ROMA 4
4
ROMA 4
1Gi an wɛ dɔg nɔ a yaa wɛ Abraham zulha nɔ? Dag nɔ hinɔ? 2Gid Bɛt ta̧a̧ Abraham a woosɔ wɔ gi dɔŋgo, gi anbɔ ɗɛɛ an gi tɔɔs zulɔ, taa a Bɛt muutdu ɔnɛ. 3Bɛt ɗɛɛrwolɔ raa a nɔ? Raa
a Abraham gbaa kpoosɔ a Bɛt ge, Bɛt wɛɛ seeg an doo riiti anyɔ ɗɔbsɔ.
4Yɔ anbɔ be, za̧a̧nyɔ gi wookwoosɛ, hi toog tusɔ, tusɔ bɔ tookɔ taa an gaasɛ, gi an hinyɔ rii an gi dag giya. 5Wɛɛ an za̧a̧nyɔ taa wooswook gɛ, gi gi kpoosɔ gbaak a Bɛt yɔ gig ɗɔbsig ge, a Bɛtyɔ gɔ gi ta̧a̧k dood ha̧a̧l ge, Bɛt taasig hinha̧a̧lɔ ɓɛrko, gi an doo riityɔ a gi muut du a ɗɔbsigɔ bɔ gi dɔŋgo. 6Ya̧a̧ɔ gii Dawda gi boo doo za hatɔ dɔglɛ, Bɛt gi ta̧a̧g an doo riiti, sēē woosɔ dɔgl gɛ, gi raa:
7a hat gi a dood wɔ Bɛt bitsihi hin-a̧a̧bya̧ hi, gi wɛɛ gi yaat hinha̧a̧lya̧. 8Hat gi a za̧a̧nyɔ Waar Bɛt ɓɛr hinha̧a̧lɔ gɛ ge!
9Hat bɔrɔ gis dɔmbɛ wɔ hii kpɔd ya, zaabe kpaarɛ wɔ hɛw ya? Wɛ raa a Abraham yɔ ɗɔbs Bɛto, Bɛt see gii an doo riit a gi muutdu.
10Bɛt seeg ri an doo riit nɔ? Seege yɔ nab ket ya, zaabe yɔ gi kpaar ket ya ri? Da nabdir nɛ gɛ, da gi kpaari kete. 11Abraham dag dɔms bɔ an hinmɛɛnikya, an ɗɛntɛ sɔɔlɛ. Dɔmsɔ gi zuunik a Bɛt seeg an doo riiti anyɔ ɗɔbsige yɔ gi nɛ kpaari. Yɔ anbɔ, Abraham wɛɛ kpaarɛ wɔ hi ɗɔbs Bɛto baaya̧ giya, Bɛt wɛɛ seehi be an dood riitɛ a gi muutdu.
12Abraham gi dɔmbɛ wɔ baaya̧ gii hɛw, raakɔ a dood wɔ hi dag dɔms hii kpɔd gɛ, gɛ wɔ hi fɔk Baa wɛ Abraham ɗɔbsugɔ bɔ yɔ ginɛ kpaari. 13Bɛt raa Abraham a gii hi waatɔ bé gaahi waalɛ. Rāā anbɔ a maakdɔgl yɔ gi fɔk gi dɔŋg gɛ, raa a gi gaag anyɔ ɗɔbsɔ gi wɛɛ doo riit a gi muutdu.
14Yɛrɛ à ginɛ an Bɛtmaakdɔgl fɔkya wɔ hi dag hinyɔ Bɛt raa a bé gaa, yɔ anbɔ ɗɔbsig wɛ yɔ gi hintɔsyɔ, hinyɔ Bɛt raa nɛ a gi gaa ma yɔ ha̧a̧tir ma. 15Anyɔ dood gɔ hi Bɛtmaakdɔglɔ ɗa̧a̧ko Bɛtmaakdɔgl gɔ kamz Bɛt gabsɛ. Wɛɛ lɛlyɔ maakɗɔgl taa ge gɛ, maakdɔgl-inik taa lɛlɔge be. 16Ya̧a̧nɛ, Bɛt gi raa a gi gaa dood waal bɔ a hi ɗɔbsig dɔŋgo an hinɔ gi wɛɛ gaas ya̧a̧rtɔs, an hinyɔ Bɛt raa a bé woos Abraham waatɔ sɛw gi er a Bɛt kpoosɔ rɔb ha. Taa an hinɔ gi gis dood wɔ hi fɔk Bɛtmaak gii kpɔdi, gi gis dood wɔ hi ɗɔbs an Abraham hɛw. Abraham gi baa wɛ gii sɛw 17anyɔ Bɛt ɗɛɛrwolɔ raa
a be wɛɛnum dood hɛbt kittɔnɔ baa ya̧nɛ.
