Baruc 4
4
1An Kadonongan iyo an libro nin mga pagboot nin Dios, an Katogonan na magdadanay sagkod lamang. An mamugol saiya mabubuhay, alagad an magbaya saiya magagadan. 2Dolok kamo sa Kadonongan, banwaan nin Israel, saka mamugol kamo saiya. Lakaw kamo pasiring sa saiyang magayon na liwanag. 3Dai nindo ipagtao sa mga dayuhan an saindong mamuraway na mga deretso. 4Maogma kita, banwaan nin Israel, huli ta aram nyato kun ano an nawiwilihan nin Dios.
Ranga para sa Jerusalem
5Magmaisog kamo, banwaan ko, kamo an dahelan kun tadaw ta buhay pa an Israel. 6Ipinabakal kamo sa paganong mga nasyon alagad bako tanganing tunawon. Itinao kamo sa saindong mga kaiwal huli ta pinaanggot nindo an Dios. 7Kan magdolot kamo nin mga sakripisyo sa mga demonyo embes na sa Dios, pinaanggot nindo an naglalang saindo. 8Liningawan nindo an Dios na Mayo nin Kasagkoran, na nag-ataman saindo bilang aki, asin dinarahan nindo nin kamondoan an Jerusalem, na nagin arog sa sarong ina sa saindo. 9Nahiling kan Jerusalem na pinapadusahan kamo nin Dios huli ta anggot siya, asin nagsabi an Jerusalem, “Paghinanyog, kamong mga kataraed ko. Dinarahan ako nin Dios nin dakulang kamondoan. 10Nahiling ko an pagbihag sa sakong mga aking lalaki saka mga aking babae, sarong pagkabihag na dara sainda kan Dios na Mayo nin Kasagkoran. 11Pinadakula ko an sakong mga aki sa kaogmahan, alagad nagtangis ako saka nagmondo kan kuahon sinda sako. 12Dai logod ipag-ogma nin siisay man an sakong kasakitan ngunyan na saro na akong balo asin dakul kan mga aki ko an kinua sako. Tinalikodan ninda an Togon nin Dios, asin ako nagin sarong mamondong syudad huli kan saindang mga kasalan. 13Mayo sinda nin paggalang sa mga pagboot nin Dios saka habo nindang mamuhay sosog sa mga iyan. Nagsayuma sinda na pangenotan niya sinda sa dalan nin katanosan.
14“Kamo gabos na kataraed na syudad, madya kamo saka horophoropa nindo kun paano ipinatapok kan Dios na Mayo nin Kasagkoran an sakong mga kaakian. 15Ipinadara niya sinda sa sarong harayong nasyon, sarong nasyon na mayo nin sopog asin laen an lengwahe, mayo nin paggalang sa mga gurang asin dai tataong maherak sa mga aki. 16Binihag ninda an namomotan kong mga aking lalaki saka inagaw ninda an sakong mga aking babae. Kaya ako na sarong balo, nawalat na napupungaw asin nagsosolo.
17“Mga aki kong itinapok, mayo ako nin ikakatabang saindo. 18An nagdara kan padusang ini saindo iyo sana an makakaligtas saindo sa kamot kan mga kaiwal nindo. 19Lakaw na kamo, mga aki ko, lakaw na. Nagsosolo na sana ako. 20Hinuba ko na an gubing nin katoninongan dangan isinulot ko an gubing nin kamondoan. Maghahagad ako nin tabang sa Dios na Mayo nin Kasagkoran mantang ako nabubuhay.
21“Mga aki ko, magmaisog kamo saka maghagad nin tabang sa Dios. Ililigtas niya kamo sa pagkaapi, sa kapangyarihan kan saindong mga kaiwal. 22Naniniwala ako na dai mahahaloy tatalingkasan kamo nin Dios na Mayo nin Kasagkoran. Papaogmahon ako kan An Banal, na iyo an saindong Paraligtas na Mayo nin Kasagkoran kun kaherakan na niya kamo. 23Naghibi ako saka naghaya kan bihagon kamo, alagad ibabalik kamo nin Dios dangan papaogmahon niya ako sagkod lamang. 24Nahiling kan mga kataraed kong syudad an pagkabihag nindo, alagad dai na mahahaloy mahihiling ninda na nagdadangadang an Dios na Mayo nin Kasagkoran na pano nin kamurawayan tanganing iligtas kamo. 25Mga aki ko, tagalan saka tioson nindo an padusa nin Dios. Pinasakitan kamo kan saindong mga kaiwal, alagad dai mahahaloy mahihiling nindo an saindang pagkarumpag asin kamo na an mapasakit sainda. 26Mga aki ko, pinadangat ko kamo, alagad naglakaw kamo sa dalan na lubak-lubak; arog kamo sa mga karnero na sinamsam kan nagsalakay na kaiwal.
