Baloma 15
15
Amubotezhe Bamwi Ukutali umwe Nubeni
1Inzho uswe intwakashima mu lushomo tulyeelele kubweza mukuli wa balengushi. Tutalibosha mulwesu tubeni pe. 2Ubobo nkukuti uumwi umwi wesu ulyeelele kuleta kubotelwa ku mweenzhiina mukumuyohwa ati lushomo lwakwe lushime. 3#Inte 69:9Nkaambo Kilisito wiina naakalibotezha mwini. Pele mbuli mbukulembelwe ati, “Masampu a babo bakaakukusampaula, eza kwangu ame.” 4Nkaambo shoonse mu Malembe, shakalembwa kwaamba shituyiishe. Malembe alatuyiisha kuba bashicamba kwaamba ati tube ubulangizhi bwini bwini. 5Inzho Leza wabushicamba ukuzumya zumya amupe lukamantano kuli uumwi umwi numucilila mukozhano waka Kilisito Jeso. 6Ubobo amumulemeke u monzo womwi Leza ulimwi Ushi Mwami Jeso Kilisito.
Makani Mabotu ku Bantu Bakunze
7Inzho amutambulane umbona mbuli Kilisito mbwaakamutambula kwaamba ati Leza alemekwe. 8Nkaambo ndamushimwina ati, Kilisito wakaba muzhice waba Juda mwizhina lya lushinizho lwa Leza, kwaamba ati azuzucizhe shishomezho shesho sha Leza kuli babo ba shaakale, 9#2 Sam 22:50; Inte 18:49u kupa bakunze nkaambo kakulemeka Leza ukaambo kalulecelelo lwakwe. Mbubona mbuli mbukulembelwe mu Malembe ati,
“Ubobo ndakakutembaula akati ka buntu bakunze,
ukwiimbila Izhina lyako inyimbo shakukutembaula.”
10 #
Ciz 32:43
Ulimwi Malembe alatolelela kwaamba ati,
“Amusekelele nu bantu bakunze, antoomwi u bantu ba bakwe!”
11 #
Inte 117:1
Ulimwi, mulilembelwe mu Malembe ati,
“Akaka, amutembaule Leza umwe nu bantu bakunze noonse,
amumutembaulishe, umwe noonse nu bamishobo yoonse.”
12 #
Aiz 11:10
Aze Aizaya mushinshimi ulaamba ati,
“Umwi wa luhubo lwaka Jesi ulakeza,
ulakezhila kulela bakunze,
umwakwe balakayana bulanjizhi bakunze.”
13Ubobo Leza upa bulanjizhi, amuzuzhe kubotelwa u luumuno loonse mukuhumina kwenu, mu kwaamba mukakomene mululanjilo kwiita munsana sha Moza Usalala.
Paulu Mutumwa ku Bantu Bakunze
14Nubakwesu, ume ndizhishi makani enu, ati mulikwete bumi buli kabotu u luzhibo loonse, ulimwi mulakonzha kuyiishanya. 15Pele nikuba ati, mu luŋwalu lwa makani amwi ndakamulembela cakupozha kwaamba muzhibalushe shintu shimwi. Ndakacita bobo ukaambo ka luse lolo Leza ndwaakampa, 16ukunsala ati mbe musebezhi wa Kilisito Jeso ku bantu bakunze. Ndakambauka ukoya mupaizhi wa Makani Mabotu a Mwami Leza, kwaamba ati abo bantu bakunze bacitwe ukoya mulumbo ukonzha kutambulwa kwa Leza, usalazhiwa u Moza Usalala.
17Inzho mbuli mundi mwa Kilisito Jeso, ndikwete cintu cakulyeenseensha ukaambo ka milimo njinsebezela Leza. 18Nkaambo nshikonzha kukanana shintu shinji, cita bulyo shesho Kilisito nshaacita kwiita muli ume, kwaamba ati bantu bakunze bacilozhe kucilila kwiita mwizwi umu micito, 19u munsana shashitondezho u malele, u munsana sha Moza wa Leza, kwaamba ati kuhwa ku Jelusalemu, kuya kushicila ku Ililikumu, ndazuzucizha mulimo wa Makani Mabotu a Kilisito. 20Pele lyoonse ndazandisha kukambauka Makani Mabotu ukutali nkubakakambaucilwa kale sha Kilisito, kwaamba ati ambweni intazaci antalisho ya muntu umwi. 21#Aiz 52:15Mbuli mbwaamba Malembe ati,
“Babo batakashimwinwa shakwe
balakabona,
u babo bayina nibakateelela, balakateelela.”
Paulu Watelaika Kuya ku Loma
22 #
Bal 1:13
Nkukaambo kako shiindi shinji shinji ndakaakushinkwa kwiza koko. 23Pele ninzho, ndamaninzha milimo yangu mono mu masena, nikuba ati kwa myaka minji minji ndakaakuzandisha kwiza kumubona. 24Uninzho ndikwete muzeezo wakumwiitila koko, mulweendo lwangu lwa kuya ku Sipeni. Ndakabotelwa kumuswaya kwa mazuba mashoonto bulyo. Ndakamana kusansala amwe kwaciindi cishoonto, ndazanda ati mukanjohwe mulweendo lwangu.
25 #
1 Bako 16:1-4
Pele kuceno ciindi, ndaya ku Jelusalemu, ukusebezela banamusalazhi. 26Nkaambo ba shikombelo shaku Masedoniya uku Akaya bakabotelwa kupa milumbo yakuyohwa bapushi akati ka bantu ba Leza baku Jelusalemu. 27#1 Bako 9:11 Nkaambo na kuti bantu bakunze bakeza kwaabana shileleko shaku Moza uba Juda, cakababotela kucita bobo, nkaambo wakaba mulimo wabo kuyohwa bayina ncibakwete ku makani ashileleko sha shintu sha anshi ano. 28Ndamaninzha mulimo wakupa milumbo yezhi, ndakaitila koko mulweendo lwangu lwa kuya ku Sipeni. 29Ndizhi kwaamba ndakashika koko, ndakamuletela shileleko shinji shinji shaka Kilisito.
30Inzho ndamukumbila nubakwesu, kwiita mu Mwami Jeso Kilisito, u mululufwuno lwa Moza Usalala, atukombe amwe ca nsana abusena bwangu. 31Amunkombele kwaamba Leza ankwabilile intawila mu matashi abantu bayina lushomo mu Judiya. Ulimwi amukombe ati banamusalazhi baku Jelusalemu bakatambule milimo yezhi njindatumwa ati mbatolele. 32Kwamana bobo, mu luzando bulyo lwa Leza, ndakashika koko ndibotelelwe ukusangabalilwa. 33Leza wa luumuno abe amwe noonse. Ameni.
Currently Selected:
Baloma 15: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.