1 Bakorinta ZIBISO NGEKWE LUKWALO IGOGU
ZIBISO NGEKWE LUKWALO IGOGU
Lukwalo gwa Paulo gwe kutanga ekwalila Bakorinta gwakakwagwa gwakalingisana nge manikano dze butjilo ne bugalimoyo gwe Tjikirisiti. Manikano dzakabe dzatjibe yapo mu gubungano lakabe latangiswa ndi Paulo ku Korinta. Mu lubaka igogo, Korinta wakabe uli nzi nkulu we Tjigiriki kwakabe kugala njudzi njinji dzakasiyana siyana. Ndiko kwakabe kugala nlauli we Akaiya, uli ntuthu we Roma. Wakabe uzibgwa kwazo mu kushaba nenge zwilenje zwina mazwikudzo kwazo nenge bupombgwe nenge kunamata kwakathubukana.
Kwazo kwazo ntumwa iwoyu wa Jesu wakabe akazwilingisanya nge manikano dzinonga kuthubukana kwe bugalimoyo nenge bupombgwe mu gubungano nenge bhuzo dzakabe dzakalingisana ne kuwalilana kusakalingisana nenge ndobolo nenge njalakang'wa dze bathu nenge kuyendisiwa zubuyanana kwe gubungano nenge zwipo zwe Meya yakayengemala nenge kumusiwa mu bafi. Nge butjenjedu bukulu kulu unolakidza kuti ndebo mbuya inolebeleka tjini ngekwa idzedzi bhuzo.
Ndima ye bugumi lina butatu (13) inolakidza ludo, kuti ndigo tjipo tje Ndzimu tjinopinda zwipo zose ku bathu, kakale panonga ipo panozibgwa kwazo mu lukwalo igogu.
Zwimu lukwalo igogu nge bufupi
Matama e kutanga 1:1-9
Kuthubukana mu gubungano 1:10—4:21
Kutjidzana zubuyanana pa nsha 5:1—7:40
Bakirisiti ne basingagalemoyo 8:1—11:1
Butjilo mu gubungano ne kunamata Ndzimu 11:2—14:40
Kumuka mu bafi kwa Kirisiti ne bagalimoyo 15:1-58
Zwipo zwakadusigwa Bakirisiti mu Judiya 16:1-4
Mazwimisilo a Paulo ne matama awe e bupelo 16:5-24
Currently Selected:
1 Bakorinta ZIBISO NGEKWE LUKWALO IGOGU: KBTP
Highlight
Copy
Compare
Share
Want to have your highlights saved across all your devices? Sign up or sign in
Kalanga Bible © Bible Society of Botswana, 2008, 2018.