ROMA 7
7
ROMA 7
1Yɛ̧ɛ̧dɛ mi wɛ, nɛ mɛɛ hinyɔ ha̧a̧mi an mi dɔgsin bɛttɔnɔ. Mi book dood wɔ hi mɛɛ maakdɔgl hiya, nɛ maakdɔgl gi waak a doo zulha yɔ doo gɔ gi za̧a̧tili kpɔd ma mi? Lab gɛ ya?
2Yɔ anbɔ nis lool wɔy hi maakdɔgl bɔ gii a waltɔ ge yɔ gi za̧a̧tili; waltɔ gi wɔrɔ, nis bɔ zulɔ tuutu a maakdɔgl bɔ wɔg nɛ a waltɔ ge gedu. 3Yɔ anbɔ lab, gi lootin hi walza, yɔ waltɔ gi za̧a̧tili, hi elig a nis mansyayɔ; wɛɛ wal bɔ gi wɔrɔ, zulɔ tuu gɔ ma a lottins maakdɔgl bɔ gedu, yɔ anbɔ gi lootin hi wal za, taa a mans du ma.
4Gbunɔ giya, yɛ̧ɛ̧dɛ mi wɛ, anyɔ nɛ ɔks hi Kristu muulɔ, nɛɛ hɛw nɛ wɔr a maakdɔgl gbaŋgi an nɛ wɛɛs doo za dood ɔnɛ, Za̧a̧nyɔ rɛml a wɔrkɛ tees du, an wɛ woos Bɛt woos rɔbɛ. 5Yɔ anbɔ, yɔ wɛ ginɛ waak an doo hɛbtdi, ɗɔkum ha̧a̧l wɛ wɔ hi fu̧u̧ a maakdɔgl du, hi woohin a wɛ muul du an hi ka̧wɛ a wɔrk du.
6Yɛrɛ ɓɔri wɛ wɔr a maakdɔgl bɔ wɔ̀wɛ nɛ gi gbaŋgi, zul wɛ tuu gɔ ma aakil du. Yɔ anbɔ wɛ woosig Bɛt woosɔ hi gbɔnɔ sego an hinyɔ Bɛt Mɔkilɔ giwɛ raako, wɛ taa wook hi gbɔnɔ amnt bɔ an hinyɔ maakdɔgl bɔ bi̧i̧ nɛko. 7Gi an wɛ raa a nɔ? Maakdɔgl gi hinha̧a̧l ya? Taa nɛ anbɔ zaŋ! Yɛrɛ à maakdɔgl taa nɛ gɛ yɔ mi mɛ̄ɛ̄ hinha̧a̧l hinɔ gɛ. Ya̧a̧nɛ, à maakdɔgl dɔ̄g nɛ a bɔmɔ ɗɔkin hin gɛ gɛ, yɔ mi mɛɛ nɛ lɔlɗɔkum hinɔ gɛ.
8Hinha̧a̧l dag gbɔnɔ a hinyɔ maakdɔgl bɔ raa gedu an gi woo lɔlɗɔkum yɔ gi sɛw a mi kpoos du; maakdɔgl gi taa gɛ, hinha̧a̧l yɔ wɔɔrɔ, yɔ taan tɛŋko. 9Amntɔnɔ yɔ mi mɛɛ maakdɔgl kɛn gɛ mi waakwa; hɔnɛyɔ hinraak midɔ, hinha̧a̧l dag gbɔnɔ waak gɔ be. Mii mi wɔr be. 10Yɔ anbɔ mi zɛm hinraak bɔ ginɛ an gi gaa za̧a̧tigi, ka̧mi a wɔrk du. 11Ya̧a̧nɛ anyɔ hinha̧a̧l dag gbɔnɔ, maatim hi hinraak bɔ giya, wɛɛ gbɔmnimi.
12Maakdɔgl ɔnɛ gi hin gaatyɔ, hinraak hɛw gi hin gaatyɔ hi hin riiti, hi hinrɔbo. 13Hinyɔ bɛrɔ wɛɛsim minɛ wɔrkdak lɛl ya? Taa nɛ anbɔ zaŋ! Gi hinha̧a̧lɛ an hinɔ gi tuu an hinha̧a̧lɛ an gi gbɔ̧mi a hinyɔ bɛr gi dɔŋgo an hinha̧a̧l gi wɛɛ hinha̧a̧lɛ gi daarlɛl hi hinraaki.
14Ya̧a̧nɛ wɛ mɛɛ maakdɔgl gi hin mɔkilyayɔ. Wɛɛ mii be mi gi doo hɛbtdi yɔ hi zebrig a hinha̧a̧l du giya. 15Yɛrɛ mi mɛ̄ɛ̄ hinyɔ mi wook gɛ: wɛɛ hinyɔ ha̧a̧mi mi wōō hinɔ gɛ, wɛɛ hinyɔ ha̧a̧m nɛ gɛ zaŋ, mi wook hinɔ giya. 16Nɛ, an mi mɛɛ a mi gɔk hinyɔ ha̧a̧m gɔk gɛ, mi mɛks a gedu a mi ta̧a̧k maakdɔgl dɔglɔ a bɛɛrɔ. 17Nɛ yɔ anbɔ, mi taa gɔk hinɔ hi zul mi, hinha̧a̧l yɔ gi waak mi kpoos du gii gi hinɔ gɔko.
