Myeelwe 7
7
Shipo sha Basololi
1Mu buzuba bobo Mozesi naakamanizha kuzaka itente Mwakukala Leza, kulinanika u kulisalazha, antoomwi u shisebezho shalyo, kunanika u kusalazha chipaililo antoomwi u shisebezho shacho, 2basololi ba Izilaili, ba shimitwi mu maanda a maushabo, babo bakaakuli mbu basololi ba mishobo, bakakweendelezha babo bakabalwa, bakeza, 3bakaleta shipo shabo kumbele lya Yaahwe, shikochi shili chisambomwi (6) iŋombe ikumi yiiŋombe shobile (12), chikochi chomwi (1) basololi bobile (2), umwi wuumwi, musune womwi (1). Bakashileta kumbele lyetente Mwakukala Leza. 4Ngoona Yaahwe wakaambila Mozesi ati, 5“Bweza sheshi kuhwa kwabo, kwaamba shisebeze mu milimo ya mwitente lya kuswaanganina. Ubape Balevi, ku mulombwana umwi wuumwi, kwingaina u mulimo wakwe.” 6Ubobo Mozesi wakabweza shikochi u basune u kupa Balevi. 7Wakapa shikochi shobile (2) u basune bone (4) ku banakwe Gelishoni, kwiingaina u milimo yabo. 8Ushimwi shikochi shone (4) u basune bali lusele (8) wakapa banakwe Melali, kwiingaina u milimo yabo, balo bakaakwendelezhewa u Itamali mwanakwe Aloni mupaizhi. 9Pele wiina nchaakapa ku banakwe Kohati, nkaambo kabapelwe mulimo wakubweza shintu shisalala, shesho shakaakukulikwa amafhunzhi. 10Iinzho basololi bakaleta shipo sha kusalazha chipaililo mu buzuba nichakananikwa. Ubobo basololi bakapa shipo shabo kumbele lya chipaililo. 11Yaahwe wakaambila Mozesi ati, “Balakaakupa shipo shabo, musololi womwi a buzuba bomwi, shakuyaluzha chipaililo.” 12Wezo wakapa chipo chakwe mu buzuba butaanzhi (1) ngu Nashoni mwanakwe Aminadabu wa mushobo wa Juda. 13Chipo chakwe kachili mutiba wa siluva wakaakulema mashekele aali mwaanda u makumi otatwe (130), mutiba wa siluva uhwangamene wa mashekele aali chiloba (70), kwiingaina i shekele lya Muŋanda ya Leza. Yoonse yobile keezwile bufhu bwa wiiti bulamushi buhwelenganye u mafhuta bwa chipo cha maila, 14mutiba uhwangamene wa goludi wa mashekele aali ikumi (10), wakaakuzwile tununkilizho. 15Chipaizho chakutenta: muchende waŋombe womwi (1), muchende wambelele womwi (1), muchende mwanaambelele wakaakukwete mwaka womwi (1) wa kuzhalwa. 16Chipaizho cha chibi: muchende wampongo womwi (1). 17Shipaizho sha luumuno: basune bobile (2), bachende bambelele bosanwe (5), bachende bampongo bosanwe (5) bachende banaambelele bosanwe (5) bakaakukwete mwaka womwi (1) wa kuzhalwa. Chechi nchi chipo chaka Nashoni mwanakwe Aminadabu. 18Mu buzuba bwabili (2), Natanyele mwanakwe Zuwali, musololi waka Isakali, wakapa chipo. 19Chipo cha maila: mutiba wa siluva wakaakulema mashekele aali mwaanda u makumi otatwe (130), mutiba wa siluva uhwangamene womwi (1) wa mashekele makumi chiloba (70), kwiingaina i shekele lya muŋanda ya Leza. Yoonse yobile keezwile bufhu bwa wiiti bulamushi buhwelenganye u mafhuta. 20Ulimwi wakapa mutiba wa goludi uhwangamene wa mashekele aali ikumi (10), koozwile tununkilizho. 