Exodus 33
33
Caibidil XXXIII.
Aithreachus an tslúaigh. 14 Iochad agus annsachd an tighearna.
1Agus a dubhairt an TIGHEARNA ré Maóise, Gluáis agus éirigh súas as so, thusa agus an pobál thug tú leachd a mach as crích na Hégipte, don tír do mionnuigh misi do Abraham, do Isaac, agus do Iácob, dhá rádh, Dot shíol do bhéura mé é:
2Agus cuirfe me aingeal rómhad; agus díbeóra mé amach an Cananíteach, an Tamoríteach, an Hitíteach, an Perisíteach, an Hibhíteach, agus an Iebusíteach:
3Go tír fá thuile bhainne agus mheala: óir ní racha misi suas bhur measg; óir atátháoi bhar ndáoinibh crúadhmhuiníl: deagla go ndíobháighfinn sibh ar a tslighe.
4Agus a nuáir do chúala an pobal na droichsceala sa, do dhubhadar: agus níor chuir éanduine a bhreádhachd air.
5Oír a dubhairt an TIGHEARNA ré Maoise, Abuir ré cloinn Israel, Is pobal crúadhmhuiníl sibh: tiucfa mé súas ion bhur lár a moment, agus díoghbháighfe mé sibh: uime sin anois cuir dhíot do dheiseachd uáit, íonnus go bhfeadarsa créad do dheana mé riot.
6Agus do nochdadar clann Israel íad féin as a mbréadhachd láimh re sliabh Hóreb.
7Agus rug Maoise ar an tabernacuil, agus do shuighidh táobh a muigh don champa é, a bhfad ón champa, agus do ghoir tabernacuil an chomhchruinnigh dhe. Agus tárla, gach áon da níarradh an TIGHEARNA, go ttigeadh amach go tabernacuil an chomhchruinnigh, noch do bhí táobh a muigh don champa.
8Agus tárla a nuáir do chúaidh Maóise gus an tabernacuil, gur éirigh an pobal uile, agus gur sheas gach éanduine dhíobh ag dorus a loistín féin, agus gur fhéuchadar a ndiáigh Mhaóise, nó go neachuidh don tabernacuil.
9Agus tárla, mar do chúaidh Maóise a steach san tabernacuil, go ttáinic an piléur néullach a núas, agus gur sheas ag dorus an tabernacuil, agus do labhair an TIGHEARNA ré Maóise.
10Agus do chonnairc an pobal uile an piléur néullach na sheasamh ag dorus an tabernacuil: agus do éirgheadar an pobal uile na seasamh, agus do adhair gach áonduine aca a ndorus a lóistin féin.
11Agus do labhair an TIGHEARNA re Maóise ághuidh ar ághuidh, mar do laibheóradh duine re na charadh. Agus do fhill a rís don champa: achd a sherbhíseach Iosua, mac Nun, an toganach, ni dheachuidh sé as an tabernacuil amach.
12Agus a dubhairt Maóise ris an TIGHEARNA, Feuch, a deir tú riumsa, Beir súas an pobalsa: agus ní thug tú a fhios damh cia, chuirfeá liom. Gidhéadh a dubhairt tú, Atá a fhios agus cía thú as hainm, agus fuáir tú grása mar ann gcéadna an mo radharc.
13A nois uime sin, iarruim dathchuinghe ort, ma fuáir mé grása an do radharc, taisbéan damh a nois do shlighe, le mbía haithne agum, lé a bhfuighe mé grása an do radharc: agus meas gurob íad an cineadhso do phobal.
14Agus a dubhairt seision, Rachuidh mághuidh leachd, agus do bheura mé súáimhneas duit.
15Agus a dubhairt sé ris, Muna ndeachuidh hághaidh liom, ná beir súas as so sinn.
16Oír cionnus bhías a fhios annso go bhfuáir misi agus do phobal grása ann do radharc? nach le thusa do dhul linn? mar sin deálochthar sinn, misi agus do phobal ó nuile phobal, do bhfuil ar dhruim ná talmhan.
17Agus a dubhairt an TIGHEARNA ré Maóise, Do dhéana mé an ni so mar an gcéadna a dubhairt tusa: óir fuáir tú grása ann mo radharc, agus atá aithne agus ort ad ainm.
18Agus a dubhairt seision, Iarruim dathchuinge ort, taisbean do ghlóir dhamh.
19Agus a dubhairt seision, Do bhéura mé ar mo mhaitheas uile dul romhad, agus fuaigeora mé ainm an TIGHEARNA romhad; agus biad grásamhuil don ti dá mbía mé grásamhuil, agus taisbéanfad trócaire don tí dá ttaisbéana mé trócaire.
20Agus a dubhairt seision, Ní fhéadann tú mághuidh dfaicsin: óir ní fhaicfe éanduine mé, agus marthuinn.
21Agus a dubhairt an TIGHEARNA, Féuch, atá áit láimh riom, agus seasfa tusa ar charruic:
22Agus tiucfá dhe, an feadh bhías mo ghlóir ag gabháil thort, go ccuirfe mé thusa a scoilteadh don charruicc, agus foileocha mé thú leam láimh an feadh bhías mé ag gabháil thort:
23Agus toigeobha mé mo lámh, agus do chífe tú an chuidshiar dhíom: achd ní faicfighear mo ghnúis.
Currently Selected:
Exodus 33: Bedell
Highlight
Share
Compare
Copy
Want to have your highlights saved across all your devices? Sign up or sign in
First published by the British and Foreign Bible Society in 1817.
Maintained by the British and Foreign Bible Society (BFBS) on behalf of the National Bible Society of Ireland (NBSI) and the Bible Society in Northern Ireland (BSNI)
