II Croiniclibh 25
25
Caibidil XXV.
Do thosuigh Amasiah rí Iudah go maith; 14 Ach do chriochnuigh go holc.
1 Do bhí Amasiah cúig bhlíadhna fithchiod dáois a núair do thosuigh sé a ríghe, agus do bhí na rígh náoi mblíadhna fithchiod ann Ierusalem. Agus do bé ainm a mhathar Iehoaddan ó Ierusalem.
2Agus do rinne sé an ní fa mhaith a radharc an TIGHEARNA, acht ní lé croidhe iomlán.
3¶ Anois tárla, a nuáir do dhaingnioghadh an ríoghachd dó, gur mharbh sé a sheirbhísigh noch do mharbh an rígh a athair.
4Acht níor mharbh sé a clann, acht do rinne sé mar atá scríobhtha a ndligheadh leabhair Mháoise, mar ar aithin an TIGHEARNA, gha rádh, Ní muirfighthear na haithre thríd an ccloinn, agus ní muirfighthear an chlann thríd na haithribh, acht muirfighthear gach éanduine tré na choir feín.
5¶ Tuilleamh oile do chruinnigh Amasiah Iúdah a ccionn a chéile, agus do rinne sé caiptínigh ós cionn mhílteadh dhíobh, agus caiptínigh ós cionn chéud, do reír thíghe a naithreadh, ar feadh Iúdah agus Beniamin: agus do áirimh sé íad ó aois fhithchiod bliadhan agus ós a chionn, agus fúair sé dhiobh trí chéad míle fear toghtha, iondula amach a ccogadh, dar bhéol gath agus sgíath do ghlacadh.
6Dfostoigh sé mar an gcéadna céad míle fear árrachta a ngaisgidh as Israel le céud tallann airgid.
7Acht tháinic óglach ó Dhia chuige, gha rádh, ó a rígh, ná héirgeadh slúagh Isráel leachd; óir ní bhfaíl an TIGHEARNA re Hisrael, le cloinn Ephraim uile.
8Acht mas toil leachd imtheacht, déan, lá láidír a ccomhair an chatha: do bhéara Día ort tuitim roimhe do námhuid: óir is ag Día ata cumas tárthála, agus leagtha.
9Agus a dubhairt Amasiah re hóglach Dé, Acht cred dhéanam ris an ccéud tallann noch thug mé do shlúagh Israel? Agus do fhreagair oglach Dé é, Is féidir leis an TTIGHEARNA níos ro mhó ná so do thabhairt duit.
10Ansin do dhealuigh Amasiah íad, eadhon, an slúagh tháinic chuige ó Ephraim, do dhul don bhaile a ris: uime sin do hadhnadh a bhfearg go mór a naghaidh Iúdah, agus dfilleadar a bhaile lán dfeirg.
11¶ Agus do neartuigh Amasiah é féin, agus do thréoruigh sé a mhuinntir amach, agus do chuáidh sé go gleann an tsaluinn, agus do bhuail sé do chloinn Seir deich míle.
12Agus deich míle oile do fágbhadh béo rugadar clann Iudah léo a láimh íad, agus thugadar go mullach na cairge íad, agus do theilgeadar sios íad do mhullach na cairge, gur briseadh na mblodhuibh íad.
13¶ Acht na soíghdiúirígh do chuir Amasiah ar a nais, chor nach rachaidis leís chum catha, do thiomáineadar air chaithreachaibh Iúdah, ó Shamáriah air fad go Bet‐óron, agus do bhuáileadar trí mhíle dhíobh, agus rugadar iomarcuigh éadála léo.
14¶ Anois tárla, a nuáir dfill Amasiah ó ár na Nedomiteach, go ttug sé dee chloinne Seír leis, agus gur chuir sé súas mar dhée dhó féin iad, agus do chrom sé é féin síos dóibh, agus do loisg sé túis dóibh.