Gi baa wɛ a Bɛt yɔ ɗɔbsig gi muut du, Za̧a̧nyɔ gi wɛnsig wɔrkɛ kolya̧, wɛɛ gi elik hinyɔ taa nɛ gɛ an hinɔ gi giro. 18Abraham ɗɔbs Bɛto gbaa mɔkilɔ a ge, yɔ da mɔkilgbaak taa nɛ gɛ, ya̧a̧nɛ gi wɛɛ dood hɛbt kittɔnɔ baaya̧ anyɔ Bɛt da raage
a dɔ̧ɔ̧t mɔ gi gi anbɔ.
19Abraham da gin nɛ wɛl sɛ̧ɛ̧b tuurik tɛmɛrɛ gbunu, sēē an muulɔ ɔ̧ɔ̧sɔ, nistɔ Saratu be, wɔm da̧a̧da̧, taa an gi wɛɛ gi dag waa be. An gbɛn anbɔ si̧, mɔ̄ɔ̄ ɗɔbsugɔ gɛ, 20Ɔ̄ɔ̄ Bɛt ɗɔbsig gɛ, fāā hinyɔ Bɛt raa a gi gaag gɛ. Ɗɔbsugɔ bɔ gaag tɛŋko, gi baanik Bɛto. 21Ta̧a̧ hi kpoosɔ sɛw a Bɛt gin tɛŋko an gi woo hinyɔ da raa nɛko.
22Ya̧a̧nɛ Bɛt gi see hinɔ an gi doo riiti a gi muutdu. 23Yɛrɛ raak bɔ a Bɛt seeg an doo riityɔ, hi bı̧̄ı̧̄s gii hinɔ kpɔd gɛ. 24Bi̧i̧ys wɛɛ yɔ Bɛt gɔ gi seewɛ an dood riitɛ a gi muutdu hɛw, wɛɛ yɔ wɛ ɗɔbsig za̧a̧nyɔ rɛms Waar wɛ Yeesu a wɔrkɛ tees du. 25Bɛt gaag wɔrk naan du a wɛ hinha̧a̧l dɔŋgo, wɛɛ rɛmsig a wɔrkɛ tees du an gi wɛɛnɛ dood riitɛ ro a gi muutdu.
Currently Selected:
ROMA 4: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
ROMA 4
4
ROMA 4
1Gi an wɛ dɔg nɔ a yaa wɛ Abraham zulha nɔ? Dag nɔ hinɔ? 2Gid Bɛt ta̧a̧ Abraham a woosɔ wɔ gi dɔŋgo, gi anbɔ ɗɛɛ an gi tɔɔs zulɔ, taa a Bɛt muutdu ɔnɛ. 3Bɛt ɗɛɛrwolɔ raa a nɔ? Raa
a Abraham gbaa kpoosɔ a Bɛt ge, Bɛt wɛɛ seeg an doo riiti anyɔ ɗɔbsɔ.
4Yɔ anbɔ be, za̧a̧nyɔ gi wookwoosɛ, hi toog tusɔ, tusɔ bɔ tookɔ taa an gaasɛ, gi an hinyɔ rii an gi dag giya. 5Wɛɛ an za̧a̧nyɔ taa wooswook gɛ, gi gi kpoosɔ gbaak a Bɛt yɔ gig ɗɔbsig ge, a Bɛtyɔ gɔ gi ta̧a̧k dood ha̧a̧l ge, Bɛt taasig hinha̧a̧lɔ ɓɛrko, gi an doo riityɔ a gi muut du a ɗɔbsigɔ bɔ gi dɔŋgo. 6Ya̧a̧ɔ gii Dawda gi boo doo za hatɔ dɔglɛ, Bɛt gi ta̧a̧g an doo riiti, sēē woosɔ dɔgl gɛ, gi raa:
7a hat gi a dood wɔ Bɛt bitsihi hin-a̧a̧bya̧ hi, gi wɛɛ gi yaat hinha̧a̧lya̧. 8Hat gi a za̧a̧nyɔ Waar Bɛt ɓɛr hinha̧a̧lɔ gɛ ge!
9Hat bɔrɔ gis dɔmbɛ wɔ hii kpɔd ya, zaabe kpaarɛ wɔ hɛw ya? Wɛ raa a Abraham yɔ ɗɔbs Bɛto, Bɛt see gii an doo riit a gi muutdu.
