ROMA 6
6
ROMA 6
1Yɛrɛ wɛ dɔg a nɔ? A wɛ waa a hinha̧a̧l du an Bɛt gɛmsilɔ gi tɔɔ gi daar ya? 2Taa anbɔ nɛ zaŋ! Wɛɛ yɔ wɛ wɔr a hinha̧a̧l gbaŋgi, gi an wɛ wɛɛ wɛ waak ri a hinha̧a̧l du nɔ? 3Nɛ mɛ̄ɛ̄ a wɛɛ sɛw yɔ wɛ loo Bɛtmɛm wɛ ɔks gbunu hi Yeesu Kristu, wɛ ɔks gbunu hi gii a wɔrkɔ bɔ wɔr gedu gɛ ya? 4Hi i̧i̧wɛ lɛlgbunu hi gii a Bɛtmɛm bɔ wɛ loo gedu, wɛ wɔr hi giya. Yɔ anbɔ anyɔ gii da rɛml gi ɗund a wɔrk du hi Baa wɛ Bɛt tɛŋkɔ gɛrsya bɔ, wɛɛ hɛw wɛ dag gbɔnɔ gɔ an wɛ ɛmb a za̧a̧tig ɛmbil seg rɔb bɔ gedu hi Bɛt tɛŋkɔ gɛrsya bɔ be.
5Gid wɛ ɔks wɛ pirk gbunu an tɛ̧ɛ̧ hi giya a wɔrk yɔ riitin hi ɔnɛ bɔ gedu, wɛ́ wɛɛ wɛ́ ɔks gɔ hi gii an gbuna bɔ a rɛmtig yɔ riitin an ɔnɛ bɔ gedu. 6Yɛwɛ mɛɛ a doo amnt bɔ gi wɛ muul du, da dooy a dɔ̧ɔ̧r ha hi giya an hinha̧a̧l muul bɔ tɛŋkɔ gi wagɔ, an bɔwɛ kɔm hinha̧a̧l gbaari. 7Ya̧a̧nɛ doo gi wɔrɔ, hinha̧a̧l tɛŋkɔ taa gi zulha ma, da̧a̧da̧.
8Yɛrɛ gid wɛ wɔr hi Kristu, wɛ gi ɗɔbsig a wɛ́ waa hi gii hɛw. 9Ya̧a̧nɛ, wɛ mɛɛ a Kristu yɔ rɛml a wɔrkɛ teesdu gi wɛɛz a za̧a̧tig du, taa zaa wɔrk nɛ zaŋ, wɔrk taan tɛŋk gi zulha ma. 10Yɔ wɔrɔ, wɔr gaatɔ gii dɔɔ gbunu a wɛ hinha̧a̧l dɔŋgo, hɔnɛyɔ wɛɛz a za̧a̧tig du be, gi za̧a̧k a Bɛt zulɛ. 11Yɔ anbɔ nɛɛ hi zul nɛ hɛw, seen zul nɛ an nɛ wɔr a hinha̧a̧l gbaŋg sa̧a̧nɛ, wɛɛ nɛ gi za̧a̧tili a Bɛt zulɛ a Yeesu Kristu dɔŋgo.
12Bɔ hinha̧a̧l gi wɛɛsin waar a muul nɛ wɔrkil bɔ gedu an bɔnɛ fɔb ɗɔkumɔ wɔ. 13Bɔnɛ yaa naan a hinha̧a̧l du an wɔdyɔ gɔ hi woon ha̧a̧lɛ; yɛrɛ gaan zul nɛ a Bɛt ge an dood wɔ hi wɔrɔ hi wɛɛ hi wɛɛzɔ. Gaan muul nɛ sɛw a Bɛt woos du an wɔd hinrɔb woonikya. 14Àgiyɔ nɛ taa ma a maakdɔgl waabil du, nɛ waak a Bɛt gɛmsil du. Nɛ yɔ anbɔ, bɔnɛ ɔɔ hinha̧a̧l gi dag tɛŋk nɛ zulha.
15Nɛ anyɔ Bɛt maakdɔglɔ taan tɛŋk wɛ zulha, wɛ́ wɛɛ wɛ́ waak a Bɛt gɛmsil du, yɔ anbɔ gi an wɛ fɔb hinha̧a̧l gɔki ya? Taa nɛ anbɔ zaŋ! 16Nɛ mɛɛ a nɛ́ gaa doo za zul nɛ an gbaari an nɛ kɛmsig tɔnɛ, nɛ gi za̧a̧n bɔ gbaar ɔ̧ɔ̧nɛ. Zaabe nɛ gi hinha̧a̧lyɔ gi kaŋk doo a wɔrk du gbaar ɔ̧ɔ̧nɛ, zaabe nɛ fɔk Bɛto, nɛ gi dood riitɛ a Bɛt muutdu a tɔn nɛ kɛŋk bɔ gi dɔŋgo.
