ROMA 5
5
ROMA 5
1Nɛ yɔ Bɛt seewɛ an dood riitɛ a gi muutdu a wɛ ɗɔbsig dɔŋgo, wɛ gin boolum gɔ hi gii a Waar wɛ Yeesu Kristu dɔŋgo. 2A Yeesu dɔŋgo, hi ɗɔbsig wɛ, wɛ ɗɛɛ an wɛ dag gbɔnɔ talk a gɛmsillɛl yɔ wɛ erk gedu a Bɛt dɔŋdi yɔ za̧a̧sɛ ya̧a̧r tɔs. Hinyɔ giwɛ hat gaako, yɔ wɛ gin mɔkil a wɛ́ dag Bɛt gbɔlumsɔ bɔ wɛnɛ giya.
3Gii kpɔd gɛ, wɛ gi dak hat hɛw a wɛ zɛksil du, yɔ anbɔ wɛ mɛɛ be a zɛksil gi kamz hinmɔŋki, 4hinmɔŋk be gi kamz ɗɛɛti, ɗɛɛt be gi kamz mɔkil-gbaaki. 5Mɔkil-gbaak bɔ gɔ maat doo gɛ, anyɔ Bɛt Mɔkilɔ gaawɛ Bɛt ha̧a̧tigɔ tal giwɛ kpoos du.
6Yɔ tɛŋk wɛ rı̄ı̄ nɛ an wɛ woo hinza ket gɛ an wɛ ɔɔ hinha̧a̧lɛ, Kristu wɔr a dood bɔbtin zulɛ a ɔ̧tyɔ hi dɛ̧ɛ̧ gedu. 7Ɓaaɓa an doo gi wɔr a doo yɔ rii gi zulɛ. Kinsa doo za kɔ̀t yɔ wɔr a doo rɔb za dɔŋg be. 8Yɛrɛ Bɛt gisɛ ha̧a̧tig ɔ̧ɔ̧n zuunik anyɔ Kristu wɔr wɛ zulɛ yɔ wɛ gi nɛ hinha̧a̧lyaadɛ gii kete.
9Yɛrɛ gid wɛ gi dood riitɛ a Bɛt muutdu a Kristu ga̧a̧mɔ bɔ gubr gi dɔŋgo, yɔ anbɔ, hinyɔ daarlɛl gbɔɔltɔnɔ gii gi za̧a̧sɛ a Bɛt nɔɔtigɔ bɔ gedu. 10Nɛyɔ wɛ da wɛ gi nɛ Bɛt lɔlhɛ̧ɛ̧nikyaadɛ kete, nɛ wɛ wɛɛ sa̧a̧mɔ a waaɔ bɔ wɔr a wɛ kal gi dɔŋg ma mi? Nɛ yɔ anbɔ, hinyɔ daar bɔrɔ lɛl gbɔɔltɔnɔ, yɔ wɛ gi sa̧a̧mɔ ɓɔri ma giya waaɔ bɔ za̧a̧tigɔ gii gi za̧a̧sɛ. 11Wɛ́ dāg hat a hin bɔrɔ gedu kpɔd gɛ, wɛ dag a ɔksig wɛ bɔ gedu hi Bɛto a Waar wɛ Yeesu Kristu yɔ wɛɛnɛ Bɛt saamɔ gi dɔŋgo.
12Ya̧a̧nɛ, anyɔ hinha̧a̧l gul a waal du a doo gbun bɔ nuŋgɔ a Àdamu gi dɔŋgo, wɔrk taz gɔ a hinha̧a̧l dɔŋgo, yɔ anbɔ wɔrk bɛbr naanɔ gɔ dood zulha sɛw anyɔ dood sɛw hi gɔ hinha̧a̧lɛ. 13Hinha̧a̧l tal a waaldu yɔ maakdɔgl da taa ket giya. Yɛrɛ, yɔ maakdɔgl da taa nɛ kete, Bɛt da ɓɛ̄r hinha̧a̧l gɛ. 14Hɔnɛyɔ Adamu ginɛ za̧a̧nyɔ gɔ gi zaa rittinsɔ, ha̧tir Bɛt ya̧a̧ɔ, woo hinha̧a̧lɛ, wɔrk dag tɛŋk gɔ a dood wɔ hí hā̧tir Bɛt ya̧a̧ɔ an Adamu gɛ hɛw hi zulha sɛw, tuur a Muusa ge.
15Yɛrɛ Adamu hin-a̧a̧bɔ rı̄ı̄ an hi goksin gaasyɔ Bɛt gaawɛ gii gɛ. Dood kittɔnɔ hi wɔr a hinha̧a̧l yɔ doo gbun da gɔ gi dɔŋgo. Bɛt gɛmsilɔ tɛŋk daar hinha̧a̧l tɛŋkɔ daar gbɔɔltɔnɔ, an gaas yɔ Bɛt gaa a dood kittɔnɔ, a doo gbun ge, gɛ a Yeesu Kristu gɛmsilɔ bɔ gi dɔŋgo.