18Hinyɔ gi rɔbo, mi mɛɛ a taa waak a mi kpoos du, raakɔ a mi muul du, an doo hɛbtdi. Ha̧a̧m wook ɔnɛ, wɛɛ an gɔ mi woo hinrɔbo, mi ɗɛ̄ɛ̄ gɛ. 19Ya̧a̧nɛ, mi taa gɔk hin rɔb yɔ ha̧a̧mi, mi wɛɛ mi gɔk ha̧a̧l yɔ ha̧a̧mi gɛ. 20Wɛɛ gid mi gɔk hinyɔ ha̧a̧mi gɛ, mii taa gɔko, hinha̧a̧l yɔ gi waak mi kpoos du gii gi gɔko!
21Yɛrɛ mi zɛm a ri ya, a gɔ ha̧a̧mi rɔbgɔki, wɛɛ ha̧a̧lgɔk bɔ ɓaŋgimɓaŋgɔ. 22Ya̧a̧nɛ mi dak hat hi Bɛtmaakdɔgl bɔ an doo hi kpoosɔ gi mɔkugo. 23Wɛɛ mi gbɛnik ꞋꞋmaakdɔglꞋꞋ za a mi muul du, gi book nɔk hi kpoos mi ꞋꞋmaakdɔglyɔꞋꞋ, gim wɔk a ꞋꞋhinha̧a̧l maakdɔglꞋꞋ yɔ gi a mi muul du gedu.
24Yɛrɛ kay, mii doo ya̧a̧rhantya! Bɔ gi pidim a wɔrk muul yɛrɛ gedu? 25Mi baan Bɛto a Waar wɛ Yeesu Kristu nuŋg du! Gii gi pidimi! Hɔnɛ yɛrɛ mii be hi zul mi, mi gi woosig Bɛtmaakdɔglɔ woos hi kpoos mi, mɔkil doohɛbtya mi be gi ꞋꞋhinha̧a̧l maakdɔglꞋꞋ gbaaryɔ.
Currently Selected:
ROMA 7: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
ROMA 7
7
ROMA 7
1Yɛ̧ɛ̧dɛ mi wɛ, nɛ mɛɛ hinyɔ ha̧a̧mi an mi dɔgsin bɛttɔnɔ. Mi book dood wɔ hi mɛɛ maakdɔgl hiya, nɛ maakdɔgl gi waak a doo zulha yɔ doo gɔ gi za̧a̧tili kpɔd ma mi? Lab gɛ ya?
2Yɔ anbɔ nis lool wɔy hi maakdɔgl bɔ gii a waltɔ ge yɔ gi za̧a̧tili; waltɔ gi wɔrɔ, nis bɔ zulɔ tuutu a maakdɔgl bɔ wɔg nɛ a waltɔ ge gedu. 3Yɔ anbɔ lab, gi lootin hi walza, yɔ waltɔ gi za̧a̧tili, hi elig a nis mansyayɔ; wɛɛ wal bɔ gi wɔrɔ, zulɔ tuu gɔ ma a lottins maakdɔgl bɔ gedu, yɔ anbɔ gi lootin hi wal za, taa a mans du ma.
4Gbunɔ giya, yɛ̧ɛ̧dɛ mi wɛ, anyɔ nɛ ɔks hi Kristu muulɔ, nɛɛ hɛw nɛ wɔr a maakdɔgl gbaŋgi an nɛ wɛɛs doo za dood ɔnɛ, Za̧a̧nyɔ rɛml a wɔrkɛ tees du, an wɛ woos Bɛt woos rɔbɛ. 5Yɔ anbɔ, yɔ wɛ ginɛ waak an doo hɛbtdi, ɗɔkum ha̧a̧l wɛ wɔ hi fu̧u̧ a maakdɔgl du, hi woohin a wɛ muul du an hi ka̧wɛ a wɔrk du.
6Yɛrɛ ɓɔri wɛ wɔr a maakdɔgl bɔ wɔ̀wɛ nɛ gi gbaŋgi, zul wɛ tuu gɔ ma aakil du. Yɔ anbɔ wɛ woosig Bɛt woosɔ hi gbɔnɔ sego an hinyɔ Bɛt Mɔkilɔ giwɛ raako, wɛ taa wook hi gbɔnɔ amnt bɔ an hinyɔ maakdɔgl bɔ bi̧i̧ nɛko. 7Gi an wɛ raa a nɔ? Maakdɔgl gi hinha̧a̧l ya? Taa nɛ anbɔ zaŋ! Yɛrɛ à maakdɔgl taa nɛ gɛ yɔ mi mɛ̄ɛ̄ hinha̧a̧l hinɔ gɛ. Ya̧a̧nɛ, à maakdɔgl dɔ̄g nɛ a bɔmɔ ɗɔkin hin gɛ gɛ, yɔ mi mɛɛ nɛ lɔlɗɔkum hinɔ gɛ.