17Yɛrɛ wɛ baan Bɛto; anyɔ nɛ da nɛ ginɛ hinha̧a̧l gbaar gii si̧, yɛrɛ nɛ ta̧a̧ hinyɔ wi gogsin gbɔnɔɔ wɔ hi kpoos nɛ sɛw. 18Bɛt tuusin a hinha̧a̧l bɔ tɛŋkɔ gedu, yɛrɛ nɛ wɛɛ Bɛt woosyaadɛ an nɛ woo hinriiti.
19Mi bookya̧a̧ an doo gi booko a kpoos nɛ hɔntil bɔ gi dɔŋgo. Nɛ da nɛ gaak nɛ muul nɛ a libt du hi a hinha̧a̧l du an nɛ woo hinyɔ bɔbtɔ. Gbunɔ, ɓɔri ma gaan muul nɛ dɛɛt wɔ a Bɛt ge an hinrɔbwook gbaarɛ an nɛ wɛɛ dood gaatɛ a Bɛt muutdu.
20Ya̧a̧nɛ, yɔ nɛ da nɛ gi hinha̧a̧l gbaarɛ, nɛ da nɛ́ mɛ̄ɛ̄ hinriit wook hinɔ gɛ. 21Woos nɛ wɔ nɛ da nɛ woo anbɔ nɛ dagn nɔ? Nɛ nɛ see nɛ dagnik seem ɓɔri ma mi? Hin wɔrɔ da̧a̧kya̧ sɛw gɛ wɔrko. 22Yɛrɛ ɓɔryɔ, yɔ nɛ tuu a hinha̧a̧l du a aakil du nɛ wɛɛs Bɛt gbaarɛ ɔ̧ɔ̧, woos nɛ rɔb bɔ gin gaak gaatigi a Bɛt muutdu, wɛɛ yɔ̧ɔ̧sumɔ be gɛ za̧a̧tig faa. 23Ya̧a̧nɛ hinha̧a̧l dɔɔrɔɔsɔ gɛ: wɔrko; Bɛt gaasɔ tɔs be gɛ: za̧a̧tig faa bɔ a Waar wɛ Yeesu Kristu ge.
Currently Selected:
ROMA 6: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
ROMA 6
6
ROMA 6
1Yɛrɛ wɛ dɔg a nɔ? A wɛ waa a hinha̧a̧l du an Bɛt gɛmsilɔ gi tɔɔ gi daar ya? 2Taa anbɔ nɛ zaŋ! Wɛɛ yɔ wɛ wɔr a hinha̧a̧l gbaŋgi, gi an wɛ wɛɛ wɛ waak ri a hinha̧a̧l du nɔ? 3Nɛ mɛ̄ɛ̄ a wɛɛ sɛw yɔ wɛ loo Bɛtmɛm wɛ ɔks gbunu hi Yeesu Kristu, wɛ ɔks gbunu hi gii a wɔrkɔ bɔ wɔr gedu gɛ ya? 4Hi i̧i̧wɛ lɛlgbunu hi gii a Bɛtmɛm bɔ wɛ loo gedu, wɛ wɔr hi giya. Yɔ anbɔ anyɔ gii da rɛml gi ɗund a wɔrk du hi Baa wɛ Bɛt tɛŋkɔ gɛrsya bɔ, wɛɛ hɛw wɛ dag gbɔnɔ gɔ an wɛ ɛmb a za̧a̧tig ɛmbil seg rɔb bɔ gedu hi Bɛt tɛŋkɔ gɛrsya bɔ be.
5Gid wɛ ɔks wɛ pirk gbunu an tɛ̧ɛ̧ hi giya a wɔrk yɔ riitin hi ɔnɛ bɔ gedu, wɛ́ wɛɛ wɛ́ ɔks gɔ hi gii an gbuna bɔ a rɛmtig yɔ riitin an ɔnɛ bɔ gedu. 6Yɛwɛ mɛɛ a doo amnt bɔ gi wɛ muul du, da dooy a dɔ̧ɔ̧r ha hi giya an hinha̧a̧l muul bɔ tɛŋkɔ gi wagɔ, an bɔwɛ kɔm hinha̧a̧l gbaari. 7Ya̧a̧nɛ doo gi wɔrɔ, hinha̧a̧l tɛŋkɔ taa gi zulha ma, da̧a̧da̧.