21Chipaizho chakutenta: muchende waŋombe womwi (1), muchende wambelele, muchende mwanaambelele womwi (1) wakaakukwete mwaka womwi (1) wa kuzhala. 22Chipaizho cha chibi: muchende wampongo womwi (1). 23Shipaizho sha luumuno: basune bobile (2), bachende bambelele bosanwe (5), bachende bampongo bosanwe (5) u bachende banaambelele bosanwe (5) bakwete mwaka womwi (1) wa kuzhalwa. Chechi nchichakaba chipo chaka Natanyele mwanakwe Zuwali. 24Mu buzuba bwatatu (3) Eliyabu mwanakwe Heloni, musololi wa bantu baka Zebuluni ngu wakapa. 25Chipo chakwe kachili mutiba wa siluva wakaakulema mashekele aali mwaanda u makumi otatwe (130), mutiba wa siluva uhwangamene wa mashekele aali makumi chiloba (70), kwiingaina i shekele lya muŋanda ya Leza. Yoonse yobile (2) keezwile bufhu bwa wiiti bulamushi buhwelenganye u mafhuta bwa chipo cha maila. 26Ulimwi wakapa mutiba uhwangamene wa goludi wa mashekele aali ikumi (10), wakaakuzwile tununkilizho. 27Chipaizho chakutenta: muchende waŋombe womwi (1), muchende wambelele womwi (1) u muchende mwanaambelele ukwete mwaka womwi (1) wa kuzhalwa. 28Chipaizho cha chibi: muchende wampongo womwi (1). 29Shipaizho sha luumuno: basune bobile (2), bachende bambelele bosanwe (5), bachende bampongo bosanwe (5) u bachende banaambelele bosanwe (5) bakaakukwete mwaka womwi (1) wa kuzhalwa. Chechi nchi chipo chaka Eliyabu mwanakwe Heloni. 30Mu buzuba bwane (4), Elizuli mwanakwe Shedeyuli, musololi wa bantu baka Lubeni. 31Chipo chakwe kachili mutiba wa siluva wakaakulema mashekele aali mwaanda u makumi otatwe (130), mutiba wa siluva uhwangamene wa mashekele aali makumi chiloba (70), kwiingaina i shekele lya muŋanda ya Leza. Yoonse yobile (2) keezwile bufhu bwa wiiti bulamushi buhwelenganye u mafhuta, bwa chipo cha maila. 32Mutiba uhwangamene wa goludi wa mashekele aali ikumi (10), koozwile tununkilizho. 33Chipaizho chakutenta: muchende waŋombe womwi (1), muchende wambelele womwi (1), muchende mwanaambelele wakaakukwete mwaka womwi (1) wa kuzhalwa. 34Chipaizho cha chibi: muchende wampongo womwi (1). 35Shipaizho sha luumuno: basune bobile (2), bachende bambelele bosanwe (5), bachende bampongo bosanwe (5), bachende banaambelele bosanwe (5), bakaakukwete mwaka womwi (1) wa kuzhala. Chechi nchi chipo chaka Elizuli mwanakwe Shedeyuli. 36Mu buzuba bwasanu (5) Shelumiyeli mwanakwe Zulishadayi, musololi wa bantu baka Simiyoni ngu wakaleta. 37Chipo cha maila: mutiba wa siluva wakaakulema mashekele aali mwaanda u makumi otatwe (130), mutiba wa siluva uhwangamene wa mashekele aali makumi chiloba (70), kwiingaina i shekele lya muŋanda ya Leza. Yoonse yobile (2) keezwile bufhu bwa wiiti bulamushi buhwelenganye u mafhuta. 38Mutiba uhwangamene wa goludi wa mashekele aali ikumi (10), wakaakuzwile tununkilizho, 39chipaizho chakutenta: muchende waŋombe womwi (1), muchende wambelele womwi (1), muchende mwanaambelele womwi (1) wakaakukwete mwaka womwi (1) wa kuzhalwa. 40Chipaizho cha chibi: muchende wampongo womwi (1). 