Lǝŋni 3
3
Juupel ma ne zah'nanne
1Lǝŋ David, ne cok mo ɗuu pel wel ah Absolon.#2 Sa 15:13–17:22
2Dǝɓlii, za syiŋ ɓe joŋ pǝpãa ɓe,
Za ma ur ɓǝ ne me ara pǝlli.
3Za pǝlli a faara kal ɓe:
Masǝŋ ka gbah jol ah yao.
4Amma Dǝɓlii, amo ye pa byak ɓe,
Amo ye Dǝɓ mai mo tǝ ɓaŋ tǝtǝl ɓe kan sǝŋ.
5Me yeyee ɗii Dǝɓlii,
A zyii ɗii gin zah ɓe tǝwaa ah matǝdaŋdaŋ.
6Me swan ga sǝŋ nanǝmmi,
Me so kpiŋni,
Mor Dǝɓlii ye tǝ byak me.
7Koo za syiŋ ɓe mo ujenere mo ryaŋra me ɓoo ɓo kǝsyil laŋ,
Me ka ɗuu gal ɓǝǝr a.
8Dǝɓlii, mo urri!
Mo ǝ̃ǝ me Masǝŋ ɓe!
Mo jok za syiŋ ɓe,
Mo ik ra ge lalle.
9Masǝŋ yee ǝ̃ǝ dǝɓɓi.
Mo ẽe za ɓo.
Bible Moundang © Alliance Biblique du Tchad, 1996.