8Yɛrɛ gid wɛ wɔr hi Kristu, wɛ gi ɗɔbsig a wɛ́ waa hi gii hɛw. 9Ya̧a̧nɛ, wɛ mɛɛ a Kristu yɔ rɛml a wɔrkɛ teesdu gi wɛɛz a za̧a̧tig du, taa zaa wɔrk nɛ zaŋ, wɔrk taan tɛŋk gi zulha ma. 10Yɔ wɔrɔ, wɔr gaatɔ gii dɔɔ gbunu a wɛ hinha̧a̧l dɔŋgo, hɔnɛyɔ wɛɛz a za̧a̧tig du be, gi za̧a̧k a Bɛt zulɛ. 11Yɔ anbɔ nɛɛ hi zul nɛ hɛw, seen zul nɛ an nɛ wɔr a hinha̧a̧l gbaŋg sa̧a̧nɛ, wɛɛ nɛ gi za̧a̧tili a Bɛt zulɛ a Yeesu Kristu dɔŋgo.
12Bɔ hinha̧a̧l gi wɛɛsin waar a muul nɛ wɔrkil bɔ gedu an bɔnɛ fɔb ɗɔkumɔ wɔ. 13Bɔnɛ yaa naan a hinha̧a̧l du an wɔdyɔ gɔ hi woon ha̧a̧lɛ; yɛrɛ gaan zul nɛ a Bɛt ge an dood wɔ hi wɔrɔ hi wɛɛ hi wɛɛzɔ. Gaan muul nɛ sɛw a Bɛt woos du an wɔd hinrɔb woonikya. 14Àgiyɔ nɛ taa ma a maakdɔgl waabil du, nɛ waak a Bɛt gɛmsil du. Nɛ yɔ anbɔ, bɔnɛ ɔɔ hinha̧a̧l gi dag tɛŋk nɛ zulha.
15Nɛ anyɔ Bɛt maakdɔglɔ taan tɛŋk wɛ zulha, wɛ́ wɛɛ wɛ́ waak a Bɛt gɛmsil du, yɔ anbɔ gi an wɛ fɔb hinha̧a̧l gɔki ya? Taa nɛ anbɔ zaŋ! 16Nɛ mɛɛ a nɛ́ gaa doo za zul nɛ an gbaari an nɛ kɛmsig tɔnɛ, nɛ gi za̧a̧n bɔ gbaar ɔ̧ɔ̧nɛ. Zaabe nɛ gi hinha̧a̧lyɔ gi kaŋk doo a wɔrk du gbaar ɔ̧ɔ̧nɛ, zaabe nɛ fɔk Bɛto, nɛ gi dood riitɛ a Bɛt muutdu a tɔn nɛ kɛŋk bɔ gi dɔŋgo.
17Yɛrɛ wɛ baan Bɛto; anyɔ nɛ da nɛ ginɛ hinha̧a̧l gbaar gii si̧, yɛrɛ nɛ ta̧a̧ hinyɔ wi gogsin gbɔnɔɔ wɔ hi kpoos nɛ sɛw. 18Bɛt tuusin a hinha̧a̧l bɔ tɛŋkɔ gedu, yɛrɛ nɛ wɛɛ Bɛt woosyaadɛ an nɛ woo hinriiti.
19Mi bookya̧a̧ an doo gi booko a kpoos nɛ hɔntil bɔ gi dɔŋgo. Nɛ da nɛ gaak nɛ muul nɛ a libt du hi a hinha̧a̧l du an nɛ woo hinyɔ bɔbtɔ. Gbunɔ, ɓɔri ma gaan muul nɛ dɛɛt wɔ a Bɛt ge an hinrɔbwook gbaarɛ an nɛ wɛɛ dood gaatɛ a Bɛt muutdu.
20Ya̧a̧nɛ, yɔ nɛ da nɛ gi hinha̧a̧l gbaarɛ, nɛ da nɛ́ mɛ̄ɛ̄ hinriit wook hinɔ gɛ. 21Woos nɛ wɔ nɛ da nɛ woo anbɔ nɛ dagn nɔ? Nɛ nɛ see nɛ dagnik seem ɓɔri ma mi? Hin wɔrɔ da̧a̧kya̧ sɛw gɛ wɔrko. 22Yɛrɛ ɓɔryɔ, yɔ nɛ tuu a hinha̧a̧l du a aakil du nɛ wɛɛs Bɛt gbaarɛ ɔ̧ɔ̧, woos nɛ rɔb bɔ gin gaak gaatigi a Bɛt muutdu, wɛɛ yɔ̧ɔ̧sumɔ be gɛ za̧a̧tig faa. 23Ya̧a̧nɛ hinha̧a̧l dɔɔrɔɔsɔ gɛ: wɔrko; Bɛt gaasɔ tɔs be gɛ: za̧a̧tig faa bɔ a Waar wɛ Yeesu Kristu ge.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.