10Bɛt seeg ri an doo riit nɔ? Seege yɔ nab ket ya, zaabe yɔ gi kpaar ket ya ri? Da nabdir nɛ gɛ, da gi kpaari kete. 11Abraham dag dɔms bɔ an hinmɛɛnikya, an ɗɛntɛ sɔɔlɛ. Dɔmsɔ gi zuunik a Bɛt seeg an doo riiti anyɔ ɗɔbsige yɔ gi nɛ kpaari. Yɔ anbɔ, Abraham wɛɛ kpaarɛ wɔ hi ɗɔbs Bɛto baaya̧ giya, Bɛt wɛɛ seehi be an dood riitɛ a gi muutdu.
12Abraham gi dɔmbɛ wɔ baaya̧ gii hɛw, raakɔ a dood wɔ hi dag dɔms hii kpɔd gɛ, gɛ wɔ hi fɔk Baa wɛ Abraham ɗɔbsugɔ bɔ yɔ ginɛ kpaari. 13Bɛt raa Abraham a gii hi waatɔ bé gaahi waalɛ. Rāā anbɔ a maakdɔgl yɔ gi fɔk gi dɔŋg gɛ, raa a gi gaag anyɔ ɗɔbsɔ gi wɛɛ doo riit a gi muutdu.
14Yɛrɛ à ginɛ an Bɛtmaakdɔgl fɔkya wɔ hi dag hinyɔ Bɛt raa a bé gaa, yɔ anbɔ ɗɔbsig wɛ yɔ gi hintɔsyɔ, hinyɔ Bɛt raa nɛ a gi gaa ma yɔ ha̧a̧tir ma. 15Anyɔ dood gɔ hi Bɛtmaakdɔglɔ ɗa̧a̧ko Bɛtmaakdɔgl gɔ kamz Bɛt gabsɛ. Wɛɛ lɛlyɔ maakɗɔgl taa ge gɛ, maakdɔgl-inik taa lɛlɔge be. 16Ya̧a̧nɛ, Bɛt gi raa a gi gaa dood waal bɔ a hi ɗɔbsig dɔŋgo an hinɔ gi wɛɛ gaas ya̧a̧rtɔs, an hinyɔ Bɛt raa a bé woos Abraham waatɔ sɛw gi er a Bɛt kpoosɔ rɔb ha. Taa an hinɔ gi gis dood wɔ hi fɔk Bɛtmaak gii kpɔdi, gi gis dood wɔ hi ɗɔbs an Abraham hɛw. Abraham gi baa wɛ gii sɛw 17anyɔ Bɛt ɗɛɛrwolɔ raa
a be wɛɛnum dood hɛbt kittɔnɔ baa ya̧nɛ.
Gi baa wɛ a Bɛt yɔ ɗɔbsig gi muut du, Za̧a̧nyɔ gi wɛnsig wɔrkɛ kolya̧, wɛɛ gi elik hinyɔ taa nɛ gɛ an hinɔ gi giro. 18Abraham ɗɔbs Bɛto gbaa mɔkilɔ a ge, yɔ da mɔkilgbaak taa nɛ gɛ, ya̧a̧nɛ gi wɛɛ dood hɛbt kittɔnɔ baaya̧ anyɔ Bɛt da raage
a dɔ̧ɔ̧t mɔ gi gi anbɔ.
19Abraham da gin nɛ wɛl sɛ̧ɛ̧b tuurik tɛmɛrɛ gbunu, sēē an muulɔ ɔ̧ɔ̧sɔ, nistɔ Saratu be, wɔm da̧a̧da̧, taa an gi wɛɛ gi dag waa be. An gbɛn anbɔ si̧, mɔ̄ɔ̄ ɗɔbsugɔ gɛ, 20Ɔ̄ɔ̄ Bɛt ɗɔbsig gɛ, fāā hinyɔ Bɛt raa a gi gaag gɛ. Ɗɔbsugɔ bɔ gaag tɛŋko, gi baanik Bɛto. 21Ta̧a̧ hi kpoosɔ sɛw a Bɛt gin tɛŋko an gi woo hinyɔ da raa nɛko.
22Ya̧a̧nɛ Bɛt gi see hinɔ an gi doo riiti a gi muutdu. 23Yɛrɛ raak bɔ a Bɛt seeg an doo riityɔ, hi bı̧̄ı̧̄s gii hinɔ kpɔd gɛ. 24Bi̧i̧ys wɛɛ yɔ Bɛt gɔ gi seewɛ an dood riitɛ a gi muutdu hɛw, wɛɛ yɔ wɛ ɗɔbsig za̧a̧nyɔ rɛms Waar wɛ Yeesu a wɔrkɛ tees du. 25Bɛt gaag wɔrk naan du a wɛ hinha̧a̧l dɔŋgo, wɛɛ rɛmsig a wɔrkɛ tees du an gi wɛɛnɛ dood riitɛ ro a gi muutdu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.