Baroma 4

Tjilakidzo ngekwa Abhurahama

1Tingatini ngono ngekwa batategulu bedu, Abhurahama? 2Ngobe ha Abhurahama akalulwamisiwa nge mishingo, ungabe ana tjimwe tjaangazwikudza nditjo, koga kusi mbeli kwe Ndzimu. 3#Kutangisa 15:6; Bagalatiya 3:6Hwalo dzikatini? “Abhurahama wakagalamoyo Ndzimu, ngono kugalamoyo kukwe kukatogwa ili ndulamo.” 4Kuna iye unoshinga, ndipo iye aitotogwa ili tjipo, koga inotogwa ili fanilo. 5Kuna iye usingashinge koga egalabgwe Ndzimu, kuti ndiwo unolulwamisa babi, kugalamoyo kukwe kotogwa ili ndulamo. 6Ndizo Dafite naiye bo unoleba ngekwe kukombolegwa kwe nthu unoyi wakakombolegwa nge Ndzimu kuzhe kwe mishingo eti,

7 # Njimbo 32:1, 2 “Bakakombolegwa ibabo bakazwiibhatigwa matjinyo abo,

ne bana zwibi zwakabukushiwa.

8Kwakakombolegwa nthu She waasingobalila zwibi zwizwe.”

9Apa iko makombolelo iyawa nge ebakathumbigwa koga, kene nge ebasakathumbigwabo? Se tati, “Kugalamoyo kwa Abhurahama kwakatogwa ili ndulamo.” 10Kwakashingikala tjini kuti kutogwe nge zila iyeyo? Wakabe atjithumbigwa kene asathu kathumbigwa? Kwakashingikala asathu kathumbigwa. 11#Kutangisa 17:10Wakaamutjila kuthumbigwa kuli lutjwayo gwe ndulamo yaakabe nayo nge kugalamoyo kukwe asathu kathumbigwa. Ili kunthama tate ba bose bakagalamoyo basakathumbigwa ngono kukatogwa ili ndulamo ku bali. 12Sa ikoko ndi tatebo be bakathumbigwa, kusi kuti hwuthumbigwa koga, kuli kuti banogalamoyo mu Ndzimu sa Abhurahama tate bedu, basathu bakathumbigwa.

Ndzimu unogadzabgwe banogalamoyo muuli

13 # Kutangisa 17:4-6; 22:17, 18; Bagalatiya 3:29 Kugadziwabgwe kwa Abhurahama ne bana babe kuti bathuwe shango, akuzozha ngobe Abhurahama akabe elondolodza nlayo, koga kwakazha nge ndulamo yaakawana nge kugalamoyo. 14#Bagalatiya 3:18Ha kuli kuti balondolodzi be nlayo ndibo banowobe bagalithaka, kowobe kudwa kuti kugalamoyo akutodwa tjimwe kakale kugadziwabgwe akuna nshingo. 15Nge kuti nlayo unozhisa bushongola gwe Ndzimu, koga pasina nlayo apana tjibi.

16 # Bagalatiya 3:7 Ndizo kugadziwabgwe kwakateyiwa pezhugwi kwe kugalamoyo kuti bose bana ba Abhurahama babe ne gobe mu kugadziwabgwe kumu ngoni dze Ndzimu, kusi ibabo banolondolodza nlayo boga, koga na ibabo banogalamoyo sa Abhurahama. Abhurahama ndi tate bedu tose. 17#Kutangisa 17:5Sekwa kwakakwagwa kuyi, “Ndakakuthama tate be zwitjaba zwi njinji.” Mbeli kwe Ndzimu iwo waakagalamoyo, iwo unopa bafi butjilo, unoti ukathama zwithu zwisakatongobe yapo zwikabe yapo. 18#Kutangisa 15:5Mu kugalabgwe, Abhurahama wakagalabgwe nenguba kwakabe kusingagalikebgwe, ndizo kabe “tate be zwitjaba zwinjinji” sekwa akabe adwiwa, kuyi “Bana babo banowobe banjinji sa ikoku.” 19#Kutangisa 17:17Aazonyala meya mu kugalamoyo kukwe ha ekumbula mbili uwe, iwo wakabe ungafanidzanyiwa ne wakafa nge kuti wakabe ana makole angabhata zana (100), kene ekumbula kusawana bana kwa Sara. 20Aazodudumwa kene kuli sagalabgwe kugadzabgwe kwe Ndzimu, koga wakasima mu kugalamoyo, ekudza Ndzimu, 21egalamoyo nge buzhalo kuti Ndzimu unotubula kushinga tjawakagadzabgwe. 22Ndizo wali nge kugalamoyo kukwe, “Ndzimu wakalulwamisa.” 23Matama anoti, “kugalamoyo kwakatogwa ili ndulamo,” aazokwaligwa iye ega. 24Akakwaligwa naswibo. Iswi tinogalamoyo, kugalamoyo kwedu kotogwa ili ndulamo muuli iwo wakamusa Jesu She wedu mu bafi. 25#Isaya 53:4, 5Iye wakabulayigwa zwibi zwedu kamusigwa ndulamo yedu.

Currently Selected:

Baroma 4: KBTP

Highlight

Compare

Copy