilonia asin papagdanayon ko kamo sa daga na itinao ko sa saindong mga ginikanan. 22Alagad kun dai kamo magsunod sa pagboot ko na maglingkod kamo saiya, 23paoontokon ko an lambang tingog nin kaogmahan saka selebrasyon sa mga banwa nin Juda asin sa Jerusalem. Dai na madadangog maski an maogmang tingog sa mga bangkete kan mga bagong kasal. An bilog na daga magigin mapungaw saka dai na pag-eerokan.’
24“Alagad dai kami nagkuyog kan saimong pagboot na maglingkod sa hade nin Babilonia, kaya tinotoo mo an ipinatakot mong gigibohon kan magtaram ka sa paagi kan mga propeta na saimong mga sorogoon, na an mga tolang kan samong mga hade asin mga ginikanan kukuahon sa saindang mga lulubngan saka iwawarak. 25Kaya ngunyan an mga tolang ninda nahahayag sa init kan aldaw saka sa lipot kan banggi. Nagkagaradan sinda sa kasakitan na dara kan gutom, gera, asin helang. 26Huli sa kasalan kan mga taga Israel saka Juda, pinabayaan mong maraot an sadiri mong Templo, asin nagdanay ining raot sagkod ngunyan.
27“Alagad, Kagurangnan na samong Dios, tinios mo kami asin naherakan, 28siring kan ipinanuga mo ki Moises na saimong sorogoon kan aldaw na pinagbotan mo siya na isurat niya an saimong Katogonan sa atubangan kan mga Israelita. 29‘Kun dai nindo ako kukuyogon,’ an sabi mo, ‘magigin dikit kamo sa tahaw kan mga nasyon na pagwawarakan ko saindo. 30Aram ko na dai nindo ako kukuyogon, huli ta banwaan kamong matagas an payo. Alagad sa daga na pagdadarahan saindo bilang mga itinapok, makakapaghorophorop kamo. 31Dangan mamimidbidan nindo na ako an Kagurangnan na saindong Dios. Tatawan ko kamo nin pagmawot na makaaram saka isip tanganing makasabot kamo. 32Duman sa daga na pagtatapokan saindo, oomawon nindo ako saka gigiromdomon an sakong ngaran. 33Oontokon na nindo an pagigin matagas an payo asin an paggibo nin maraot, huli ta magigiromdoman nindo an nangyari sa saindong mga ginikanan kan nagkasala sinda. 34Dangan ibabalik ko kamo sa daga na ipinanuga ko sa saindong mga ginikanan, ki Abraham, ki Isaac, saka ki Jacob. Mapapasaindo giraray an dagang idto. Papadakulon ko kamo asin dai na nanggad kamo magigin dikit sa bilang. 35Magibo ako nin mayong tapos na tipan saindo; ako an magigin Dios nindo asin kamo an sakong magigin banwaan. Dai ko na nanggad kamo hahaleon sa daga na itinao ko saindo.’
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.