Saumu 42
42
Ritonõpo poko penetãko
Sero saumu tymerose Kora tomo a.
1Ritonõpo, kapau tuna se zehnase ahtao
iporiry poko penetãko mana,
mokyro sã opoko penetãko ase, amaro jehtohme!
2Tuna enyry se exikety sã opoko penetãko ase,
Ritonõpo, ose ase, isene exikehpyra Exikety!
Omõxi oẽpataka oeahmase, Ritonõpo.
3Saereme ahtao yxitary poko kohmãnõko ase,
koko ahtao moro poko ẽmehnõko ase,
yxitary rokẽ ynapyryme mana.
Jepetõkara ynara ekaropõko: Otoko hnae Ritonõpo Oesemy? kakehpyra mã toto.
4Ukurohtao sam ãko ase josenetuputyryhtao
pake ehtopõpyry poko, toytose jahtao
imoihmãkõ maro Ritonõpo maro oturutoh taka.
Esemazupurume ytoase imaro xine, oximõme
atãkyemãko, eremiãko kohtãko Ritonõpo eahmãko.
5Oty katohme emynyhmãko ha yronymyryme?
Oty katoh torekohmase ywy?
Ritonõpo nyriry kurã eraximãko ase,
okynã pixo eahmãko ropa ase,
Ypynanohneme, Ritonõpo Jesemy.
6-7Taro ase imehnõ nonory po
emynyhmãko yronymyryme,
naeroro osenetupuhnõko ase Ritonõpo poko.
Pohkane konõto sã tuna konõto kuao
jemynyhmatoh tonehpose eya ypona
ukurohtao; otupĩko ywy, sõkane tõ sã panaikato
ke yhtõko ypy Heremõ poe, ypy Mizar poe
roropa orẽpyra tuna Joatão kuaka, moro sã
jemynyhmatoh tonehpose eya ukurohtaka.
8Ah ypyno toexiry enepono ya saereme ahtao,
morarame koko eremiãko ase ipoko,
jotururume Ritonõpo a isene jyriponeme exikety.
9Ekaropõko ase Ritonõpo jewomane a:
“Oty katoh tuenikehse ywy oya?
Oty katohme etuarimãko hano, tyyryhmase ywy jepetõkara popyra ehtoh pokoino?”
10Yzehpyry jetunu, yyryhmatopo yzehnotokomo a. Onekaropokehpyra mã toto:
“Otoko hnae Ritonõpo, oesemy?” ãko mã toto ya.
11Oty katohme emynyhmãko ha yronymyryme?
Oty katoh torekohmase ywy?
Ritonõpo nyriry kurã eraximãko ase,
okynã pixo eahmãko ropa ase,
Ypynanohneme mana Ritonõpo Jesemy.
Currently Selected:
Saumu 42: apy
Highlight
Share
Copy
Want to have your highlights saved across all your devices? Sign up or sign in
©2017, Wycliffe Bible Translators, Inc.
