EFESU 6

1Nɛɛ ya̧a̧mwaat wɛ, a ɔksig nɛ bɔ hi Waar wɛ Yeesu gedu, lagsin baa nɛ hi nàà nɛ hii tɔnɛ, hinɔ gii rii. 2Ya̧a̧nɛ, Bɛt ɗɔgl raa

a ɗɔbsum baa mɔ hi nàà mɔ,

hinɔ gii gi dɔgl doos yɔ ɔksin hinyɔ Bɛt raa a gi woo,

3an hinɔ gi resum rɔbtɔnɔ, an yɛ̧ms mɔ gi zi̧i̧b hɛbtdi.

4Nɛya, baa wɛ, bɔnɛ nɔɔs waat nɛ kpoosɛ, kaŋkinɛhi, boonɛhi, gogsinɛhi hinɛ anyɔ Waar Bɛt ha̧a̧ge. 5Nɛɛ gbaarɛ wɛ, lagsin ɗɛntɛ nɛ wɔ a waal du tɔn hi hoobo, hi kpoosbeeki, hi kpoos nɛ gbunu anyɔ nɛ lagsig Kristu. 6Woon an Kristu woosɔya rɔbɛ wɔ hi fɔk Bɛto hi hinyɔ ha̧a̧g hi kpoos rɔbo, bɔnɛ woo a hi lɔlgbar kpɔd an dood gɔ hi gbɛn gi harihi.

7Woosin ɗɛntɛ nɛ wɔ woos rɔbtɔnɔ hi hato an nɛ gi nɛ woosig Waar Yeesu ɔ̧ɔ̧nɛ, taa an nɛ woosig dood ya̧a̧nɛ. 8Nɛ mɛɛ a hinyɔ doo gi wook sɛw, gigi gbaari, zaabe gi taa gbaar gɛ, hinza gɔnig gɛ, za̧a̧nɔ gi dag hinyɔ woo rɔbtɔnɔ dɔɔrɔɔsɔ a Waar Yeesu ge. 9Nɛɛ be, ɗɛntɛ wɛ, woonhin gbun bɔ gii a hi gbaŋgi, bɔnɛ ya̧ksihi lɔlɛ, wɛ mɛɛ a ɗɛntya̧ hi ɗɛnt nɛnɛ gi a bɛtha. Wɛɛ a gi muutdu doo gɛ̧ksig taaro. 10Yɔ̧ɔ̧sumɔ, nɛya waan tɛŋk nɛ i̧i̧ki hi Waar Yeesu fɔkɔ a tɛŋkɔ yɔ ɗɛɛ gedu.

11Hegin Bɛt wɔdɔ nɔkgɔnikya wɔ muul sɛw an nɛ dag tɛŋk enuko hi an nɛ ɗɛɛn loorɛha̧a̧l kɛ̧ɛ̧tig wɔ gɔ sɔɔtin doodɛ hi woosɔ maatilya wɔ. 12Ya̧a̧nɛ wɛ taa wook gabs hi doo, wɛ wook hi tɛŋk gbɔlɛ wɔ hi gi bɛtha, hi lɛlwil bɔ waar ɛ ɔ̧ɔ̧ wɔ hi gi a waalidu hi mɔkil ha̧a̧l wɔ hi gi a bɛtha waalɔ du. 13Ya̧a̧nɛ loon Bɛt nɔkwɔdɔ wɔ sɛw an nɛ dagn tɛŋk a ɔ̧t ha̧a̧l bɔ gedu nɛ er hi kpoos nɛ gbunu gɔ nɛ da̧a̧s hin sɛw.

14Erin hi kpoos gbunu, malin rɔb yɔ gi an hi̧i̧lɛ a nɛ seedu, hegin hinriit nɔkwɔd gbandil nɛ hɔŋha. 15Ɛmbinnɛ Yeesu Dɔglɔ Rɔb bɔ yɔ gi gaak dood boolum a kpoos du, hegin gii an taal a dɔɔ du. 16Loon ɗɔbsig gɔŋk gbɔɔlɛ a hin wɔrɔ geha sɛw an nɛ nimn loorɛha̧a̧l bɔ seeɔ wɔ hi kabzig an laazebti; 17loon za̧a̧tig danɛ kubtin tusya bɔ hi Bɛt Mɔkilɔ daŋbɛsimɔ yɔ gi Bɛt dɔglɛ.

18Waan Bɛt zɔ̧ki hi kpoos nɛ sɛw anyɔ Bɛt Mɔkilɔ goksinɛ. Kpoos nɛ waag a geha hi mɔkil nɛ sɛw, zɔ̧bsin Bɛt doodɔ wɔ hi gi sɛw Bɛto. 19Zɔ̧bsin mii hɛw Bɛto an gi gaam tɛŋko gɔ mi kpɛ̧ɛ̧r ya̧a̧ mi, hi kpoos ɓaasigi, mi dɔks dood Dɔgl Rɔb dubt yɔ doo mɛɛ gɛ mi wadsihi hinɔ bɛttɔnɔ. 20Mi gi Yeesu dɔglɔ tɔmsya an mi woowoosɔ giya. Ya̧a̧nɛ hi wa̧a̧nim ba̧a̧ntusɛ. Zɔ̧bsinmi Bɛto an gi gaam tɛŋko, an mi book dɔglɔ hi walumsɛ.

21Tikikus, saam mi yɔ ha̧a̧m a ge hi Bɛt hato, woosya yɔ gi wook Waar Yeesu woosɔ hi tɛŋko gi raasin hin sɛw an nɛɛ hɛw nɛ mɛɛ ɗɔɔtil mi hi hinyɔ mi wooko. 22Mi gig nak yaak a nɛɛge an nɛ mɛɛ ɗɔɔtil wi, gi wɛɛ gi dɔksin hinɛ an kpoos nɛ gi kusɔ. 23Yɛ̧ɛ̧dɛ wɛ, an Baa Bɛto hi Waar wɛ Yeesu Kristu hi gaanɛ boolumi hi hato, hi ɗɔbsigi. 24An gɛmsil gi gi hi dood wɔ ha̧a̧hi Waar wɛ Yeesu Kristu hi ha̧a̧tig yɔ gɔ kug gɛ hi zulha sɛw. Aanbɔ!

Currently Selected:

EFESU 6: NTD

Highlight

Copy

Compare