27“Magmaisog kamo, mga aki ko, saka maghagad nin tabang sa Dios. Pinadusahan niya kamo, alagad dai niya kamo lilingawan. 28Desidido kamo kaidto na magharayo sa Dios, ngunyan magbalik kamo saiya dangan makasampolong beses na magdesidir kamo sa paglingkod saiya. 29Huli ta an nagdara saindo kan mga kasakitan na ini iyo man an maligtas asin matao saindo nin kaogmahan na mayo nin kataposan.”
Pinanugaan nin Tabang an Jerusalem
30Magmaisog ka, O Jerusalem. An Dios, na nagtao saimo nin ngaran iyo an magdadara saimo nin karangahan. 31An kasakitan maabot sa mga nagpasakit saimo dangan nag-ogma kan buminagsak ka. 32An kasakitan maabot sa mga syudad na nag-oripon sa saimong mga aki. An kasakitan iyo an magigin palad kan Babilon, an syudad na naghalon kan saimong mga aking lalaki. 33Nag-ogma an syudad na iyan kan buminagsak ka asin naggayagaya sa saimong pagkarumpag, kaya magmomondo siya ngunyan kun siya mismo bayaan na. 34An saiyang mapalangkaw na paghahambog gigibohon kong pagmomondo asin aagawon ko an dakul niyang namamanwaan na saiyang ipinaghahambog. 35Ako, an Dios na Mayo nin Kasagkoran, an mapadara saiya nin kalayo, na maglalaad sa dakul na aldaw. An rumpag niyang mga edipisyo pag-eerokan kan mga demonyo sa laog nin halawig na panahon.
36Jerusalem, maghiling ka sa sirangan asin hilinga an kaogmahan na nagdadangadang saimo hale sa Dios. 37Hilinga, nagdadangadang na an saimong mga aki, an mga aki na inagaw saimo. Nagtiripon sinda hale sa sirangan saka sa solnopan sa pagboot kan Banal na Dios. Papuli na sinda ngunyan, asin nag-oogma sa kamurawayan nin Dios.
Currently Selected:
Baruc 4: MBBBIK92
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.
Baruc 4
4
1An Kadonongan iyo an libro nin mga pagboot nin Dios, an Katogonan na magdadanay sagkod lamang. An mamugol saiya mabubuhay, alagad an magbaya saiya magagadan. 2Dolok kamo sa Kadonongan, banwaan nin Israel, saka mamugol kamo saiya. Lakaw kamo pasiring sa saiyang magayon na liwanag. 3Dai nindo ipagtao sa mga dayuhan an saindong mamuraway na mga deretso. 4Maogma kita, banwaan nin Israel, huli ta aram nyato kun ano an nawiwilihan nin Dios.
Ranga para sa Jerusalem
5Magmaisog kamo, banwaan ko, kamo an dahelan kun tadaw ta buhay pa an Israel. 6Ipinabakal kamo sa paganong mga nasyon alagad bako tanganing tunawon. Itinao kamo sa saindong mga kaiwal huli ta pinaanggot nindo an Dios. 7Kan magdolot kamo nin mga sakripisyo sa mga demonyo embes na sa Dios, pinaanggot nindo an naglalang saindo. 8Liningawan nindo an Dios na Mayo nin Kasagkoran, na nag-ataman saindo bilang aki, asin dinarahan nindo nin kamondoan an Jerusalem, na nagin arog sa sarong ina sa saindo. 9Nahiling kan Jerusalem na pinapadusahan kamo nin Dios huli ta anggot siya, asin nagsabi an Jerusalem, “Paghinanyog, kamong mga kataraed ko. Dinarahan ako nin Dios nin dakulang kamondoan. 10Nahiling ko an pagbihag sa sakong mga aking lalaki saka mga aking babae, sarong pagkabihag na dara sainda kan Dios na Mayo nin Kasagkoran. 11Pinadakula ko an sakong mga aki sa kaogmahan, alagad nagtangis ako saka nagmondo kan kuahon sinda sako. 12Dai logod ipag-ogma nin siisay man an sakong kasakitan ngunyan na saro na akong balo asin dakul kan mga aki ko an kinua sako. Tinalikodan ninda an Togon nin Dios, asin ako nagin sarong mamondong syudad huli kan saindang mga kasalan. 13Mayo sinda nin paggalang sa mga pagboot nin Dios saka habo nindang mamuhay sosog sa mga iyan. Nagsayuma sinda na pangenotan niya sinda sa dalan nin katanosan.
