KEE ZANA 26
26
Keera za patǝ gwa ahe
1Fahfal syem maɓe' mo vǝrri, Dǝɓlii faa nyi Mosus ne Eleasar we Aron:#KeeZ 1:1-46 2We ŋwǝǝ pãa za Israel ne za yaŋ ɓǝǝ camcam daŋ, za wǝǝ mai mo joŋ syii ɓo jemma gwa, koo ma kal ahe, za mai moo gak ruura salle. 3-4Mosus ne Eleasar laara ɓǝ faa Dǝɓlii, taira za wǝǝ mai mo joŋ syii ɓo jemma gwa, koo ma kal ahe, taira tǝbǝǝ Moab kah el Yordan nǝfah tǝkǝsǝŋ yaŋ Jeriko.
Za Israel mai mo pǝ̃ǝra gin sǝr Egiɓ ge a naiko:
5Ban Ruben (Ruben ako ye we Yakuɓ malii): morsǝ̃ǝ Hanok, Paloo, 6Hesron, ne Karmi. 7Morsǝ̃ǝ za mai pãa ɓǝǝ a 43.730. 8Morsǝ̃ǝ Paloo ye Eliaɓ, 9ne wee ah Nemuel, Datan, ne Abiram. (Datan ne Abiram mai za pãa mo nǝǝ ra na zaluuri. Faara ɓǝɓe' tǝ Mosus ne Aron, taira zah ne za ma ne Kora, ne cok mai mo ŋwoora kyaŋ ne Dǝɓlii. 10Sǝr ǝǝ zah sǝ̃ǝ ra, wukra ne Kora, ne za ma ne ki, ne cok mai wii mo sye za temere gwa ne jemma dappe. Ɓǝ ɓǝǝ a no na fan ma lai za Israel, ka mo foora ɓǝ ahe. 11Amma wee Kora wukra ya.)
12Ban Simon: morsǝ̃ǝ Nemuel, Jamin, Jakin, 13Zera, ne Saul. 14Morsǝ̃ǝ za mai pãa ɓǝǝ a 22.200.
15Ban Gad: morsǝ̃ǝ Zefon, Haggi, Suni, 16Ozni, Eri, 17Arod, ne Areeli. 18Morsǝ̃ǝ za mai pãa ɓǝǝ a 40.500.
19-21Ban Yuda: morsǝ̃ǝ Sela, Peres, Zera, Hesron, ne Hamul. (Wee Yuda gwa, Er ne Onan, amma wukra sǝr Kanaan.) 22Morsǝ̃ǝ za mai pãa ɓǝǝ a 76.500.
23Ban Isakar: morsǝ̃ǝ Tola, Puwa, 24Jasuɓ, ne Simron. 25Morsǝ̃ǝ za mai pãa ɓǝǝ a 64.300.
26Ban Zebulon: morsǝ̃ǝ Sered, Elon, ne Jaleel. 27Morsǝ̃ǝ za mai pãa ɓǝǝ a 60.500.
28Ban Yuseɓ mai mo ne wee gwa, Manasse ne Efraim.
29Ban Manasse: Makir we Manasse, ako ye byaŋ Giliat. Morsǝ̃ǝ za mai mo gee mor Giliat ge a naiko: 30morsǝ̃ǝ Jezer, Helek, 31Asriel, Sikem, 32Semida, ne Hefer. 33Selofad we Hefer ka ne wee wǝǝ ya, amma a ne wee maŋwǝǝ to, tǝɗii ɓǝǝ a naiko: Maka, Noa, Hogla, Milka, ne Tersa. 34Morsǝ̃ǝ za mai pãa ɓǝǝ a 52.700.
35Ban Efraim: morsǝ̃ǝ Sutela, Beker, ne Tahan. 36Morsǝ̃ǝ Eran laŋ gee morsǝ̃ǝ Sutela ge. 37Morsǝ̃ǝ za mai pãa ɓǝǝ a 32.500.
38Ban Benyaamin: morsǝ̃ǝ Bela, Asbel, Akiram, 39Sufam, ne Hufam. 40Morsǝ̃ǝ Arda ne Nooman gee morsǝ̃ǝ Bela ge. 41Morsǝ̃ǝ za mai pãa ɓǝǝ a 45.600.
42Ban Dan: morsǝ̃ǝ Hasim. 43Pãa ɓǝǝ a 64.400.
44Ban Asǝr: morsǝ̃ǝ Imna, Jiswi, ne Beria. 45Morsǝ̃ǝ Eber ne Malkiel gee morsǝ̃ǝ Beria ge. 46Asǝr no ne mǝlaŋ winni, a ɗii ne Serak. 47Morsǝ̃ǝ za mai pãa ɓǝǝ a 53.400.
48Ban Naftali: morsǝ̃ǝ Jazael, Guni, 49Jesar, ne Sillem. 50Morsǝ̃ǝ za mai pãa ɓǝǝ a 45.400.
51Pãa za Israel mo tai daŋ - 601.730.
52Dǝɓlii faa nyi Mosus:#KeeZ 34:13; Jos 14:1-2 53Mo wom sǝr kǝsyil ban marai tǝgbana pãa za ɓǝǝra. 54-56Mo wom sǝr ah nyi ra ne cahcah, mo nyi sǝr nyi ban ma'man ah pǝ'man ta, ban malaŋ ah laŋ mo nyi nyi ra pǝlaŋ ta.
57So ban Lewi laŋ no, morsǝ̃ǝ Gerson, Kehat, ne Merari. 58Morsǝ̃ǝ Lewi manyeeki ah no, gera gin morsǝ̃ǝ Libni, Hebron, Makli, Musi, ne Kora. Kehat ye byaŋ Amram, 59Amram ɓaŋ mǝlaŋ Lewi mawin ma ɗii ne Jokebet, mai mo byaŋ sǝr Egiɓ kanne. Bem wee wǝǝ nyi Amram gwa, Mosus ne Aron, ne mǝlaŋ win gŋ vaŋno, a ɗii mǝlaŋ ah ne Miriam. 60Aron bem wee wǝǝ nai: Nadaɓ, Abihu, Eleasar, ne Itamar.#KeeZ 3:2 61Nadaɓ ne Abihu wukra, ne cok mo ɓaŋra wii ma lal mai mo ka ne fahlii ah ya ge joŋ syiŋ pel Dǝɓlii ne ko.#Lew 10:1-2; KeeZ 3:4 62Pãa Lewitien za wǝǝ mai mo joŋ fĩi ɓo vaŋno, koo ma kal ahe, a 23.000, keera ra ne za Israel maki ah ra ya, mor ara ka ne sǝr ma ka syak ɓǝǝ kpik kǝsyil za Israel a.
63Mosus ne Eleasar keera morsǝ̃ǝ marai daŋ, ne cok mai mo ŋwǝǝra za Israel tǝbǝǝ Moab kah el Yordan, nǝfah tǝkǝsǝŋ yaŋ Jeriko. 64Koo dǝɓ vaŋno kǝsyil za mai Mosus ne Aron mo ŋwǝǝra kǝpel kǝsyicok Sinai kǝka gŋ ya. 65Mor Dǝɓlii faa nyi ra kǝpelle, ara daŋ a ga wukra kǝsyicokki, ara daŋ wukra, sai coŋ Kaleɓ we Jefunne, ne Joswa we Nun to.#KeeZ 14:26-35
Bible Moundang © Alliance Biblique du Tchad, 1996.