JOSWA 12
12
Za goŋ mai Mosus mo ik ra
1Sǝr mai za Israel mo rera kah el Yordan nǝfah kǝmorcomzah'nanne, tǝŋ daga cok tǝforoŋ Arnon, ŋhaa ge dai tǝ waa Hermon ma fah kǝsǝŋ. Ikra za goŋ camcam gwa.#KeeZ 21:21-35; CuuƁ 2:26–3:11 2Vaŋno ah ako ye Sihon goŋ Amorien, kaa ɓo yaŋ Hesbon. Sǝr mai mo lwaako ɓo tǝŋ daga Aroyer mai mo pǝ cok tǝforoŋ Arnon ne yaŋ ma pǝ cok tǝforoŋ ah ra ŋhaa ge dai kah el Jabok tǝ zahsyee Ammonien. Cok ah raita sǝr Giliat yo. 3So tǝŋ daga mabii Galile nǝfah morkǝsǝŋ Bet-Jesimot nǝfah kǝmorcomzah'nan mabii Wulli, ŋhaa ge dai ɓal waa Pisga. Cok tǝforoŋ Yordan ye daŋ.
4Patǝ gwa ahe, ira Og goŋ Basan mai mo coŋ ɓo daga morsǝ̃ǝ Refaim, kaa ɓo yaŋ Askarot ne Edrai. 5Sǝr mai mo lwaako ɓo tǝŋ daga kah waa Hermon ne Salka tǝkine sǝr Basan daŋ ŋhaa ge dai zahsyee sǝr Gesur ne Maaka ne raita sǝr Giliat, ŋhaa ge dai sǝr goŋ Sihon mai mo kaa ɓo Hesbon.
6Mosus dǝɓ yeɓ Dǝɓlii tǝkine za Israel daŋ ikra ra. Nyi sǝr ah nyi Rubenien ne Gadien tǝkine raita ban Manasse.#KeeZ 32:33; CuuƁ 3:12
Za goŋ mai Joswa mo ik ra
7Joswa ne za Israel ikra za goŋ mai mo haira ɓo tǝ sǝr ma morcomlil Yordan daŋ, tǝŋ daga Ba'al-Gad pǝ cok tǝforoŋ Liban ka ga tǝ waa Halak nǝfah morcomlil gwari ne sǝr Edom. Joswa wom sǝr ah nyi ban Israel ka mo yeara ne ko na fan ɓǝǝra: 8sǝr ma tǝ waare ne ma tǝ sǝr sǝŋ, ma tǝ geere ne ma cok tǝforoŋ Yordan ne ma na pil nǝfah morkǝsǝŋ. Sǝr ah sǝr Hetien, Amorien, Kanaanien, Perisien, Hevien, tǝkine Jebusien yo. 9Za goŋ ah ra a naiko: goŋ Jeriko vaŋno, goŋ Ai mai mo gwari ne Betel vaŋno, 10goŋ Jerusalem vaŋno, goŋ Hebron vaŋno, 11goŋ Jarmut vaŋno, goŋ Lakis vaŋno, 12goŋ Eglon vaŋno, goŋ Gezar vaŋno, 13goŋ Debir vaŋno, goŋ Gedar vaŋno, 14goŋ Horma vaŋno, goŋ Arad vaŋno, 15goŋ Libna vaŋno, goŋ Adullam vaŋno, 16goŋ Makeda vaŋno, goŋ Betel vaŋno, 17goŋ Tapǝwa vaŋno, goŋ Hefer vaŋno, 18goŋ Afek vaŋno, goŋ Lasaron vaŋno, 19goŋ Madon vaŋno, goŋ Hazor vaŋno, 20goŋ Simron-Meron vaŋno, goŋ Aksaf vaŋno, 21goŋ Tanak vaŋno, goŋ Megiddo vaŋno, 22goŋ Kades vaŋno, goŋ Jokneam ma tǝwaa Karmel vaŋno, 23goŋ Dor ma tǝgee Dor vaŋno, goŋ Gojim ma Gilgal vaŋno, 24goŋ Tersa vaŋno. Pãa za goŋ rai daŋ a jemma sai tǝtǝl vaŋno.
Bible Moundang © Alliance Biblique du Tchad, 1996.