16Bɛt gaasɔ bɔ daarin doo gbun hinha̧a̧lɔ tɛŋko. Bɛtdɔglɔgbaak bɔ a hin-a̧a̧b yɔ doo gbun da woo hage, hin-a̧a̧b bɔ mat dood sɛw. Yɛrɛ dood kittɔnɔ hi woo hin-a̧a̧bi, wɛɛ Bɛt gáásɔ ya̧a̧rtɔs rɔb bɔ wɛɛnihi hinrɔb wookyaadɛ. 17Hi rɔbo, doo gbun hin-a̧a̧bɔ gɔy an wɔrk gi dag tɛŋko a doo gbun bɔrɔ gi dɔŋgo. Yɛrɛ a doo za gbun dɔŋg ro, gɛ Yeesu Kristu, dood wɔ hi dag Bɛt gɛmsilɔ gbɔɔlɛ hi Bɛt gaasɔ yɔ wɛɛnihi dood riitɛ gi muutdu ya̧a̧rtɔs hi dag wááto hi za̧a̧tigi. Hinɔ daar hinha̧a̧l tɛŋkɔ daarɔ.
18Mi dɔg a dood sɛw hi wɛɛ hin-a̧a̧bwookyaadɛ a doo gbun yɔ gɔ hin-a̧a̧b gi dɔŋgo. Yɔ anbɔ Bɛt gii wɛɛ gi tuts dood zulya̧ aakil du sɛw gi wɛɛ gi gaahi za̧a̧tig a doo gbun yɔ woo hinyɔ rii gi dɔŋgo. 19Dood kittɔnɔ hi wɛɛ hinha̧a̧l-yaadɛ anyɔ doo gbun ha̧tir hinyɔ Bɛt raa. Yɔ anbɔ Bɛt gi ta̧a̧ dood kittɔnɔ anyɔ doo gbun kɛms Bɛt tɔnɛ.
20Maakdɔgl wɛɛ midɔ an hi tɔɔs hinha̧a̧lɛ. Yɛrɛ hinha̧a̧l hi hɔŋgɔ, Bɛt gɛmsilɔ gi wɛɛ gi hɔŋgɔ gi daarlɛl be. 21Anyɔ hinha̧a̧l gin nɛ tɛŋk dood zulha a wɔrk dɔŋgo, yɔ anbɔ Bɛt gɛmsilɔ tɛŋkɔ gi waak hinrɔb wooki gi midig za̧a̧tig faa yɔ wɛ dag a Waar wɛ Yeesu Kristu dɔŋgo.
Currently Selected:
ROMA 5: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
ROMA 5
5
ROMA 5
1Nɛ yɔ Bɛt seewɛ an dood riitɛ a gi muutdu a wɛ ɗɔbsig dɔŋgo, wɛ gin boolum gɔ hi gii a Waar wɛ Yeesu Kristu dɔŋgo. 2A Yeesu dɔŋgo, hi ɗɔbsig wɛ, wɛ ɗɛɛ an wɛ dag gbɔnɔ talk a gɛmsillɛl yɔ wɛ erk gedu a Bɛt dɔŋdi yɔ za̧a̧sɛ ya̧a̧r tɔs. Hinyɔ giwɛ hat gaako, yɔ wɛ gin mɔkil a wɛ́ dag Bɛt gbɔlumsɔ bɔ wɛnɛ giya.
3Gii kpɔd gɛ, wɛ gi dak hat hɛw a wɛ zɛksil du, yɔ anbɔ wɛ mɛɛ be a zɛksil gi kamz hinmɔŋki, 4hinmɔŋk be gi kamz ɗɛɛti, ɗɛɛt be gi kamz mɔkil-gbaaki. 5Mɔkil-gbaak bɔ gɔ maat doo gɛ, anyɔ Bɛt Mɔkilɔ gaawɛ Bɛt ha̧a̧tigɔ tal giwɛ kpoos du.
6Yɔ tɛŋk wɛ rı̄ı̄ nɛ an wɛ woo hinza ket gɛ an wɛ ɔɔ hinha̧a̧lɛ, Kristu wɔr a dood bɔbtin zulɛ a ɔ̧tyɔ hi dɛ̧ɛ̧ gedu. 7Ɓaaɓa an doo gi wɔr a doo yɔ rii gi zulɛ. Kinsa doo za kɔ̀t yɔ wɔr a doo rɔb za dɔŋg be. 8Yɛrɛ Bɛt gisɛ ha̧a̧tig ɔ̧ɔ̧n zuunik anyɔ Kristu wɔr wɛ zulɛ yɔ wɛ gi nɛ hinha̧a̧lyaadɛ gii kete.
