1 TIMƆTE 2

1Hinyɔ mi yɛɛl mi ɓatsig Yeesu fɔkya wɔ kpoos an hi woo: gɛ a warinɛ, zɔ̧nɛ, baanin Bɛto a dood zulha sɛw. 2Wasin waar ɛ nɛ gbɔlɛ wɔ hi dood wɔ hi gin tɛŋk sɛw hin a Bɛt ge an wɛ ɗɔɔt rɔbtɔnɔ a saŋtum du hi Bɛt fɔk hi gbɔnɔ hi waabil gaati.

3Hinyɔ bɛrɔ gi har Bɛt Za̧a̧sigya wɛ giibɔ. 4Bɛt ha̧a̧g an dood sɛw hi za̧a̧za̧ hi mɛɛ rɔbo. 5Ya̧a̧nɛ Bɛt gi gbunu, wɛɛ doo gbun ro gi gi tɔmsya a wɛ teesdu hi Bɛto: gɛ doo bɔ Yeesu Kristu. 6Gaa zulɔ an i̧i̧nisɛ a dood dɔŋg sɛw an gi za̧a̧sihi, wɛɛ yaaz segyaadɛ an hi boo dɔglɔ a ɔ̧tyɔ Bɛt dɛ̧ɛ̧ gedu.

7Bɛt yɔ her mii an segya a hin wɔrɔ hi dɔŋgo, gaam woosɛ an dɔglɔdɔkya hi tɔmsya -mí gɔ̧ɔ̧ya̧a̧ gɛ, mi dɔk rɔbo hi hingokya a dood wɔ hi taa Yahuduyaadɛ gɛ hi teesdu an mi gogsihi hinyɔ gi fɔk ɗɔbsig dɔglɛ hi rɔb dɔglɛ. 8Ya̧a̧ giya, ha̧a̧m an walɛ hi zɔ̧k Bɛt a lɛlyɔ gɔ hi zɔ̧b Bɛt ge sɛw, hi pɛɛ naanya̧ a Bɛt ge hi kpoosya̧ gaati, bɔ nɔɔtig gi giro, zaabe hinfaltingo.

9Gbunɔ, ha̧a̧mi an nɛɛd wɔ hi gi semyaadɛ hi zulhɔnikyaadɛ, hi heg gbandilya̧ rɔbtɔnɔ anyɔ rii. Bɔhi haŋg zulya̧ hi kɔ̧ɔ̧tig gaat yɔ hi gɔn hɛɛlmɔto, zaabe rooti hi gbandil rɔbɛ wɔ hi bɛr hi daarlɛl tusya̧ gi sa̧a̧. 10Wɛɛhi hi heg woos rɔbɛ wɔ anyɔ ri̧i̧s nɛɛd wɔ gɔ hi raahi a ɛmbilya̧ rɔb bɔ tɔɔs Bɛt nuŋgɔ.

11Nɛɛd wɔ kɛ̧hi hinyɔ hi gisihi gok hititi hi zultiisig rɔbtɔnɔ. 12Mí gāā gbɔnɔ an nis gi goghinɛ zaabe gi wɛɛ waar a walɛ zulha gɛ. Yɛgi kɔm sob. 13Ya̧a̧nɛ Bɛt kim Àdamu gii doosi, wɛɛ kim Hawwa a kuudu. 14Saydanu māāt Adamu gii doos gɛ, maat nis bɔ Hawwa gii gi mat a hinha̧a̧l du. 15Bɛɛ anbɔ Bɛt gi za̧a̧s nis bɔ a waat mɔɔk dɔŋgo. Hin gbunu: waahi a ɗɔbsig du hi a hat du hi waabil gaati hi zulhɔniki.

Currently Selected:

1 TIMƆTE 2: NTD

Highlight

Copy

Compare