1 Timoti BUPANDULUZHI
BUPANDULUZHI
Timoti wakutaanguna, nduŋwalu Paulu mutumwa ndwaakalembela Timoti shiciiya wakwe. Luŋwalu lwa Timoti wakutaanguna cilalanjika ati lwakalembwa akati ka myaka 62 u 64 AD. Ceci ciindi cilalanjika kwaamba bumi bwa ka Paulu kabuya ku mamanino. Paulu kamufwinishi Timoti cakuti shiindi shinji shinji kamwita ati mwanakwe (Phil 2:2; 1 Timo 1:2, 1:18).
Lolu nduŋwalu ku maŋwalu ali one lulitonkomene ku muntu kutali ku mbungano. Maŋwalu amwi otatwe ngu 2 Timoti u Taitasi ulimwi u Filimoni. Luŋwalu lutaanzhi kwa Timoti lulizwile malailile aakukomba kwa mbungano (2:1-15), mbubeelele kuba basololi (3:1-13), u kucenjezha ba maayi babeshi (1:3-11; 4:1-5; 6:2-5). Ceci cilatondezha Paulu mbwakayiisha Timoti kuba musololi akati ka mbungano. Luŋwalu lutaanzhi lwa Timoti lulikwete bumpiyo mpiyo bukonzha kuyohwa basololi ba mbungano kweendelezha imbungano.
Mitwi ya Makani
Paulu wamwaanzha Timoti 1:1-2
Paulu wacenjezha Timoti makani a ba maayi babeshi 1:3-11
Paulu waya kumbele kupandulula mbwaamulumba Jeso Kilisito 1:12-20
Paulu walailila basololi ba mbungano makani a kukomba 2—3
Paulu wamaninzha u kupa Timoti malailile a mamanino 4—6
Currently Selected:
1 Timoti BUPANDULUZHI: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.