Baroma 16
16
Paulo unodumilisa bamwe bathu ku Roma
1Ndomuzibisa hazwadzi yedu Febhe, ntiyakoni mu gubungano le Kenikiriya, 2mun'amutjile muna She nge kwakafanila bayengemali kakale mumpe bhatsho imwe ne imwe yaangashaka mu muli, ngobe wakabe mbatshi we bathu banjinji kose nami dumbu wakandibhatsha.
3 #
Mishingo 18:2
Dumilisani Purisila na Akhwila, bashingi nami muna Kirisiti Jesu. 4Bakalonga matjilo abo mu mbhatsha nge kwangu. Kusi imi koga, ne gubungano lose le Bezwitjaba lobatenda. 5Dumilisanibo gubungano linoshanganila ku nzi wabo.
Dumilisani Epeneto wandinoda, wakabe iye we kutanga kushanduligwa muna Kirisiti mu ntuthu we Ezhiya. 6Dumilisani Mariya iye wakamushingila kwazo. 7Dumilisani makamu angu Andironiko na Juniyasi basungwa nami. Banozibgwa kwazo pakati kwe batumwa kakale bakaamutjila Kirisiti imi ndisathu.
8Dumilisani Ampiliyato wandinoda muna She. 9Dumilisani Ubhanosi nshingi naswi muna Kirisiti ne n'diwa wangu Sitakisi. 10Dumilisani Apelesi wakagagwabgwe muna Kirisiti. Dumilisani ibabo be nsha wa Arisitobhulo. 11Dumilisani Herodiyoni gamu langu. Dumilisani ibabo be nsha wa Narikiso ba muna She.
12Dumilisani Tirifina na Tirifosa, bakadzi ibabo banoshinga kwazo muna She. Dumilisani n'diwa wangu Pesisi iye mmwe nkadzi wakashinga kwazo muna She. 13#Mako 15:21Dumilisani Rufu, iye unozibgwa kwazo muna She, na mmeyabe, ibo bakabe mme kundilibo. 14Dumilisani Asinikirito, Fulegoni, Hemesi, Patirobhasi, Hemasi ne zwikamu zwabanazo. 15Dumilisani Filologo, Juliya, Nereusi ne hazwadzi iye na Olimpasi kose ne bayengemali babanabo.
16Dumilisanani ne kubutjilana kwakayengemala. Makubungano wose a Kirisiti anomudumilisa.
Ndayo dze bupelo
17Ndomukumbila zwikamu, kube ne njele muna ibabo banozhisa kuthubukana kakale bebiga zwinopinganyidza mu zila dzenyu zwinonyanyayidzana ne kudiya kwamakawana. Thubukanani nabo. 18Ngoti bathu bakajalo abatoshingila She wedu Kirisiti, koga banoshingila njemulo dzabo. Banotjebela bathu basingazibe tjimwe nge matama abo akanaka kakale anokudza kwe manyepkhwa. 19Mmwe ne mmwe wakaziba ngekwe kuhwa kwenyu, ndizo ndizhele kushatha nge kwenyu, koga ndoshaka kuti mutjenjele muna tjakalulwama kakale mube basina nlandu muna tjakabipa. 20Ndzimu unotipa kunyalala unowotjimbidza wakanyanga Satani kusi kwe makumbo enyu.
Ngoni dza She wedu Jesu Kirisiti ngadzibe namwi.
21 #
Mishingo 16:1
Timoti, nshingi nami, unomudumilisa, kose na Lukiyo, Jasoni na Sosipata bashingi nami.
22Imi Tetiyo, nkwalili we lukwalo igogu, ndomudumilisa muna She.
23 #
Mishingo 19:29; 1 Bakorinta 1:14;
2 Timoti 4:20
Gayo, iye n'amutjili wangu ne bathu be gubungano mu nzi uwe unodumilisa. Erasito, iye mbhati we mari e nzi nkulu ne ikamu tjedu Kwato banomudumilisa. [24Ngoni dza She wedu Jesu Kirisiti dzingabe namwi mose. Ngakujalo.]#16:24: Hwalo njinji dza ntolo dze Bhaibhili adzina ndimana iyeyi.
Gwe bupelo Paulo unokudza Ndzimu
25Ngatikudzeni Ndzimu, iwo unotubula kumusimisa mu kugalamoyo kwenyu mu Ndebo mbuya yandinosumikila ngekwa Jesu Kirisiti kakale kuyendidzana nge zumbunuko ye malebeswa akabe akasumbikiwa tjibaka tjilefu. 26Koga ngwenu, malebeswa iyawa akalebgwa edusigwa patjena nge hwalo dze balebesambeli, ezibisiwa zwitjaba zose, se Ndzimu usingapele wakalaula, kuti kuzhe kuhwa kwe kugalamoyo.
27Ngakukudziwe ndi Jesu Kirisiti Ndzimu wakatjenjela mu zwithu zose nge kusingapele kose. Ngakujalo.
Currently Selected:
Baroma 16: KBTP
Highlight
Share
Compare
Copy
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.