41Shipaizho sha luumuno: basune bobile (2), bachende bambelele bosanwe (5), bachende bampongo bosanwe (5), bachende banaambelele bosanwe (5) bakaakukwete mwaka womwi (1) wa kuzhalwa. Chechi nchi chipo chaka Shelumiyeli mwanakwe Zulishadayi. 42Mu buzuba bwa chisambomwi (6), Eliyasafu mwanakwe Deyuweli, musololi wa bantu baka Gadi: 43chipaizho cha maila chakwe kachili mutiba wa siluva wakaakulema mashekele mwaanda u makumi otatwe (130), mutiba wa siluva uhwangamene wa mashekele aali makumi chiloba (70), kwiingaina i shekele lya muŋanda ya Leza. Yoonse yobile yakaakuzwile bufhu bwa wiiti bulamushi buhwelenganye u mafhuta. 44Ulimwi wakapa mutiba uhwangamene wa goludi wa mashekele aali ikumi (10) wakaakuzwile tununkilizho. 45Chipaizho chakutenta: muchende waŋombe womwi (1), muchende wambelele womwi (1), muchende mwanaambelele womwi (1) wakaakukwete mwaka womwi (1) wa kuzhalwa. 46Chipaizho cha chibi: muchende wampongo womwi (1). 47Shipaizho sha luumuno: basune bobile (2), bachende bambelele bosanwe (5), bachende bampongo bosanwe (5), bachende banaambelele bosanwe (5) bakaakukwete mwaka womwi (1) wa kuzhalwa. Chechi nchi chipo chaka Eliyasafu mwanakwe Deyuweli. 48Mu buzuba bwa chiloba (7), Elishama mwanakwe Amihudi, musololi wa bantu baka Efulaimu: 49chipo chakwe kachili mutiba wa siluva wakaakulema mashekele aali mwaanda u makumi otatwe (130), mutiba wa siluva uhwangamene wa mashekele aali makumi chiloba (70), kwiingaina ishekeli lya muŋanda ya Leza. Yoonse yobile (2) yakaakuzwile bufhu bwa wiiti bulamushi buhwelenganye u mafhuta bwa chipo cha maila. 50Ulimwi wakapa mutiba uhwangamene wa goludi wa mashekele aali ikumi (10) wakaakuzwile tununkilizho. 51Chipaizho chakutenta: muchende waŋombe womwi (1), muchende wambelele womwi (1), muchende mwanaambelele womwi (1) wakaakukwete mwaka womwi (1) wa kuzhalwa. 52Chipaizho cha chibi: muchende wampongo womwi (1). 53Shipaizho sha luumuno: basune bobile (2), bachende bambelele bosanwe (5), bachende bampongo bosanwe (5), bachende banaambelele bosanwe (5) bakaakukwete mwaka womwi (1) wa kuzhalwa. Chechi nchi chipo chaka Elishama mwanakwe Amihudi. 54Mu buzuba bwa lusele (8), Gamaliyeli mwanakwe Pedazuli, musololi wa bantu baka Manase: 55chipo chakwe kachili mutiba wa siluva wakaakulema mashekele aali mwaanda u makumi otatwe (130), mutiba wa siluva uhwangamene wa mashekele aali makumi chiloba (70), kwiingaina i shekele lya muŋanda ya Leza. Yoonse yobile yakaakuzwile bufhu bwa wiiti bulamushi buhwelenganye u mafhuta, bwa chipo cha maila. 56Ulimwi wakapa mutiba uhwangamene wa goludi wa mashekele aali ikumi (10), wakaakuzwile tununkilizho. 57Chipaizho chakutenta: muchende waŋombe womwi (1), muchende wambelele womwi (1), muchende mwanaambelele womwi (1) wakaakukwete mwaka womwi (1) wa kuzhalwa. 58Chipaizho cha chibi: muchende wampongo womwi (1). 