Baloma 16
16
Kwaanzhanya
1Inzho ndazanda kumulumba mukaintu munyokwesu mu lushomo Febi, ushimilimo wambungano yaku Cenkiliya. 2Amukamutambule u matashi obile mu Mwami, umbona mbuli mbuceelele ku banamusalazhi. Amumuyohwe ku makani a shintu shoonse nshaazanda kwenu, nkaambo aze mwini kali muyohwi mubotu wa bantu banji banji ukwangu ume ndimwini.
3 #
Inc 18:2
Amumpele mooni ba Pulisika, u wezo Akwila, basebezhima mwa Kilisito Jeso. 4Bakaakulibambile kuyaiwa ukaambo kangu. Ubobo ndabalumba, nikuba ati nshili ume ice nana iinumba, pele ubambungano yoonse ya bantu bakunze. 5Mubaanzhe bantu bakombela muŋanda yabo.
Mumwaanzhe Epenetasi mufwunwa wangu, ngumutaanzhi waku Ezha wakasanduka kwa Kilisito. 6Mumwaanzhe Maliya, wezo wakamusebezela cini cini cakulipa. 7Amumwaanzhe Andulonika u Juniasi, bashiluhuboma, twakaakuli baanje antoomwi muntolongo. Kabazhibilwe cini cini akati kabatumwa antoomwi ame, ulimwi mbubataanzhi kuba ba Kilisito, ume ncitana kusanduka pe.
8Mumwaanzhe Amfiliatasi nakufwunwa mu Mwami. 9Mwaanzhe u Abanasi shimilimoma mwa Kilisito, u Sitaku ngunzandisha. 10Ndamwaanzha Apele muna Kilisito mubizu. Mubaanzhe babo boonse bamukowa waka Alisitobulasi. 11Ndamwaanzha shicishima Helodiyoni. Amubaanzhe mu Mwami babo boonse ba mukwashi waka Nasisasi.
12Ndamwaanzha Tulufena u Tulufosa, bashimilimo babo mu Mwami. 13#Mk 15:21Mumwaanzhe Lufo wakasalwa u Mwami, ulimwi amumwaanzhe baina, nkaambo ngu baama ame. 14Amubaanzhe babo ba Asinkilitasi, u Fulegoni, u Hemesi, u Patulobasi, u Hemasi, u bakwesu boonse mbucilyaabo. 15Amubaanzhe babo ba Filologasi, u Julia, u Neleyasi u munina mukaintu, u Olimpasi u banamusalazhi boonse mbubashite abo.
16Amwaanzhanye calufwuno. Imbungano shoonse sha Kilisito, shamwaanzha.
Malailile a Mamanino
17Inzho ndamukumbila, nubakwesu, amubacenjelele babo ubaandaanya beenzhinokwabo u kupa kwaamba bacite milandu. Mukucita bobo, balashiya injiisho nshibakaiya. Ubobo amubatantamuke. 18Nkaambo bantu bali bobo tabasebezeli Kilisito Mwami wesu pe. Pele balasebezela nshibazanda beni. U mazwi mabotu a bumpelenje balacenga ubatana kushima mu lushomo. 19Nkaambo bantu boonse baliiteelele impuwo yenu yakuteelela Leza. Ubobo ndabotelwa ukaambo kenu, nikuba ati ndazanda mube basongo mu shintu shibotu ulimwi mutenjili ku shibi pe. 20Ubobo Leza uupa luumuno ulakazonauna Shaatani kunshi kumatende enu.
Mwami wesu Jeso Kilisito, amufwile luse.
21 #
Inc 16:1
Ulamwaanzha Timoti shimilimoma, abo ba Lusiyasi, u Jasoni, u Sosipatali, bashicishima mu mushobo wangu.
22Ume ndi Tetiyasi, ndamwaanzha mu Mwami, ndime mulembi wa luŋwalu lolu.
23 #
Inc 19:29; 1 Bako 1:14;
2 Tim 4:20
Ulamwaanzha Gayo, inguwe ngushimeenzu wangu, ushimeenzu wambungano yoonse. Elasitasi, shikuzobola mali amu munzhi, ulamwaanzha, u Kwatosi mukwesu, aze ulamwaanzha. 24#16:24 Amwi mabuka ayina kapango kaka Mwami Jeso Kilisito amufwile luse noonse. Ameni.
Kukomba kwa Mamanino
25Inzho Leza shinsana shoonse, ulakumuzumya zumya kwiitila mu Makani Mabotu ngunkambauka aamba sha Jeso Kilisito. Makani aza kaali maseseke kwa myaka minji minji, 26pele inzho shakalembwa u bashinshimi shazubululwa, ubobo mbuli mbwaakalailila Leza wiina mamanino, shazubululwa ku bantu bamishobo yoonse kwaamba ati bashome u kuteelela.
27Leza ice shibusongo, naalemekwe kwiita mwa Jeso Kilisito ciindi coonse. Ameni.
Currently Selected:
Baloma 16: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.