15Uimesin do hadhnadh fearg an TIGHEARNA re Amasiah, agus do chuir sé fáigh chuige, noch a dubhairt ris, Cred fár íarr tú a ndiáigh dheeíbh na ndaóine, nach ar fhéad a ndaoine féin do sháoradh as do láimhse?
16Agus tárla, mar do bhí sé ag caint ris, go ndubhairt an righ ris, A ndéarnadh comhairleach don rígh dhíotsa? coisc; cred fá mbuailfidh thú? Annsin do choisc an fáigh, agus a dubhairt sé, aithnighim gur chinn an TIGHEARNA ar do mhilleadh, do bhrígh go ndearna tú so, agus nár éist tú rem chomhairlesi.
17¶ Annsin do rinne Amasiah rígh Iúdah comhairle, agus do chuir sé teachda chum Ioas, mhac Iehoahas mhic, Iehu, rígh Israel, dha rádh, Tárr, faiceam gnúis a chéile.
18Agus do chuir Ioas rígh Israel sios go Hamasiah rígh Iúdah, gha rádh, Do chuir an foghbhannán do bhi a Lebanon teachta chum an cédair do bhí a Lebanon, gha rádh, Tabhair hinghean dom mhac na mnaói: agus do ghabh beathach allta do bhí a Lebanon thort, agus do shaltair sé síos an foghbhannán.
19A deir tusa, Féach, do mharbh tú na Hedomitigh; agus do thóg do chroidhe súas thú do mhaoidhfeachus: fan a nois ansa bhaile; creád fá mbeanfá red dhochar féin, as a ttuitfeá, thú féin, agus Iúdah maille riot?
20Acht níor bháill le Amasiah sin do chluinsion; óir is ó Dhía do bhí sin, chor go seachódadh sé íad a láimh a námhad, do bhrígh gur leanadar a ndiáigh dhée Edom.
21Ann sin do chúaidh Ioas rígh Israel súas; agus do chonncadar gnúis a chéile, é féin agus Amasiah rígh Iúdah, an Betsemes, noch is do Iúdah.
22Agus tugadh an chuid budh measa do Iúdah roimhe Israel, agus do theith gach duine dhíobh da thigh.
23Agus do ghabh Ioas rígh Israel Amasiah rígh Iudah, mac Ioas, mhic Iehoahas, a Mbet‐semes, agus thug go Hierusalem é, agus do bhris sé síos balla Ierusalem ó gheata Ephraim go geata an choirnéil, ceithre chéud cubhad.
24Agus rug sé leis an tór agus an tairgiod uile, agus na huile shoithighe fríth a ttigh Dé ag Obed‐édom, agus ionnmhus thighe an rígh, agus íar nglacadh braighde tairis, dfill sé go Samária.
25¶ Agus do mhair Amasiah mac Ioas rígh Iúdah déis bháis Ioas mhic Iehoahas rígh Israel cúig bliadhna déug.
26Anois an chuid oile do ghniomhuibh Amasiah, ó thús go deireadh, féuch, nach bhfuilid siad scriobhta a leabhair ríogh Iúdah agus Israel?
27¶ Anois déis na huaire ar fhill Amasiah ó leanmhuin an TIGHEARNA dfealladar na aghaidh ann Ierusalem; agus do theith sé go Lachis: acht do chuireadarsan na dhiaigh go Lachis, agus do mharbhadar annsin é.
28Agus thugadar léo ar eachaibh é, agus do adhlaiceadar é agá aithribh a ccathruigh Iúdah.
Currently Selected:
II Croiniclibh 25: Bedell
Highlight
Share
Compare
Copy
Want to have your highlights saved across all your devices? Sign up or sign in
First published by the British and Foreign Bible Society in 1817.
Maintained by the British and Foreign Bible Society (BFBS) on behalf of the National Bible Society of Ireland (NBSI) and the Bible Society in Northern Ireland (BSNI)
