HINWƆ HI MITS YOHANA 10
10
HINWƆ HI MITS YOHANA 10
1Kuudu mi wɛɛ mi gbɛn Bɛtwalsɛr za tɛŋkya gi sizig bɛtha gin kuus a muulɛ hi kal bɛlpɛɛrya zulha, muutɔ gi gaak an ɔ̧ti, dɔɔɔ wɔ an laazebt kimto, 2gi wa̧a̧k ɗɛɛrwol ka̧a̧k wans a naan du gbooriki. Gbaa dɔɔɔ rɔb bɔ a mɛmbal gbɔɔl ha, dɔɔɔ yɛ̧l bɔ gbaa a hɛbt ha, 3wɛɛ ɓooya̧a̧ ha̧a̧ltɔnɔ an naamnɔɔ gi hirko. Yɔ anbɔ bɛlya̧a̧sɛɛk nɔɔn-erɛ hi ta̧a̧ hi dɔnɔ. 4Yɔ bɛlya̧a̧sɛɛk nɔɔn-er wɔ hi dɔn anbɔ, mi yɛɛlik nɛ hinɔ bi̧i̧kyɔ, wɛɛ mi lag ya̧a̧ za boozum bɛtha:
a hinwɔ bɛlya̧a̧sɛɛk wɔ hi dɔgɔ, a̧a̧m dɔglɔ mɔ buudu, bɔmɔ bi̧i̧.
5Wɛɛ Bɛtwalsɛr bɔ mi gbɛnig nɛ gi erk a mɛmbal gbɔɔl ha hi hɛbtha pɛɛ naanrɔbɔ bɛtha, 6dɛŋglhin hi Bɛto za̧a̧nyɔ gi za̧a̧k wɛlɛ hi wɛlɛ nuŋgɔ, Za̧a̧nyɔ kim bɛtha hi hinwɔ hi gi gedu sɛw, hɛbtdi hi hinwɔ gi duge sɛw, mɛmbal gbɔlɛ wɔ hi hinwɔ hi gi duge sɛw. Bɛtwalsɛr bɔ raa:
a hinyɔ gɔ gi wooy yɛrɛ gi wooy ma ɓɔryɔ, taa zaa aŋk ma.
7Yɛrɛ a ɔ̧tyɔ Bɛtwalsɛr nɔɔn-esum bɔ gɔ gi ul pɔ̧rɔ gedu, Bɛt gi da̧a̧s dɔglɔ hinmɛɛkya dubt bɔ da dɔks nɛ gbaarɛ ɔ̧ɔ̧ ya̧a̧kɛŋkya wɔ. 8Kuudu ya̧a̧boon bɔ mi lāgz nɛ a bɛtha wɛɛ boozim raami:
a rekum mɔ loo ɗɛɛrwol ka̧a̧k bɔ hi kpɛ̧ɛ̧r gi gi a Bɛtwalsɛr bɔ er a mɛmbal ha hi hɛbtha gi naan du.
9Mi rek gɔ a Bɛtwalsɛr bɔ ge mi warige an gi gaam ɗɛɛrwol wans bɔ naan du. Gii wɛɛ raami:
a loom mɔ tɔbɔ mɔ i̧i̧ buudu. Gi zoob mɔ buudu, a mɔ ya̧a̧ du gi hɛ̧ɛ̧m an hɔ̧dkurumi.
10Mi loo ɗɛɛrwol bɔ mi tɔb mi i̧i̧ buudu. Hɛ̧ɛ̧m mi ya̧a̧ du an hɔ̧dkurumi, wɛɛ yɔ mi bɛɛ i̧i̧k buudu, zobs buu mi zobsɔ. 11Yɔ anbɔ hi wɛɛ hi raami:
a gi an mɔ wɛɛ mɔ dɔks dood hinyɔ Bɛt raa a dood kit zulha, an dood dɔ̧ɔ̧t sɔmsɔm, hi waalɛ hi ya̧a̧boon sɔmsɔm, hi waar ɛ gbɔlɛ wɔ hi ɗɔbsɔ.
Currently Selected:
HINWƆ HI MITS YOHANA 10: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