59Shipaizho sha luumuno: basune bobile (2), bachende bambelele bosanwe (5), bachende bampongo bosanwe (5), bachende banaambelele bosanwe (5) bakaakukwete mwaka womwi (1) wa kuzhalwa. Chechi nchi chipo chaka Gamaliyeli mwanakwe Pedazuli. 60Mu buzuba bwefhuka (9), Abidani mwanakwe Gidiyoni, musololi wa bantu baka Benjamini: 61chipo chakwe kachili mutiba wa siluva wakaakulema mashekele aali mwaanda u makumi otatwe (130), mutiba wa siluva uhwangamene wa mashekele aali makumi chiloba (70), kwiingaina i shekele lya muŋanda ya Leza. Yoonse yobile (2) yakaakuzwile bufhu bwa wiiti bulamushi buhwelenganye u mafhuta bwa chipo cha maila. 62Ulimwi wakapa mutiba uhwangamene wa goludi wama shekele aali ikumi (10) wakaakuzwile tununkilizho. 63Chipaizho chakutenta: muchende waŋombe womwi (1), muchende wambelele womwi (1) u muchende mwanaambelele womwi (1) wakaakukwete mwaka womwi (1) wa kuzhalwa. 64Chipaizho cha chibi: muchende wampongo womwi (1). 65Shipaizho sha luumuno: basune bobile (2), bachende bambelele bosanwe (5), bachende bampongo bosanwe (5) u bachende banaambelele bosanwe (5), bakaakukwete mwaka womwi (1) wa kuzhalwa. Chechi nchi chipo chaka Abidani mwanakwe Gidiyoni. 66Mu buzuba bwekumi (10), Ahiyezeli mwanakwe Amishadayi, musololi wa bantu baka Dani: 67chipo chakwe kachili mutiba wa siluva womwi (1) wakaakulema mashekele aali mwaanda u makumi otatwe (130), mutiba wa siluva uhwangamene wama shekele aali makumi chiloba (70), kwiingaina i shekele lya muŋanda ya Leza. Yoonse yobile yakaakuzwile bufhu bwa wiiti bulamushi buhwelenganye u mafhuta, bwa chipo cha maila. 68Ulimwi wakapa mutiba uhwangamene wa goludi womwi (1) wama shekele aali ikumi (10), wakaakuzwile tununkilizho. 69Chipaizho chakutenta: muchende waŋombe womwi (1), muchende wambelele womwi (1), muchende mwanaambelele womwi (1) wakaakukwete mwaka womwi (1) wa kuzhalwa. 70Chipaizho cha chibi: muchende wampongo womwi (1). 71Shipaizho sha luumuno: basune bobile (2), bachende bambelele bosanwe (5), bachende bampongo bosanwe (5) u bachende banaambelele bosanwe (5) bakaakukwete mwaka womwi wa kuzhalwa. Chechi nchi chipo chaka Ahiyezeli mwanakwe Amishadayi. 72Mu buzuba bwekumi u buzuba bomwi (11), Pagiyeli mwanakwe Okulani, musololi wa bantu baka Asheli: 73Chipo chakwe kachili mutiba wa siluva wakaakulema mashekele aali mwaanda u makumi otatwe (130), mutiba wa siluva uhwangamene wama shekele aali makumi chiloba (70), kwiingaina i shekele lya muŋanda ya Leza. Yoonse yobile yakaakuzwile bufhu bwa wiiti bulemushi buhwelenganye u mafhuta, bwa chipo cha maila. 74Ulimwi wakapa mutiba uhwangamene wa goludi wa mashekele aali ikumi (10) wakaakuzwile tununkilizho. 75Chipaizho chakutenta: muchende waŋombe womwi (1), muchende wambelele womwi (1) u muchende mwanaambelele wakaakukwete mwaka womwi (1) wa kuzhalwa. 76Chipaizho cha chibi: muchende wampongo womwi (1). 77Shipaizho sha luumuno: basune bobile (2), bachende bambelele bosanwe (5), bachende bampongo bosanwe (5) u bachende banaambelele bosanwe (5) bakaakukwete mwaka womwi wa kuzhalwa. Chechi nchi chipo chaka Pagiyeli mwanakwe Okulani. 