Genesis 45
45
Caibidil XLV.
Nochd Ióseph é féin da dhearbhraithribh. 5 Tug comhfhurtachd dhoibh. 9 Agus chuir fios ar a athar.
1Ann sin níor fhead Ioseph é féin do chongmháil a lathair ar shéas na fhochair; agus do éigh sé, Cuiridh gach éanduine amach uáim. Agus níor fhan éanduine na fochair, an feadh do bhi Ióseph ag léigean a aithne chum a dhearbhraithreach. 2Agus do ghuil sé ós áird: agus do chúaladar na Hégiptigh agus tigh Phárao é. 3Agus a dubhairt Ioseph ré na dhearbhráithribh, As misi Ioseph; an bhfuil máthair beó fós? agus níor fhéadadur a dhearbhráithre freagra do thabhairt air, óir do bhí buáidhreadh orra tré bheith na lathaír. 4Agus a dubhairt Ióseph re na dhearbhráithribh, Druidigh riom, iarruim mar athchuinghidh oruibh. Agus do dhruideadar leis. Agus a dubhairt seision Is misi Ióseph bhur ndearbhrathair, noch do reacabhair do Négipt. 5Annois uime sin ná bíodh doilghios oruibh, nó fearg aguibh ribh féin, fa misi do reic annso: óir isé Día do chuir misi romhuibh do chumhdach bhur mbeatha. 6Oír as dá bhlíadhuin atá an ghorta sa tir: agus atáid fós cúig bhliadhna ann nach bía treabhadh na foghmhar. 7Agus do chuir Día misi romhuibhsi do choimheud sleachda dhíbh san talamh, agus do choimhéud bhur mbeatha re tárrtháil mhóir. 8Mar sin annois ní sibhsi do chuir uaibh mé ách Día: agus do rinne sé athair dhíomsa do Phárao, agus tighearna ós cionn a thigh uile, agus úachdaran ar feadh chriche na Hégipte uile. 9Déanuidhsi deithneas, agus éirghidh súas chum máthar, agus abruidh ris, Is mar so a deir do mhac Ióseph, do rinne Día tighearna dhiomsa ós cionn na Hégipte uile: tárr a núas chugamsa, na déana maill. 10Agus áitreochuidh tú a bhfearann Gosen, agus biáidh tú láimh riomsa, thú féin agus do chlann, agus clann do chloinne, agus do thréada, agus healbhadha, agus gach uile ní bhus leachd: 11Agus oilfe mé thú ann sin; (oír atá fós chúig bhliadhna gorta ann) deagla go ttiucfá féin, agus do mhuinntir, agus a nuile ní bheanas riot, chum bochduine. 12Agus, féachuidh, do chíd bhur súile, agus súile mo dhearbhrathar Beniamín, gurob é mo bhéul atá ág labhairt ribh. 13Agus inneostaói dom athair méid mo ghlóire sa Négipt, agus gach éinni dá bhfacabhaír; agus deanuidh deithbhir agus tugaidh máthair a núas annso. 14Agus do luidh sé ar mhuinéul a dhearbhráthar Beniamin, agus do ghuil; agus do ghuil Beniamin ar a mhuinéul san. 15Os á chionn sin fós do phóg sé a dhearbhráithre uile, agus do ghuil orra: agus na dhiáigh sin do chomhráidheadar a dhearbhráithre ris. 16Agus do chlos a thúaruscbhail sin a ttigh Phárao, ag radh, Tangadar dearbhráithre Ióseph: agus do thaitin sin go mór ré Phárao, agus ré na sheirbhíseachuibh. 17Agus a dubhairt Phárao re Ioseph, Abuir réd dhearbhráithribh, Déanuidh so; úaluighe bhur nainmhintighe, agus imthighidh; súas go tír Chánaain, 18Agus tuguidh libh bhur nathair agus bhur muinntir, agus tigidh chugamsá: agus do bhéura mé dhibh maitheas chríche na Hégipte, agus do gheabhthaoí ré ithé do méathas na tíre. 19Annois fuáir tu fúagra, déanuidh mar so; beiridh libh carbuid as crích na Hégipte ar ceann bhur náos óg, agus ar ceann bhur mban, agus tugaidh bhur nathair libh, agus tigidh. 20Mar an gceadna ná cuiridh fuim an bhur náirnéis tighe; oir maitheas chríche na Hégipte uile is libhsi é. 21Agus do rinneadur clann Israel mar sin: agus tug Ióseph carbuid dhóibh, do réir aithne Phárao, agus tug lónn dóibh chum na sligheadh. 22Dá gach áon aca fa leith tug sé aithearrach culadh; ach do Bheniamin tug sé trí chéad píosa airgid, agus cúig culuidheacha éaduigh. 23Agus do chuir sé chum a athar ar an modh so; deich nassail ag iomchur neitheann maith na Hégipte, agus deich nassáil bhainniona ag iomchar arbha agus aráin agus bídh dá athair chum na sligheadh. 24Mar sin do chuir sé a dhearbhráithre ar siúbhal, agus do imthigheadur: agus a dubhairt sé ríu, Coimhéaduigh nach dtuitfe sibh amach ar a tslighe. 25Agus do chúadur súas as a Négipt, agus tangadur go tír Chanaain go Iácob a nathair. 26Agus do inniseadur dhó ag rádh; Atá Ióseph beó fós, agus isé is uachdarán ós cionn chríche na Hégipte uile. Agus do lagadh croidhe Iácob; óir níor chreid sé íad. 27Agus do inniseadur dhó bríathra Ióseph uile, noch do labhair sé ríu: agus a nuáir do chonnairc sé na carbuid do chuir Ióseph dá iomchar, do aithbheóghuidh spiorad Iácob a nathar: 28Agus a dubhairt Israel, Is lór sin; atá mo mhac Ioseph beó fós; rachuidh mé agus do chífe mé é suil éugfad.
Currently Selected:
Genesis 45: Bedell
Highlight
Share
Compare
Copy
Want to have your highlights saved across all your devices? Sign up or sign in
First published by the British and Foreign Bible Society in 1817.
Maintained by the British and Foreign Bible Society (BFBS) on behalf of the National Bible Society of Ireland (NBSI) and the Bible Society in Northern Ireland (BSNI)