8Hinha̧a̧l dag gbɔnɔ a hinyɔ maakdɔgl bɔ raa gedu an gi woo lɔlɗɔkum yɔ gi sɛw a mi kpoos du; maakdɔgl gi taa gɛ, hinha̧a̧l yɔ wɔɔrɔ, yɔ taan tɛŋko. 9Amntɔnɔ yɔ mi mɛɛ maakdɔgl kɛn gɛ mi waakwa; hɔnɛyɔ hinraak midɔ, hinha̧a̧l dag gbɔnɔ waak gɔ be. Mii mi wɔr be. 10Yɔ anbɔ mi zɛm hinraak bɔ ginɛ an gi gaa za̧a̧tigi, ka̧mi a wɔrk du. 11Ya̧a̧nɛ anyɔ hinha̧a̧l dag gbɔnɔ, maatim hi hinraak bɔ giya, wɛɛ gbɔmnimi.
12Maakdɔgl ɔnɛ gi hin gaatyɔ, hinraak hɛw gi hin gaatyɔ hi hin riiti, hi hinrɔbo. 13Hinyɔ bɛrɔ wɛɛsim minɛ wɔrkdak lɛl ya? Taa nɛ anbɔ zaŋ! Gi hinha̧a̧lɛ an hinɔ gi tuu an hinha̧a̧lɛ an gi gbɔ̧mi a hinyɔ bɛr gi dɔŋgo an hinha̧a̧l gi wɛɛ hinha̧a̧lɛ gi daarlɛl hi hinraaki.
14Ya̧a̧nɛ wɛ mɛɛ maakdɔgl gi hin mɔkilyayɔ. Wɛɛ mii be mi gi doo hɛbtdi yɔ hi zebrig a hinha̧a̧l du giya. 15Yɛrɛ mi mɛ̄ɛ̄ hinyɔ mi wook gɛ: wɛɛ hinyɔ ha̧a̧mi mi wōō hinɔ gɛ, wɛɛ hinyɔ ha̧a̧m nɛ gɛ zaŋ, mi wook hinɔ giya. 16Nɛ, an mi mɛɛ a mi gɔk hinyɔ ha̧a̧m gɔk gɛ, mi mɛks a gedu a mi ta̧a̧k maakdɔgl dɔglɔ a bɛɛrɔ. 17Nɛ yɔ anbɔ, mi taa gɔk hinɔ hi zul mi, hinha̧a̧l yɔ gi waak mi kpoos du gii gi hinɔ gɔko.
18Hinyɔ gi rɔbo, mi mɛɛ a taa waak a mi kpoos du, raakɔ a mi muul du, an doo hɛbtdi. Ha̧a̧m wook ɔnɛ, wɛɛ an gɔ mi woo hinrɔbo, mi ɗɛ̄ɛ̄ gɛ. 19Ya̧a̧nɛ, mi taa gɔk hin rɔb yɔ ha̧a̧mi, mi wɛɛ mi gɔk ha̧a̧l yɔ ha̧a̧mi gɛ. 20Wɛɛ gid mi gɔk hinyɔ ha̧a̧mi gɛ, mii taa gɔko, hinha̧a̧l yɔ gi waak mi kpoos du gii gi gɔko!
21Yɛrɛ mi zɛm a ri ya, a gɔ ha̧a̧mi rɔbgɔki, wɛɛ ha̧a̧lgɔk bɔ ɓaŋgimɓaŋgɔ. 22Ya̧a̧nɛ mi dak hat hi Bɛtmaakdɔgl bɔ an doo hi kpoosɔ gi mɔkugo. 23Wɛɛ mi gbɛnik ꞋꞋmaakdɔglꞋꞋ za a mi muul du, gi book nɔk hi kpoos mi ꞋꞋmaakdɔglyɔꞋꞋ, gim wɔk a ꞋꞋhinha̧a̧l maakdɔglꞋꞋ yɔ gi a mi muul du gedu.
24Yɛrɛ kay, mii doo ya̧a̧rhantya! Bɔ gi pidim a wɔrk muul yɛrɛ gedu? 25Mi baan Bɛto a Waar wɛ Yeesu Kristu nuŋg du! Gii gi pidimi! Hɔnɛ yɛrɛ mii be hi zul mi, mi gi woosig Bɛtmaakdɔglɔ woos hi kpoos mi, mɔkil doohɛbtya mi be gi ꞋꞋhinha̧a̧l maakdɔglꞋꞋ gbaaryɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.