78Mu buzuba bwekumi u mazuba obile (12), Ahila mwanakwe Enani, musololi wa bantu baka Nafutali: 79chipo chakwe kachili mutiba wa siluva wakaakulema mashekele mwaanda u makumi otatwe (130), mutiba wa siluva uhwangamene wama shekele aali makumi chiloba (70), kwiingaina i shekele lya muŋanda ya Leza. Yoonse yobile yakaakuzwile bufhu bwa wiiti bulamushi buhwelenganye u mafhuta, bwa chipo cha maila. 80Ulimwi wakapa mutiba uhwangamene wa goludi wama shekele aali ikumi (10) wakaakuzwile tununkilizho. 81Chipaizho chakutenta: muchende waŋombe womwi (1), muchende wambelele womwi (1), u muchende mwanaambelele womwi (1) wakaakukwete mwaka womwi (1) wa kuzhalwa. 82Chipaizho cha chibi: muchende wampongo womwi (1). 83Shipaizho sha luumuno: basune bobile (2), bachende bambelele bosanwe (5), bachende bampongo bosanwe (5) u bachende banaambelele bosanwe (5) bakaakukwete mwaka womwi (1) wa kuzhalwa. Chechi nchi chipo chaka Ahila mwanakwe Enani. 84Chechi nchi chakaba chipo chakahwa ku basololi ba Izilaili, cha kuyaluzha chipaililo, mu buzuba nichakananikwa: mitiba ikumi u mitiba yobile (12) ya siluva, mitiba ikumi u mitiba yobile (12) ihwangamene u mitiba ikumi u mitiba yobile (12) ihwangamene ya goludi. 85Umwi wuumwi mutiba wa siluva wakaakulema ma shekeli aali mwaanda u ma shekeli makumi otatwe (130), ulimwi umwi wuumwi mutiba uhwangamene wakaakulema ma shekeli aali makumi chiloba (70), antoomwi shoonse shisebezho sha siluva shakaakulema ma shekeli aali shuulu shobile u ma shekeli myaanda yone (2,400), kwiingaina i shekeli lya muŋanda ya Leza. 86Mitiba ya goludi ihwangamene ili ikumi u mitiba yobile, yezho yakaakuzwile tununkilizho, umwi wuumwi wakaakulema ikumi (10) lya ma shekele, kwiingaina i shekele lya muŋanda ya Leza, antoomwi woonse goludi wa mitiba ihwangamene koolema mwaanda wa mashekele u mashekele makumi obile (120). 87Boonse banyama ba chipaizho chakutenta: bachende baŋombe ikumi u bachende bobile (12), bachende bambelele ikumi u bachende bobile (12), bachende banaambelele ikumi u bachende bobile (12), bakaakukwete mwaka womwi (1) wa kuzhalwa, antoomwi u chipo cha maila chabo u bachende bampongo ikumi u bachende bobile (12) ba chipaizho cha chibi. 88Abo banyama boonse antoomwi ba chipaizho cha luumuno kabali bachende baŋombe makumi obile u bachende bone (24), bachende bambelele makumi chisambomwi (60), bachende bampongo, makumi chisambomwi (60) u bachende banaambelele bakaakukwete mwaka womwi (1) wa kuzhalwa, makumi chisambomwi (60). Chechi nchi chakaba chakuyaluzha chipaililo nichakamana kunanikwa. 89Lelyo Mozesi naakanjila mwitente lya kuswaanganina kwaamba abandike u Yaahwe, wakateelela izwi lilaamba kwakwe kuhwa ezeulu a chuuna cha luse luteeli, checho chakaakuli ekwati lya chihuminano, kuhwa akati ka ba kelebu bobile, izwi lyakaamba kwakwe.
Bible Society of Zambia