9Yɛrɛ gid wɛ gi dood riitɛ a Bɛt muutdu a Kristu ga̧a̧mɔ bɔ gubr gi dɔŋgo, yɔ anbɔ, hinyɔ daarlɛl gbɔɔltɔnɔ gii gi za̧a̧sɛ a Bɛt nɔɔtigɔ bɔ gedu. 10Nɛyɔ wɛ da wɛ gi nɛ Bɛt lɔlhɛ̧ɛ̧nikyaadɛ kete, nɛ wɛ wɛɛ sa̧a̧mɔ a waaɔ bɔ wɔr a wɛ kal gi dɔŋg ma mi? Nɛ yɔ anbɔ, hinyɔ daar bɔrɔ lɛl gbɔɔltɔnɔ, yɔ wɛ gi sa̧a̧mɔ ɓɔri ma giya waaɔ bɔ za̧a̧tigɔ gii gi za̧a̧sɛ. 11Wɛ́ dāg hat a hin bɔrɔ gedu kpɔd gɛ, wɛ dag a ɔksig wɛ bɔ gedu hi Bɛto a Waar wɛ Yeesu Kristu yɔ wɛɛnɛ Bɛt saamɔ gi dɔŋgo.
12Ya̧a̧nɛ, anyɔ hinha̧a̧l gul a waal du a doo gbun bɔ nuŋgɔ a Àdamu gi dɔŋgo, wɔrk taz gɔ a hinha̧a̧l dɔŋgo, yɔ anbɔ wɔrk bɛbr naanɔ gɔ dood zulha sɛw anyɔ dood sɛw hi gɔ hinha̧a̧lɛ. 13Hinha̧a̧l tal a waaldu yɔ maakdɔgl da taa ket giya. Yɛrɛ, yɔ maakdɔgl da taa nɛ kete, Bɛt da ɓɛ̄r hinha̧a̧l gɛ. 14Hɔnɛyɔ Adamu ginɛ za̧a̧nyɔ gɔ gi zaa rittinsɔ, ha̧tir Bɛt ya̧a̧ɔ, woo hinha̧a̧lɛ, wɔrk dag tɛŋk gɔ a dood wɔ hí hā̧tir Bɛt ya̧a̧ɔ an Adamu gɛ hɛw hi zulha sɛw, tuur a Muusa ge.
15Yɛrɛ Adamu hin-a̧a̧bɔ rı̄ı̄ an hi goksin gaasyɔ Bɛt gaawɛ gii gɛ. Dood kittɔnɔ hi wɔr a hinha̧a̧l yɔ doo gbun da gɔ gi dɔŋgo. Bɛt gɛmsilɔ tɛŋk daar hinha̧a̧l tɛŋkɔ daar gbɔɔltɔnɔ, an gaas yɔ Bɛt gaa a dood kittɔnɔ, a doo gbun ge, gɛ a Yeesu Kristu gɛmsilɔ bɔ gi dɔŋgo.
16Bɛt gaasɔ bɔ daarin doo gbun hinha̧a̧lɔ tɛŋko. Bɛtdɔglɔgbaak bɔ a hin-a̧a̧b yɔ doo gbun da woo hage, hin-a̧a̧b bɔ mat dood sɛw. Yɛrɛ dood kittɔnɔ hi woo hin-a̧a̧bi, wɛɛ Bɛt gáásɔ ya̧a̧rtɔs rɔb bɔ wɛɛnihi hinrɔb wookyaadɛ. 17Hi rɔbo, doo gbun hin-a̧a̧bɔ gɔy an wɔrk gi dag tɛŋko a doo gbun bɔrɔ gi dɔŋgo. Yɛrɛ a doo za gbun dɔŋg ro, gɛ Yeesu Kristu, dood wɔ hi dag Bɛt gɛmsilɔ gbɔɔlɛ hi Bɛt gaasɔ yɔ wɛɛnihi dood riitɛ gi muutdu ya̧a̧rtɔs hi dag wááto hi za̧a̧tigi. Hinɔ daar hinha̧a̧l tɛŋkɔ daarɔ.
18Mi dɔg a dood sɛw hi wɛɛ hin-a̧a̧bwookyaadɛ a doo gbun yɔ gɔ hin-a̧a̧b gi dɔŋgo. Yɔ anbɔ Bɛt gii wɛɛ gi tuts dood zulya̧ aakil du sɛw gi wɛɛ gi gaahi za̧a̧tig a doo gbun yɔ woo hinyɔ rii gi dɔŋgo. 19Dood kittɔnɔ hi wɛɛ hinha̧a̧l-yaadɛ anyɔ doo gbun ha̧tir hinyɔ Bɛt raa. Yɔ anbɔ Bɛt gi ta̧a̧ dood kittɔnɔ anyɔ doo gbun kɛms Bɛt tɔnɛ.
20Maakdɔgl wɛɛ midɔ an hi tɔɔs hinha̧a̧lɛ. Yɛrɛ hinha̧a̧l hi hɔŋgɔ, Bɛt gɛmsilɔ gi wɛɛ gi hɔŋgɔ gi daarlɛl be. 21Anyɔ hinha̧a̧l gin nɛ tɛŋk dood zulha a wɔrk dɔŋgo, yɔ anbɔ Bɛt gɛmsilɔ tɛŋkɔ gi waak hinrɔb wooki gi midig za̧a̧tig faa yɔ wɛ dag a Waar wɛ Yeesu Kristu dɔŋgo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.