Hosiya 3
3
Hosiya u Mukaintu Utashomeki
1Yaahwe wakaŋambila ati, “Koya alimwi, fhuna mukaintu wezo ufhwinwi u mulombwana unji, wezo uchita mamambe, mbubona mbuli Yaahwe mbwaabafhwini banakwe Izilaili, nikuba ati balachilila baleza bamwi u kufhuna shifhutula shikwete masaansa mazumu.”
2Ubobo ndakamuula mashekeli a siluva u shihomeli sha bale shobile (2). 3Ndakamwaambila ati, “Ukale ame kwa mazuba manji-manji. Uleke buhuule na kuba wa mulombwana unji; mbubona ame mbwiiti mbe wako.” 4Ubobo banakwe Izilaili balakakala kwa mazuba manji-manji, bwiina mwami na musololi, ubwiina chipaizho na ibwe lya malende, ubwiina efodi na tuleza twa muŋanda. 5Kumamanino banakwe Izilaili balakazhoka u kukapula Yaahwe Leza wabo, Devidi ulakaba mwami wabo, ubobo balakeza mu bukandu kwa Yaahwe u kububotu bwakwe ku mazuba akaachilila.
Bible Society of Zambia