ESAIA 12
12
Lǝŋ ma joŋ osoko
1Zah'nan ah no ginni, ne cok ah za ga ɗǝǝra lǝŋ faa:
Me yii mo Dǝɓlii,
Mor mo yea tǝ joŋ kpãh ne me.
Amma zǝzǝ̃ǝko mo wuu zahzyil nyi me ɓe,
Mo ka tǝ joŋ kpãh yao.
2Masǝŋ ye pa ǝ̃ǝ ɓe,
Me ga soɓ suu ɓe wol ahe,
Me ka ɗuu gal ao.
Dǝɓlii ye tǝ nyi swah suu nyi me tǝkine swah zahzyilli,
Ako ye pa ǝ̃ǝ ɓe.#Pǝ̃ǝ 15:2; Lǝŋ 118:14
3Ne cok Masǝŋ mo ǝ̃ǝ zan ah ra ɓe,
A laara pǝ'nyah tǝgbana pa mai koŋ bii
mo i ko ɓo moo laa pǝ'nyah ne zwan bii wokki.
4Zah'nan ah no ginni,
Ne cok ah za ga ɗǝǝra lǝŋ faa:
We joŋ osoko nyi Dǝɓlii!
We fii ko ka mo gbahko jol ɓiiri!
We faa ɓǝ fan mai mo joŋko ɓo daŋ nyi za sǝrri,
We faa ɓǝ yǝk ah nyi ra.
5We ɗǝǝ lǝŋ yii Dǝɓlii ne mor fan maluu camcam mai mo joŋko.
We soɓ za sǝr daŋ mo laa ɓǝ ahe.
6Zune daŋ mo kaa ɓo Sion mo 'nyahko suu tǝkine ɗǝǝ lǝŋni,
Masǝŋ Matǝdaŋdaŋ mǝ za Israel a pǝyǝkki,
Kaa ɓo kǝsyil zan ahe.
Bible Moundang © Alliance Biblique du Tchad, 1996.