Ane rom, echî ACHÎ ACHOT MMA Á RÎ KA NWET MBÂ ANE ROM
ACHÎ ACHOT MMA Á RÎ KA NWET MBÂ ANE ROM
Pol a séŋe nwet eye a tûm ane Rom ka eyimím ábho á tʉ́ri biji ejen nji yê a kí ji mbâ ábho. Pol a timî a kumí na atem-abhon-í-nnyen ka mkpât ebhú, a yim mô etûm, tîk ábho á kâk yê obhô a jak nnyi Speyin. A séŋe yê a yim ábho á mə́ŋe ekpak íkíkéré ifê é kpê na nchot i ḿbə́ŋé ekíím na ekpak ekpin nji atem-abhon-í-nnyen mba sê á ki ḿbə́ŋé, á kí fon. Nwet nnyí nâ a fonê nchot i Pol nnyi a chorê ta a jéghe é kpê na otîp mbi yê á sərá ane.
Nji a kúbhi ane echəme atóbhá Jisos ka Rom, a sə́re fə́ne ábho ekpak nji yê a ri ágo a gorá Obhasi ka echî ábho. A bhâ sêŋ mân echî nwet eye. Echî nchane é rî sê, “Otîp mbí ó toŋe ekpak Obhasi á kok ekpin í nne se é rî ka nnyen-i-mbá. A ri ka ḿbə́ŋé nnyi nne a kíi ka eróghá-ndə́p ta o sî ntə̂m.”
Pol a sêŋ mân achot á tî ka echî njí. Chénchén ane, ane Jus na ajéné Jus, á rî á yîm Obhasi a kó ekpin ábho se é rî ka nnyen-i-mbá. Echî aŋ? Chénchén ane, nyigha-esáŋ cháŋ, a ri ka óséré ikom obhí. Obhasi a kí ko ekpin í nne se é rî ka nnyen-i-mbá ka ḿbə́ŋé nnyi nne a kî na Jisos Krayis. Pol a bhâ sêŋ se etaŋám nji ane Jus á táŋe Jisos é jéne ka ekpak nji Obhasi a gaê a kî. Kən a kâm ka etʉri se ebhú tîk é sî nji ane Jus á ro kpó taŋé Jisos Krayis.
Ka ntə́ma-ndə́p i nchot, Pol a sêŋ a sə́re ekpak ekpin nji ntem-mmon-i-nnyen a ri a fon, títí nchot okot efonóm na ntem-nne. A sêŋ a kpê na nchot etûm Obhasi eyimím, na nchot i ḿbə́ŋé jáé efonóm. A jéghe nwet eye na otîp obhê yê mfoné na ejík mbâ Obhasi.
Nji é rî ka etím í Nwet mbâ Ane Rom
1. Eróghá-ndə́p i nwet na echî ejê 1.1-17
2. Nne a fonê ka esémém ka obhí 1.18—3.20
3. Ekpak nji Obhasi a wóme nne a kó a sém 3.21—4.25
4. Ekpin efê na Jisos Krayis 5.1—8.39
5. Isrel nâ a ri ekpak nji Obhasi a gaê a kî 9.1—11.36
6. Ekpak ekpin nji atem-abhon-í-nnyen á fóne ka efiím 12.1—15.13
7. Ejeghé nchot na ekûp í Pol 15.14—16.27
Currently Selected:
Ane rom, echî ACHÎ ACHOT MMA Á RÎ KA NWET MBÂ ANE ROM: ETUNT
Highlight
Share
Compare
Copy
Want to have your highlights saved across all your devices? Sign up or sign in
Ejagham New Testament © Bible Society of Nigeria and Bible Society of Cameroon, 1996.