KEE ZANA 2
2
Zyeɓra kal zahban Israel ne jul ɓǝǝra
1Dǝɓlii faa nyi Mosus ne Aron: 2Ne cok za Israel mo tǝ gbahra jul ɓǝǝ ɓe, koo zune daŋ mo gbǝko jul ah fah kǝ wo za mǝ ah kah tutowal ɓǝǝra, mo gbahra jul ryaŋ tal mbǝro ma tai ɓoo kǝsyilli.
3Nǝfah kǝmorcomzah'nanne, za Yuda mo gbahra jul ɓǝǝ kah tutowal ɓǝǝ ne zaluu ɓǝǝ na mai mo lǝǝ ɓo nyẽeko: Ban Yuda, dǝɓlii ɓǝǝ ye Naason we Amminadaɓ, 4pãa za ɓǝǝ 74.600. 5Ban Isakar, dǝɓlii ɓǝǝ ye Netanel we Zuar, 6pãa za ɓǝǝ 54.400. 7Ban Zebulon, dǝɓlii ɓǝǝ ye Eliaɓ we Helon, 8pãa za ɓǝǝ 57.400. 9Tai daŋ - 186.400. Kul za Yuda ye mo kalra pelle.
10Nǝfah morkǝsǝŋ ahe, za Ruben mo gbahra jul ɓǝǝ kah tutowal ɓǝǝ ne kul za ɓǝǝ ne zaluu ɓǝǝ na mai mo lǝǝ ɓo nyẽeko: Ban Ruben, dǝɓlii ɓǝǝ ye Elisur we Sedur, 11pãa za ɓǝǝ 46.500. 12Ban Simon, dǝɓlii ɓǝǝ ye Selumiel we Suriskadai, 13pãa za ɓǝǝ 59.300. 14Ban Gad, dǝɓlii ɓǝǝ ye Eliasaf we Dǝwel, 15pãa za ɓǝǝ 45.650. 16Tai daŋ - 151.450. Kul za Ruben ye mo kal ge gŋ.
17Kǝsyil kul matǝ gwa ma kǝpelle, ne kul matǝ gwa ma fahfalle, ka Lewitien mo ɓaŋra tal mbǝro ma tai syee kǝsyil ɓǝǝ ne ko. Sai mo syeera ge ne patǝtǝl ne kul ɓǝǝ camcam mor tutowal ɓǝǝ tǝgbana jul ɓǝǝ mo lǝǝ ɓo ta.
18Nǝfah kǝmorcomlil laŋ, za Efraim mo gbahra jul ɓǝǝ kah tutowal ɓǝǝ ne kul za ɓǝǝ ne zaluu ɓǝǝ na mai mo lǝǝ ɓo nyẽeko: Ban Efraim, dǝɓlii ɓǝǝ ye Elisama we Ammihud, 19pãa za ɓǝǝ 40.500. 20Ban Manasse, dǝɓlii ɓǝǝ ye Gamaliel we Pedasur, 21pãa za ɓǝǝ 32.200. 22Ban Benyaamin, dǝɓlii ɓǝǝ ye Abidan we Gidioni, 23pãa za ɓǝǝ 35.400. 24Tai daŋ - 108.100. Za Efraim ye kul patǝ sai ah ma syee ga gŋ.
25Nǝfah kǝsǝŋ laŋ, za mǝ Dan mo gbahra jul ɓǝǝ kah tutowal ɓǝǝ ne kul za ɓǝǝ ne zaluu ɓǝǝ na mai mo lǝǝ ɓo nyẽeko: Ban Dan, dǝɓlii ɓǝǝ ye Ahizer we Ammiskadai, 26pãa za ɓǝǝ 62.700. 27Ban Asǝr, dǝɓlii ɓǝǝ ye Pagiel we Okran, 28pãa za ɓǝǝ 41.500. 29Ban Naftali, dǝɓlii ɓǝǝ ye Ahira we Enan, 30pãa za ɓǝǝ 53.400. 31Tai daŋ - 157.600. Kul za mǝ Dan ye mo ge gŋ i zah ɓǝǝ lii.
32Pãa za Israel mai mo ŋwǝǝra ne za ɓǝǝ ne kul ɓǝǝ camcam daŋ, ara 603.550. 33Amma keera za Israel ne Lewitien a, tǝgbana mai Dǝɓlii mo faa ɓǝ ah ɓo nyi Mosus.
34Za Israel joŋra fan mai daŋ Dǝɓlii mo faa ɓǝ ah nyi Mosus, zune daŋ a gban jul ah kah tutowal ahe, so a syeera ne morsǝ̃ǝ ɓǝǝ camcam.
Bible Moundang © Alliance Biblique du Tchad, 1996.