1 Timoti 4
4
Ba Maayi Babeshi
1Moza Usalala ulacibika atuba ati ku mazuba azhiza bamwi balakaluleka lushomo lolu, balakacilila myoza ya bubeshi u kucilila injiisho sha myoza mibiyabi. 2Sheshi injiisho shilayiishiwa u bashikuupaupa amenso babeshi, babo bakwete mizeezo mifwu ili ukoya yakatentwa inshimbi ipiya. 3Balakasha kutwala u kulya shilyo shimwi shesho Leza nshaakalenga kwaamba bashomi babo bezhi meni meni, bakaakulya bamana kulumba Leza. 4Shintu shoonse nshaakalenga Leza nshibotu, kwiina ceelele kukakwa pele shoonse shilyeelele kutambulwa u kukomba kwa kulumba Leza, 5nkaambo shilasalazhiwa kwa Leza kwiita mwizwi lyakwe u kukomba.
Mutwanga Mubotu waka Jeso Kilisito
6Kuti bashoma wabapa aza malailile, ulakaba mutwanga mubotu waka Kilisito Jeso, wezo wakakomenyewa u mazwi a lushomo, iinjiisho ya lushinizho yezho njiwakacilila. 7Amutukake twaano twabubeshi tukozhene u twaano twa bacembele. Amuliyiishe nubeni lwiiyo lwa bumi bwa bu Leza. 8Kuzhibilizha mubili kulayohwa ashoonto, pele buna Leza bulayohwa mu shintu shoonse, nkaambo bulashomezha bumi ano mazuba ulimwi ukuciindi cizhiza. 9Aza mazwi alyeelele kutambulwa u kushomwa. 10Ukaambo kako tulasebezesha cini cini u kulwisha nkaambo bulanjizhi bwesu buli kwa Leza upona mufwutuli wa bantu boonse, kwaambisha babo bashoma.
11Balailile u kubayiisha aza makani. 12Kutabi muntu u kuubausha ati nkaambo uli mukubushi. Pele ube citondezho kuli bashoma boonse, mu kwaamba, mu kulilemeka, mu lufwuno, mu lushomo umu kusalala monzo. 13Kushikila nkapiluke, usungwaale kukubala Malembe, u kukambauka ulimwi u kuyiisha. 14Utacuubausha cipo cakahwa ku Moza Usalala nciwakatambula kwiita mu cishinshime lelyo bakando ba mbungano nibakakubika matashi. 15Kushicita shintu sheshi shoonse ca monzo womwi, kwaamba boonse babone ati bumi bwako bwa buna Kilisito bulaya bukomena. 16Ulibambe lwako umwini injiisho nshuuyiisha. Kubukwete utaleka pe, nkaambo wacita bobo ulalifwutula umwini u babo bakuteelela.
Currently Selected:
1 Timoti 4: ILL
Highlight
Share
Copy
Want to have your highlights saved across all your devices? Sign up or sign in
Ila New Testament © Bible Society of Zambia, 2015.