14“Kamo gabos na kataraed na syudad, madya kamo saka horophoropa nindo kun paano ipinatapok kan Dios na Mayo nin Kasagkoran an sakong mga kaakian. 15Ipinadara niya sinda sa sarong harayong nasyon, sarong nasyon na mayo nin sopog asin laen an lengwahe, mayo nin paggalang sa mga gurang asin dai tataong maherak sa mga aki. 16Binihag ninda an namomotan kong mga aking lalaki saka inagaw ninda an sakong mga aking babae. Kaya ako na sarong balo, nawalat na napupungaw asin nagsosolo.
17“Mga aki kong itinapok, mayo ako nin ikakatabang saindo. 18An nagdara kan padusang ini saindo iyo sana an makakaligtas saindo sa kamot kan mga kaiwal nindo. 19Lakaw na kamo, mga aki ko, lakaw na. Nagsosolo na sana ako. 20Hinuba ko na an gubing nin katoninongan dangan isinulot ko an gubing nin kamondoan. Maghahagad ako nin tabang sa Dios na Mayo nin Kasagkoran mantang ako nabubuhay.
21“Mga aki ko, magmaisog kamo saka maghagad nin tabang sa Dios. Ililigtas niya kamo sa pagkaapi, sa kapangyarihan kan saindong mga kaiwal. 22Naniniwala ako na dai mahahaloy tatalingkasan kamo nin Dios na Mayo nin Kasagkoran. Papaogmahon ako kan An Banal, na iyo an saindong Paraligtas na Mayo nin Kasagkoran kun kaherakan na niya kamo. 23Naghibi ako saka naghaya kan bihagon kamo, alagad ibabalik kamo nin Dios dangan papaogmahon niya ako sagkod lamang. 24Nahiling kan mga kataraed kong syudad an pagkabihag nindo, alagad dai na mahahaloy mahihiling ninda na nagdadangadang an Dios na Mayo nin Kasagkoran na pano nin kamurawayan tanganing iligtas kamo. 25Mga aki ko, tagalan saka tioson nindo an padusa nin Dios. Pinasakitan kamo kan saindong mga kaiwal, alagad dai mahahaloy mahihiling nindo an saindang pagkarumpag asin kamo na an mapasakit sainda. 26Mga aki ko, pinadangat ko kamo, alagad naglakaw kamo sa dalan na lubak-lubak; arog kamo sa mga karnero na sinamsam kan nagsalakay na kaiwal.
27“Magmaisog kamo, mga aki ko, saka maghagad nin tabang sa Dios. Pinadusahan niya kamo, alagad dai niya kamo lilingawan. 28Desidido kamo kaidto na magharayo sa Dios, ngunyan magbalik kamo saiya dangan makasampolong beses na magdesidir kamo sa paglingkod saiya. 29Huli ta an nagdara saindo kan mga kasakitan na ini iyo man an maligtas asin matao saindo nin kaogmahan na mayo nin kataposan.”
Pinanugaan nin Tabang an Jerusalem
30Magmaisog ka, O Jerusalem. An Dios, na nagtao saimo nin ngaran iyo an magdadara saimo nin karangahan. 31An kasakitan maabot sa mga nagpasakit saimo dangan nag-ogma kan buminagsak ka. 32An kasakitan maabot sa mga syudad na nag-oripon sa saimong mga aki. An kasakitan iyo an magigin palad kan Babilon, an syudad na naghalon kan saimong mga aking lalaki. 33Nag-ogma an syudad na iyan kan buminagsak ka asin naggayagaya sa saimong pagkarumpag, kaya magmomondo siya ngunyan kun siya mismo bayaan na. 34An saiyang mapalangkaw na paghahambog gigibohon kong pagmomondo asin aagawon ko an dakul niyang namamanwaan na saiyang ipinaghahambog. 35Ako, an Dios na Mayo nin Kasagkoran, an mapadara saiya nin kalayo, na maglalaad sa dakul na aldaw. An rumpag niyang mga edipisyo pag-eerokan kan mga demonyo sa laog nin halawig na panahon.
36Jerusalem, maghiling ka sa sirangan asin hilinga an kaogmahan na nagdadangadang saimo hale sa Dios. 37Hilinga, nagdadangadang na an saimong mga aki, an mga aki na inagaw saimo. Nagtiripon sinda hale sa sirangan saka sa solnopan sa pagboot kan Banal na Dios. Papuli na sinda ngunyan, asin nag-oogma sa kamurawayan nin Dios.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Marahay na Bareta Biblia © Philippine Bible Society, 1992.