1 TESALONIKI 4
4
1 TESALONIKI 4
1A hinyɔ zɛ̧ɛ̧r gedu, yɛ̧ɛ̧dɛ mi wɛ, anyɔ wi gogsin ɗɔɔtil yɔ gi an nɛ ɗɔɔtɔ an nɛ has Bɛt kpoosɔ, nɛ waak ɗɔɔtig anbɔ. Yɛrɛ ɓɔryɔ, wi ɛrinɛ wi gin tɛŋk gaak a ɔksil wɛ bɔ hi Waar Yeesu gedu, wɛɛn nɛ woo du anbɔ ɓɛ, gi daar lɛlɛ. 2Nɛ mɛɛ dɔgl wɔ wi gaanɛ hi Waar Yeesu tɛŋkɔ. 3Yɛrɛ hinyɔ Bɛt ha̧a̧g gɛrɛ: wɛɛn dood gaatɛ a gi muutdu, ɔɔn mansdɔglɛ.
4Doo yɔ gi sɛw mɛɛg muulɔ gbaak rɔbtɔnɔ gaattɔnɔ hi ɗɔbsigi. 5Bɔgi gin muulɗɔkum ha̧a̧lɛ an dood wɔ hi mɛɛ Bɛt gɛ gɔ hi wooko. 6Bɔ doo gi gɔs naaza hin-a̧a̧bi, bɔgi wɛɛs naaza ruu, bɔgi gɔ mans hi naaza nisɛ. Amntɔnɔ wi da wi raanra, wi dɔgsin bɛttɔnɔ nɛ mɛɛ be: a Waar Bɛt gi gbaas dood wɔ hi wookhin anbɔ dɔglɛ.
7Bɛt ēlɛ an wɛ waa a ɓi̧i̧lim du gɛ, elɛ an wɛ waa a gaatig du. 8Ya̧a̧ giya, za̧a̧nyɔ bis dɔgl yɛrɛ taa doo bisugo, bis Bɛt yɔ gin gaak Mɔkilɔ giya. 9An hinyɔ gi seek ha̧a̧tig dɔgl a yɛ̧ɛ̧dums du, a Yeesu ɗɔbsig du, taa an doo gi bi̧i̧sin hin a gi ha̧a̧nɛ a yɛ̧ɛ̧dɛ Yeesu fɔkya muulɛ, nɛ mɛɛ hinɔ da̧a̧da̧. Yɔ anbɔ, nɛɛ hi zul nɛ, Bɛt gogsin ha̧a̧tig yɔ gi an gi ha̧a̧tinnɛ. 10Nɛ wook anbɔ ro a yɛ̧ɛ̧dɛ wɔ hi gi a Makeduniya hɛbt du sɛw hi gbaŋgi. Yɛrɛ yɛ̧ɛ̧dɛ mi wɛ, wi gisin kpoos ɓaasig an nɛ woo gi daar bɔrɔ ɓɛ.
11I̧i̧n tɛŋk nɛ an nɛ waa rɔbtɔnɔ a boolum du, bɔnɛ gut ya̧a̧yɔ seen gɛ, wɛɛn nɛ woo hin hi zul nɛ an nɛ dagn lees nɛ za̧a̧nɔ, anyɔ wi da wi raan nɛ amntɔnɔ. 12Gɔ gi anbɔ, waabil nɛ yɛgi riis dood wɔ hi taa Yeesu fɔkya gɛ, wɛɛ bɔnɛ kams dood mɔɔto. 13Yɛ̧ɛ̧dɛ wɛ, ha̧a̧w an nɛ mɛɛ rɔb a wɔrkɛ wɔ hi dɔŋgo an bɔ kpoos nɛ gi ɗɔb an dood zaadɛ wɔ hi taan mɔkil gbaaki. 14Anyɔ wɛ ɗɔbsig a Yeesu wɔrɔ, wɛɛ rɛml ɗundɔ, wɛ ɗɔbsig hɛw a dood wɔ hi wɔr a ɔksig gbun du hi Yeesu , Bɛt gi wɛnzihi lɛlgbun hi Yeesu be.
15Hinyɔ wi gisin raak ɓɔryɔ gi dɔgl yɔ fu̧u̧ a hinyɔ Waar Yeesu raa gedu: a wɛ́ɛ́ dood wɔ wɛ zɛ̧ɛ̧r hi kolɛ, a Waar Yeesu zaakɔ ɔ̧ti, wɛ taas wɔrkɛ wɔ ɗundigya̧ dorko. 16Bɛt gɔ gi ɓooya̧a̧, walsɛrɔ gbɔɔl bɔ gi ɓooya̧a̧, Bɛt pɔ̧rɔ gi uyyɔ, Waar Yeesu hi zulɔ gi siz bɛtha, wɔrkɛ wɔ hi ɗɔbsig nɛ Kristu hi rɛml hi ɗund doosi.
17Kuudu za̧a̧til wɔ wɛɛ yɔ wɛ zɛ̧ɛ̧rɔ, wɛ ɔks hi hiya wɛ dɔɔ a kuus du an wɛ dagtin hi Waar Yeesu a wɛɛha. Gɔ gi anbɔ ma, wɛ waa anbɔ hi Waar Yeesu wɛlɛ hi wɛlɛ. 18Ya̧a̧nɛ za̧a̧nyɔ gi sɛw rɔɔg naaza hi dɔgl yɛrɛ.
Currently Selected:
1 TESALONIKI 4: NTD
Highlight
Copy
Compare
Share
Want to have your highlights saved across all your devices? Sign up or sign in
Doyayo New Testament © Bible Society of Cameroon, 1991.
